சுறாக்கள் நிறைந்த ஆபத்தான கடலை ஹீலியம் பலூனில் கடந்த நபர் : மண்டேலா சிறுவர் வைத்தியசாலைக்கு நிதி சேகரிக்கும் திட்டம்

தென்னாபிரிக்காவைச் சேர்ந்த நபரொருவர் நெல்சன் மண்டேலா 18 வருடங்கள் சிறைவாசம் அனுபவித்த தீவிலுள்ள சுறா நிறைந்த கடலின் சுமார் 4 மைல் தூரத்தினை ஹீலியம் பலூலின் பறந்து சாதனை படைத்துள்ளார்.


மெட் சில்வர் வல்லன்ஸ் என்ற 37 வயதான தென்னாபிரிக்காவைச் சேர்ந்த நபரொருவரே ஆபத்து நிறைந்த இப்பயணத்தை மேற்கொண்டு சாதித்துள்ளார். இச்சாதனைப் பயணத்தின் மூலம் கிடைக்கும் பணத்தினை நெல்சன் மண்டேலா சிறுவர் வைத்தியசாலை வளர்ச்சிக்கு வழங்குதனை நோக்கமாகக் கொண்டே வல்லன்ஸ் செயற்பட்டுள்ளார்.


இந்தச் சாதனை மூலம் 10 மில்லியன் அமெரிக்க டொலர்களை திரட்ட முடியும் என வல்லன்ஸ் எதிர்பார்த்துள்ளார்.


ஹீலியம் நிரப்பட்ட 160 பலூன்களை மட்டுமே பயன்படுத்தி 3.7 மைல் தூரத்தினை ஒரு மணி நேரத்தில் கடந்துள்ளார் வல்லன்ஸ்.


வல்லன்ஸ் கடந்த கடற் பகுதியான ரொப்பன் தீவிலேயே முன்னாள் தென்னாபிரிக்க ஜனாதிபதி நெல்சன் மண்டேலா 18 வருடங்கள் சிறைவாசம் அனுபவித்துள்ளார். மண்டேலா மொத்தமாக 27 வருடங்களை சிறையிலேயே கழித்தார்.

தற்போது 94 வயதாகும் மண்டேலா கடந்த சனிக்கிழமை வைத்தியசாலையிருந்து வீடு திரும்பினார். அன்றைய தினமே இம்முயற்சியை மேற்கொண்டார் வல்லன்ஸ்.


இது குறித்து வல்லன்ஸ் கூறுகையில், நெல்சன் மண்டேலா எதிர்கொண்ட ஆபத்துடன் நான் செய்தது ஒன்றும் பெரிய விடயமல்ல. ஆனால் இன்னுமொரு நிச்சயமாக இப்பயணத்தை மேற்கொள்ள மாட்டேன். கடல் மட்டத்திலிருந்து 1000 அடிகள் உயரம் வரை பறந்தேன். இதுவொரு ஆபத்துமிக்க பயணம் எனத் தெரிவித்துள்ளார்.

AM.Rizath/Metronews

மேலும் வாசிக்க

உலக சனத்தொகையை விஞ்சும் செல்லிடத் தொலைபேசிகளின் தொகை

'தூற்­றுவார் தூற்­றட்டும் போற்­றுவார் போற்­றட்டும்' என விமர்­ச­னங்­களைக் கடந்து மானிட வர்க்கம் மட்­டுமே வெற்றி பெற­வேண்­டி­ய­தில்லை என்ற உண்­மையை மானி­டர்­களின் கைக்­கு­ழந்­தை­களாய் ஒவ்­வொ­ரு­வ­ரி­னதும் கைகளில் தவழும் கைப்­பே­சிகள் இன்று உணர்த்­தி­யுள்­ளன. இதில் தொழில்­நுட்ப பிரி­யர்­க­ளுக்கும் மகிழ்ச்­சிதான்.

உலகில் வெற்­றி­பெறும் ஒவ்­வொரு புதிய விட­யமும் பழை­ய­னவாய் மாறியே முழு­மை­யான அங்­கீ­கா­ரத்­தினைப் பெற்­றுக்­கொள்­கின்­றது. அந்த வரி­சையில் செல்­லிடத் தொலை­பே­சி­களுக்கு ஒரு தனி இடம் உண்டு. ஏனெனில் செல்­லிடத் தொலை­பே­சி­களின் வர­விற்கு ஆரம்­பத்­தி­லி­ருந்து இன்று வரையில் பர­வ­லான எதிர்ப்­புகள் இருந்­து­கொண்­டேதான்  இருக்­கின்­றன. இருப்­பினும் அதன் தேவையை  கட்­டுப்­ப­டுத்த முடி­யாமல் திண்­டா­டு­கி­றார்கள்.

ஆனாலும், செல்­லிடத் தொலை­பே­சி­களின் வளர்ச்சி என்­பது சனத்­தொகை வளர்ச்­சியைப் போலவே உள்­ளது. அலெக்­ஸாண்டர் கிரஹம் பெல்லின் கண்­டு­பி­டிப்­பான தொலை­பே­சியின் பின்னர் 1906ஆம் ஆண்டில் சார்ல்ஸ் ஈ.அல்டன் என்­பவர் முதன் முத லில் வெஸ்ட் பொக்கெட் எனும்  செல்­லிடத் தொலை­பேசி என்ற சாத­னத்தைக் கண்­டு­பி­டித்தார்.

  
இதுவே தற்­போ­தைய செல்­லிடத் தொலை­பே­சியின் வளர்ச்­சியின் ஆரம்­பமாய் அமைந்­தது. இருப்­பினும் சார்ல்ஸ் ஈ. அல்­ட­னினால் பெரி­ய­ளவில் அவ­ரு­டைய கண்­டு­பி­டிப்பை வளர்ச்சி பெறச் செய்­யவோ அல்­லது அதிக எண்­ணிக்­கை­யிலோ பெருக்­கிக்­கொள்ள முடி­ய­வில்லை.

இதன் பின்னர் 1946ஆம் ஆண்­ட­ளவில் சிக்கா­கோ­வி­லி­ருந்த பெல் சிஸ்டம் தொலை­பேசி ஊடாக நட­மாடும் ஒரு தொலை­பே­சியில் இருந்து முத­லா­வது அழைப்பு அதுவும் காரி­ லி­ருந்து ஏற்­ப­டுத்­தப்­பட்­டது.  இதன்­போது பயன்­பட்ட  செல்­லிடத் தொலை­பே­சியின் நிறை 36 கி.கி ஆகும். கண­னிகள் போலவே தொலை­பே­சியும் பெரி­ய­ன­வாக இருந்தே சிறி­ய­ன­வா­கின.

பின்னர் இதன் மீதான ஈர்ப்பு மிக மெது­வாக அதி­க­ரித்து இன்று வலு­வாக மக்­க­ளி­டையே இணைந்து அனை­வ­ரையும் தனி­மையில் கூட்­டாக பேச­வைத்­துக்­கொண்­டி­ருக்­கி­றது. 1973ஆம் ஆண்டில் ஜோன் எப். மிட்சல் என்­ப­வ­ரினால் கைக்­க­டக்­க­மான முத­லா­வது செல்­லிடத் தொலை­பேசி தயா­ரிக்­கப்­பட்­டது. இதன ்­போதே கைப்­பே­சி­களின் பரி­ணாம வளர்ச்சி ஆரம்­ப­மா­னது.


1973ஆம் ஆண்டு ஏப்ரல் மாதம் 3ஆம் திகதி மோட்­ட­ரொலா நிறு­வ­னத்தின் ஆய்­வு­கூ­டத்­தி­லி­ருந்த ஜோய­லுக்கு கூப்பர் என்பர் முத­லா­வது அழைப்­பினை ஏற்­ப­டுத்­தினார். அதுவே ஏனை­யோரும் தொலை­பே­சியின் அழைப்­புக்கு செவி­ம­டுக்க வைக்க போடப்­பட்ட அடித்­தளம். இந்த செல்­லிடத் தொலை­பேசி அன்று 3995 அமெ­ரிக்க டொலர்­க­ளுக்கு விற்­பனை செய்­யப்­பட்­டது.

ஆனால் முதன்­மு­றை­யாக வணிக ரீதி­யி­லான கைப்­பே­சிகள் என்.ரீ.ரீ எனும் ஜப்பான் நிறு­வ­னத்­தினால் 1979ஆம் ஆண்­ட­ள­வி­லேயே அறி­மு­கப்­ப­டுத்­தப்­பட்­டது. தொடர்ந்து பல நிறு­வ­னங்கள் கைப்­பே­சி­களை அறி­முகம் செய்ய ஆரம்­பித்­தன.

அவ்­வாறு அன்று அறி­மு­க­மான கைப்­பேசி இவ்­வ­ருட இறு­தியில் எண்­ணிக்­கையில் உலக சனத்­தொ­கை­யினை தாண்டிச் செல்லும் வாய்ப்­புகள் மிக அதி­க­மாக இருப்­ப­தாக ஆய்­வு­களின் முடி­வி­லி­ருந்து ஐக்­கிய நாடுகள் தொடர்­பா­டல்கள் நிறு­வனம் தெரி­வித்­துள்­ளது.

அதே­வேளை தற்­போது 600 கோடி பேர் கைப்­பே­சிகளை வைத்­தி­ருக்­கின்­ற­போ­திலும் 450 கோடி பேர் மாத்­தி­ரமே மல­சல கூடத்தை வைத்­தி­ருப்­ப­தாக ஐ.நா.வின் மற்­று­மொரு அறிக்கை தெரி­விக்­கின்­றது.


செல்­லிடத் தொலை­பே­சி­க ளின் எண்­ணிக்கை எந்­த­ள­விற்கு அதி­க­ரிக்­கி­றதோ அதே அள­விற்கு அதன் மீதான குற்­றங்­களும் குறை­களும் அதி­க­ரிக்­கத்தான் செய்­கின்­றன. ஆனால் அதுவே ஒரு சாரா­ருக்கு நிறை­க­ளையும் தேவை­க­ளை­யுமே அதி­க­ரிக்கச் செய்­தி­ருக்­கி­றது. மேலும் செல்­லிடத் தொலை­பேசி அவர்­க­ளுக்கு இன்­றி­ய­மை­ய­ாததாக ஒரு சாத­ன­மா­கவே மாறி­விட்­டது. அதா­வது கவ­னிக்க வேண்­டிய முதல் குழந்­தையாய் தன்னை அடை­யா­ளப்­ப­டுத்­திக்­கொண்­டுள்­ளது என்றே சொல்ல வேண் டும்.

செல்­லிடத் தொலை­பே­சி­க ளின் பாவ­னையால் உல­க­ள வில் பல்­வேறு பிரச்­ச­ினைகள் ஏற்­பட்டு வரு­வ­தாக தெரி­விக்­கப்­ப­டு­கி­றது. குறிப்­பாக இளம் சந்­த­தி­யி­னரின் தகுந்த நண்­ப­ னாக மாறி­யி­ருக்கும் செல்­லிடத் தொலை­பேசி பல வழி­களில் அவர்­களை சீர்­கேட்­டிற்கு இட்டுச் செல்லும் தகாத நண்­ப­னா­கவே இருக்­கி­றது என்­பது பெற்­றோர்­களின் வாதமாய் அமை­கின்­றது. அதுவும் ஒரு வகையில் உண்­மையே என்­பதில் மாற்றுக் கருத்து இருக்க முடி­யாது.

இருப்­பினும் கால­வோட்­டத் தில் ஒவ்­வொரு காலப்­ப­கு­தி­யிலும் ஏதா­வ­தொரு சாதனம் மனித சமூ­கத்தில் பழிச்­சொல்­லுக்கு ஆளா­கிக்­கொண்­டுதான் இருக்­கி­றது. தொலைக்­காட்சி, கணனி வரி­சையில் இப்­போது  சிக்­கி­யி­ருப்­பது இந்த கைப்­பே­சி­களே. இதுவே இன்னும் சில ஆண்­டு­களின் பின்னர் கைப்­பே­சி­க­ளிற்கு பதில் வேறொரு சாத­னத்தின் நன்­மை­களை விட தீமைகள் பற்றி அதிகம் விவா­திக்­கப்­படும் என்­பது நிச்­சயம்.


செல்­லிடத் தொலை­பே­சி­க ளின் வரு­கை­களின் பின்னர் எழுத்து மற்றும் வாசிப்பு போன்ற பல தேவை­யான விட யங்கள் குறைந்­து­விட்­ட­தாக ஆய்­வுகள் சுட்­டிக்­காட்­டு­கின்­றது. அதே­வேளை செல்­லிடத் தொலை­பே­சி­க­ளி­னூ­டாக வெளி­யேறும் கதிர்கள் மற்றும் நுண்­ண­லைகள் மூலம் கண்ணுக் தெரி­யாத மற்றும் சிறிய உயி­ரி­னங்கள் பலவும் உயி­ரி­ழப்­ப­தா­கவும் ஆராய்ச்­சி­யா­ளர்கள் தெரி­வித்­துள்­ளனர்.  இது போன்ற கார­ணிகள் அடுத்த சந்­த­தி­யி­ன­ருக்கு பாதிப்பை ஏற்­ப­டுத்­தவே செய்யும்.

பயிர் வள­ர­வென பயன்­ப­டுத்தும் அசே­தனப் பொருட்­க­ளினால் நிலத்­திற்கு தீங்கு ஏற் ­ப­டு­வது போலவே மக்­களின் தேவை­களை நிறை­வேற்­றிக்­கொள்ள உரு­வான கைப்­பே­சி­ க­ளினால் ஏற்­படும் பாதிப்­புக்­களும்.

ஆனால் தொல்­லைகள் என்று கூறு­ப­வர்­க­ளி­டமும் கைய­டக் கத் தொலை­பே­சிகள் உண்­டென்­பதே அதன் வெற்­றியும் தேவை­யு­மாகும். இந்த வெற்­றியின் உச்­சமே வெகு­வி­ரைவில் கைப்­பே­சிகள் அடை­ய­வுள்ள தொகை. அதா­வது உல­கி­லுள்ள ஒவ்­வொ­ரு­வ­ரி­டமும் ஒரு கைப்­பேசி என்ற ரீதியில் உல­க­ளவில் 2014ஆம் ஆண்டு ஆரம்­பத்தில் அல்­லது இவ்­வ­ருட முடிவில் கைப்­பே­சி­களின் எண்­ணிக்கை அமைந்­து­விடும் என என எதிர்­பார்க்­கப்­பட்­டுள்­ளது.

தற்­போது 7 பில்­லி­யன்­களை மிக வேக­மாக நெருங்­கிக்­கொண்­டி­ருக்­கி­றது உலக சனத்­தொகை. ஆனால் செல்­லிடத் தொலை­பே­சி­களின் தொகை உலக சனத்­தொ­கை­யினை விட வேக­மாக 7 பில்­லி­யன்­களை நெருங்­கி­விடும் என ஐக்­கிய நாடுகள் தொடர்­பா­டல்கள் நிறு­வனம் தெரி­வித்­துள்­ளது.


இதில் விஷேடம் என்­ன­வெனில் உல­க­ளவில் பயன்­ப­டுத்­தப்­படும் கைப்­பே­சி­களில் அரை­வா­சிக்கும் அதி­க­மாக ஆசிய நாடு­க­ளி­லேயே பயன்­ப­டுத்­தப்­ப­டு­கி­றது. உல­களில் செல்­லிடத் தொலை­பே­சிகள் பயன்­ப­டுத்தும் நாடு­களில் சீனா முதலிடத்திலும் அடுத்த இரு இடங்களில் முறையே இந்தியா மற்றும் அமெரிக்காவும் உள்ளன.

மேலும் இவ்வருட இறுதி யில் சுமார் 2.7 பில்லியன் மக்கள் அதாவது உலக சனத் தொகை யில் 39 சதவீதமான மக்கள் செல்லிடத் தொலைபேசிகளில்  இணைய சேவையைப் பயன் படுத்துவார்கள். இணைமின்றி உலகம் ஸ்தம்பிக்கக் கூடிய நிலையில் இணையத்தை இலகுவாக வழங்கும் கைப் பேசிகள் இன்றேலும் உலகம் ஸ்தம்பிக்கும் நிலையே தற் போது காணப்படுகிறது.

எனவே இன்று சீனாவில் குடிசைக் கைத்தொழிலாக மாறியிருக்கும் செல்லிடத் தொலைபேசிகள்  நாளை அனை த்து குடிசைகளையும் சேர்த்தே ஆளும் என்பதை சொல்லாமல் சொல்லும் கைப்பேசிகளின் தொகை, சனத்தொகையை விஞ் சும் வேளையில் அதன் உச்சப் பயன்களை அடைய நாமும் தயாராவோம்.

-அமானுல்லா எம்.றிஷாத்

மேலும் வாசிக்க

செவ்வாய் கிரகம் செல்ல ஆட்கள் தேவை : பயணம் இலவசம்

செவ்வாய்க் கிரகத்திற்கு மனிதர்களை இலவசமாக அழைத்துச் செல்வதற்கு இலாப நோக்கற்ற டச்சு நிறுவனம் ஒன்று தயாரிகியுள்ளதாக ஊடகங்கள் தகவல் வெளியிட்டுள்ளன.


முதன் முறையாக மனிதர்களை விண்ணிற்கு அனுப்புதற்கு குறித்த நிறுவனம் தயாரிகியுள்ளது. இத்திட்டதினை இலவசமாக முன்னெடுப்பதற்காக தற்போது 6 பில்லியன் அமெரிக்க டொலர்களை திரட்ட முடிவுசெய்துள்ளது.


இதற்காக செவ்வாயில் சென்றன் பின்னர் அங்குள்ள நடிவடிக்கைகளை படம்பிடித்து வெளியிடும் தொலைக்காட்சி உரிமத்தை விற்கவுள்ளதாக தெரிவிக்கப்படுகிறது.

குறித்த நிறுவனம் இப்பயணத்தினை 2023இல் முன்னெடுக்கவுள்ளது. இதற்காக செவ்வாயில் மனிதன் வாழக்கூடியளவிற்கு சிறிய குடியிருப்பையும் அமைக்கவுள்ளது எனத் தெரிவிக்கப்படுகிறது.

பெறுமதிவாய்ந்ததும் செலவு அதிகமானதுமான இப்பயணத்தில்,  பயணிப்பவர்களில் 4 பேர் அங்கேயே தங்க வேண்டும் என்ற பெயரில் அழைத்துச் செல்லப்படவுள்ளனராம். ஆனால் அழைத்துச் செல்லவுள்ள நபர்களை எவ்வாறு தேர்ந்தெடுக்கவுள்ளார்கள் என்பது குறித்த தகவல்கள் வெளியாகவில்லை.

இதனை உறுதிப்படும் விதமாக வீடியோ ஒன்றும் வெளியிடப்பட்டுள்ளது.

மேலும் வாசிக்க

போதைப் பொருள் முகவருக்கு 5 ஆயிரம் சொற்களுக்கு கட்டுரை எழுதுமாறு தண்டனை : இங்கிலாந்து நீதிமன்றம் தீர்ப்பு

இங்கிலாந்தைச் சேர்ந்த நபரொருவர் போதைப்பொருள் விநியோகத்தில் ஈடுபட்டார் என்ற குற்றச்சாட்டில் கைது செய்யப்பட்டுள்ளார். இவரை நீதிமன்றில் ஆஜர் செய்தபோது 5 ஆயிரம் சொற்களில் கட்டுரை எழுதுமாறு தீர்ப்பளிக்கப்பட்டுள்ளது.


இங்கிலாந்தைச் சேர்ந்த டெர்ரி பென்னட் (32 வயது) என்பவருக்கே இவ்வாறானதொரு வித்தியாசமான தண்டனை விதிக்கப்பட்டுள்ளது.


2 பவுண்டு போதைப் பொருள்களை விநியோகிக்கும் நோக்கில் வைத்திருக்கும்போதே பென்னட் கைது செய்யப்பட்டுள்ளார். பின்னர் இவரை நீதிமன்றில் ஆஜர் செய்த போது நீதிபதி, போதைப் பொருளின் ஆபத்துக்கள் குறித்து 5 ஆயிரம் சொற்களுக்கு கட்டுரை எழுதவும். வழங்கப்பட்ட கால எல்லைக்குள் இதனை நிறைவேற்றாதவிடத்து 12 மாதம் சிறைத் தண்டனை விதிக்கப்படும் எனத் தீர்ப்பளித்துள்ளார்.


இது குறித்து பென்னட் கூறுகையில், இந்தத் தீhப்பு எனக்கு அதிர்ச்சியளித்தது. ஆனாலும் எனக்கு வழங்கப்பட்டுள்ள காலத்திற்குள் இக்கட்டுரையை பூர்த்தி செய்ய முடியும் என நம்புகிறேன் எனக் கூறியுள்ளார்.

AM. Rizath / Metro News

மேலும் வாசிக்க

சூரியத்தொகுதிக்கு 'குட் பை' சொல்லுகிறது வொயஜர் - 1?

வொயஜர் 1 என்ற ஆளில்லா விண்கலம் விண்ணிற்கு அனுப்பப்பட்டு சுமார் 35 ஆண்டுகள் கழித்து சூரியத் தொகுதியை விட்டு வெளியேறியுள்ளதா? இல்லையா? விண்வெளி ஆராய்ச்சியாளர்களிடையே குழப்பம் நீடிப்பதாக தகவல்கள் வெளியாகியுள்ளன.

1977ஆம் ஆண்டு நாசாவினால் விண்ணுக்கு அனுப்பபட்ட வொயஜர்-1 என்ற ஆளில்லா விண்கலம் வியாழன், சனி ஆகிய கிரகங்களை நன்கு ஆராய்ந்து அரிய பல படங்களையும் அனுப்பி தனது கடமையை செவ்வனே நிறைவேற்றியுள்ளது.

இதனைத் தொடர்ந்து மேலதிக வேலையாக வேற்றுக்கிரகவாசிகளை தேடி கடந்த வருடம் ஓகஸ்ட் மாதம் 25ஆம் திகதி சூரியனிலிருந்து சுமார் 1840 கோடி கிலோ மீட்டர் (இது சூரியனுக்கும் பூமிக்கும் இடையே உள்ள தூரத்தைப் போல 122 மடங்கு) வரை சென்று சூரியத்தொகுதிக்கு 'குட் பை' சொல்லியுள்ளதாக எட்வட் ஸ்டோன் தெரிவித்திருந்தார்.

இந்நிலையிலேயே தற்போது  மீண்டும் இது குறித்து தகவல்கள் வெளியாகியுள்ளது. இது தொடர்பில் வொயஜர் 1 விண்கலத்தின் நாசா ஆராய்ச்சிக் குழு தெரிவிக்கையில், வொயஜர் சூரியத் தொகுதியை விட்டு வெளியேறவில்லை எனத் தெரிவித்துள்ளனர்.

வொயஜர்-1 விண்கலத்தில் ஒரு இறுவட்டு (CD) உள்ளது. இதில் ஞாயிற்றுத் தொகுதி குறித்த விடயங்களும் ஆண், பெண் உருவம், பூச்சிகள் விலங்குகளின் படங்கள், 35 மொழிகளிலான வாழ்த்துச் செய்தி மற்றும் பூமியிலுள்ள பல்வேறு வகையான இசை வடிவங்களும் பதிவுசெய்யப்பட்டுள்ளது. மேலும் வொயேஜரில் மூன்று அணுசக்தி மினகலங்கள் (Batteries) உள்ளதாகவும் இவை 2025ஆம் ஆண்டு வரை தாங்கும் என்று நிபுணர்கள் கருதுகின்றனர்.

ஆகவே அண்டவெளியிலுள்ள கோடிக்கணக்கான கிரகங்களில் எங்கோ ஒரு கிரகத்தில் எம்மை விட அறிவில் மிஞ்சிய அல்லது குறைந்த வேற்றுக்கிரகவாசிகள் வசிக்கிறார்கள் என நம்பிக்கை கொண்டுள்ள விஞ்ஞானிகள் இந்த விண்கலத்தின் மூலம் புவியையும் மனிதர்களையும் அவர்கள் அடையாளம் காண வாய்ப்புள்ளது என்கிறார்கள்.


BY: AM. Rizath / Metronews

மேலும் வாசிக்க

விண்ணைத் தாண்டி சாதிக்கும் பெண்கள்

முன்­னொரு காலத்தில் கண­வ­னுடன் உடன் கட்டை ஏறிக்­கொண்­டி­ருந்த பெண்கள், விஞ்­ஞா­னத்தின் கனவு உல­கங்­க­ளுக்கு விண்­க­லங்­க­ளுடன் விண்­ணிற்கு ஏற ஆரம்­பித்து முன்­னு­தா­ர­ணமாய் இம்­மண்ணில் பெண்­களின் கண்­களை விண்ணை நோக்கி பார்க்க வைத்த பெருமை ரஷ்­யா­வுக்கே உண்டு.

1963 ஜுலை 16ஆம் திகதி வொஸ்டக் 6   என்ற மனித விண்­க­லத்தில் வலென்டினா டெரஸ்­கொவா என்ற பெண்­ணையும் ரஷ்யா விண்­ணிற்கு ஏவி­யது. அதுவே முதன் முறை­யாக பெண்­மணி ஒருவர் விண்­க­லத்தில் விண்­வெ­ளிக்கு பய­ண­மான முதல் சந்­தர்ப்­ப­மாகும். அன்று பெண்­க­ளுக்­கான சுதந்­தி­ரத்தின் எல்­லைக்­கான கதவு தகர்க்­கப்­பட்டு விண்­ணிற்கு பறந்­தது டெரஸ்­கொவா என்ற பெண் மட்­டு­மல்ல பெண்­க­ளுக்­கான பல தடை­க­ளுமே.

குனிந்த தலை நிமி­ர­வி­டாமல் பெண்­களை நடக்­க­விட்டு வானை மறைத்த சமூ­கங்­க­ளுக்கு மத்­தியில் வானையும் தாண்டிச் செல்ல ஒரு பெண்ணை அனு­ம­தித்த ரஷ்­யாவின் செயற்­பாட்­டுக்கு பின்னர் இன்­று­வரை விண்­வெ­ளிக்குச் பய­ணித்­துள்ள 525 பேரில் 56 பெண்கள் உள்­ள­டங்­கி­யுள்­ளமை குறிப்­பி­டத்­தக்­கது.

கண்­ணுக்குத் தெரியும் சக்­தி­களை விட காற்று மற்றும் உயிர் போன்ற உணரக் கூடி­ய­வற்­றுக்­கான சக்­திகள் என்­றுமே அதிகம் என்­பதை ஒரு வகையில் பெண்­களும் உணர்த்தி இருக்­கி­றார்கள் என்­றுதான் சொல்ல வேண்டும். ஏனெனில் வொஸ்டக் 6 விண்­க­லத்தின் பயணம் வரையில் விண்­வெளி தொடர்­பான ஆராய்ச்­சி­களில் பெண்­களின் திற­மை­களை யாரும் பெரி­ய­ளவில் அறிந்­தி­ருக்­க­வில்லை அல்­லது வெளிக்­கொ­ணர விரும்­ப­வில்லை என்­ப­து­வாகத் தான் இருக்க வேண்டும். காரணம் அன்று ஆண்­களின் சட்­டங்கள் பல பெண்­க­ளுக்கு ஆத­ர­வ­ளிக்­க­வில்லை.

ஆனால், தற்­போது நிலை­மைகள் அவ்­வா­றில்லை. உல­கி­லுள்ள அத்­தனை துறை­க­ளிலும் இன்று பெண்­க­ளுக்­கான உரிமை என்­பது நிச்­ச­யிக்­கப்­பட்­ட­தொன்­றா­கவே இருக்­கி­றது. பெண்­களும் அவற்­றிற்கு தகு­தி­யா­ன­வர்­க­ளா­கவே இருக்­கி­றார்கள். இருப்­பினும் இத­னையும் மீறி பெண்­ணியம் என்ற பெயரில் ஆண்­களை அடக்கி ஆள்­வ­தற்கு முயற்­சிக்கும் பெண்கள் கூட்­ட­மொன்றும் இருக்­கத்தான் செய்­கி­றது.

சரி இப்­போது விடயம் அது­வல்ல. விண்­வெ­ளிக்கு முதல் பெண்­ம­ணியை சோவியத் யூனி­ய­னாக இருக்கும் போது ரஷ்யா அனுப்பி வைத்து எதிர்­வரும் ஜுலை மாதம் 6ஆம் திக­தி­யுடன் 50 வரு­டங்கள் பூர்த்­தி­யா­கின்­றது. இதனை முன்­னிட்டு 50ஆவது ஆண்டைக் கொண்­டாடும் முக­மாக பெண்­ணொ­ரு­வரை மீண்டும் விண்­வெ­ளிக்கு அனுப்­பு­வ­தற்கு தயா­ரா­கி­யுள்­ளது.

கடந்த 1997ஆம் ஆண்­டுக்கு பின்னர் ரஷ்யா இது­வரை பெண்­களை விண்­வெ­ளிக்கு அனுப்-­ப­வில்லை. தற்­போது எதிர்­வரும் ஆண்டு எலினா செரோவா என்ற 36 வய­தான பெண்­ணொ­ரு­வரை விண்­வெ­ளிக்கு அனுப்பத் திட்­ட­மிட்­டுள்­ளது. அடுத்த ஆண்டு விண்ணில் பறக்க உள்ள எலினா செரோவா, சர்­வ­தேச விண்­வெளி ஆய்­வு­நி­லை­யத்தில் ஆறு மாதம் தங்க வைப்­ப­தற்கு நட­வ­டிக்­கைகள் எடுக்­கப்­பட்­டுள்­ள­தாக தெரி­விக்­கப்­ப­டு­கி­றது.

மொத்­த­மாக 50 ஆண்­டுகள் பூர்த்­தி­யா­க­வுள்ள பெண்­களின் விண்­வெளி வாழ்க்­கையில் பல்­வேறு தரு­ணங்­களில் தங்­க­ளது நாடு­க­ளையும் பெண்­க­ளையும் பெரு­மைப்­ப­டுத்­திய பெண்கள் தொடர்பில் சற்­றேனும் அறிந்­தி­ருக்­கிறோம் எனும் பெரு­மை­யா­னது எம்மைச் சார்ந்­தி­ருப்­பது சிறப்­பாக இருக்கும்.

முதன் முதலில் விண்­வெ­ளிக்கு பய­ணித்த பெண் என்ற பெருமை வலன்டைன் டெரஸ்­கொ­வா­வுக்கு இருப்­பது போல ரஷ்­யாவைச் சேர்ந்த ஸ்வெட்­லனா ஸவிட்ஸ்­கியா என்ற பெண்ணே முதன் முதலில் விண்­வெ­ளியின் தரை­யி­றங்கி நடந்­தவர் என்ற பெரு­மை­யுண்டு.

இதன் தொடர்ச்­சி­யாக ரஷ்­யாவின் விண்­வெளி ஆராய்ச்­சி­களில் போட்­டிக்கு நின்ற அமெ­ரிக்கா சல்லி ரைட் என்ற பெண்ணை அவ­ரது 32ஆவது வயதில் 1983ஆம் ஆண்டில் விண்­ணிற்கு அனுப்­பி­ய­போதும் 1984ஆம் ஆண்டில் கத்ரின் என்ற பெண்­ணையே முதன் முதலில் விண்­வெ­ளியில் தரை­யி­றங்கச் செய்­தது. சல்லி ரைட் கடந்த ஆண்டில் ஜுலை 23ஆம் திகதி தனது 61ஆவது வயதில் புற்­று­நோ­யினால் உயி­ரி­ழந்தார்.

இது­வ­ரையில் விண்­வெ­ளிக்கு பய­ணித்த 56 பெண்­களில் 45 பெண்­களை அமெ­ரிக்­காவே அனுப்பி வைத்­துள்­ளது. அதே­வேளை ரஷ்யா சோவியத் யூனி­ய­னாக இருக்கும் போது 2 பெண்­க­ளையும் சோவியத் யூனியன் பிரிந்­ததன் பின்னர் ஒரு­வரை மாத்­தி­ரமே அனுப்­பி­யுள்­ளது.

மேலும் சீனா, ஜப்பான், வட­கொ­ரியா, ஈரான் மற்றும் இந்­தியா உள்­ளிட்ட ஆசியா கண்­டத்தைச் சேர்ந்த 5 பெண்­களும் விண்­வெ­ளிக்கு சென்­றுள்­ளனர் என்­பதில் எமக்கும் பெரு­மைதான். ஆனால் இவற்றில் இந்­தியா மற்றும் ஈரானைச் சேர்ந்த பெண்கள் அமெ­ரிக்கா சார்­பா­கவே சென்­றுள்­ளனர் என்­பது குறிப்­பி­டத்­தக்­கது.

இந்­தி­யாவைப் பூர்­வீ­க­மாகக் கொண்ட அமெ­ரிக்­காவைச் சேர்ந்த சுனிதா வில்­லியம்ஸ் என்­பவரே அதி­க­ள­வான நாட் கள் (195 நாட்கள்) விண்­வெ­ளியில் இருந்த பெண்.

மிகச் சிறிய வயதில் பய­ணித்­தவர் என்ற பெருமை இங்­கி­லாந்­தினால் முதன் முதலில் அனுப்­பப்­பட்ட பெண் ஹெலன் ஷர்மன் என்­ப­வ­ரையே சாரும். இவர் தனது 29ஆவது வயதில் விண்­வெ­ளிக்கு பய­ண­மானார்.


இவை­த­விர விண்­வெளிப் பய­ணங்­களில் சாதனை நிலை­நாட்ட பரிந்­து­ரைக்­கப்­பட்டு இறு­தியில் வாய்ப்பை இழந்த பெண்கள் 15 பேர் உள்­ளனர்.

வாய்ப்புக் கிடைத்து விண்­வெ­ளிக்குச் சென்று உயி­ரி­ழந்­த­வர்­களும் மூவர் உள்­ளனர். இதில் எம்­ம­வர்­க­ளுக்கு அதிகம் பரீட்­ச­ய­மான கல்­பனா சாவ்­லாவும் அடங்­கு­கிறார். இவரே விண்­ணிற்கு சென்ற இந்­தியப் பெண்­மணி. இவ­ருக்கு முதல் சுனிதா வில்­லியம்ஸ் பய­ணித்­தி­ருந்த போதிலும் அவர் இந்தியாவில் பிறந்தவரல்ல.

2003ஆம் ஆண்டில் எஸ்.ரீ.எஸ்-107 விண்வெளி விபத் துக்குள்ளானதில் கல்பனாவும் அமெரிக்காவைச் சேர்ந்த லூறல் பீ. க்ளார்க் என்ற இன்னொரு பெண்மணியும் உயிரிழந்தார். இதேபோல 1986ஆம் ஆண்டு ஏற்பட்ட ஜலென்ஜர் விபத்தில் அமெரிக்காவைச் சேர்ந்த ரெஸ்னிக் என்ற பெண்ணும் உயிரிழந்தார்.

விண்வெளி ஆராய்ச்சிகளில் சாதிக்கத் துடித்து உயிரிழந்த இப்பெண்கள் விதைகளாகவே வீழ்ந்திருக்கிறார்கள். எனவே, நிச்சயமாக மரமாகவே எழு வார்கள் என்பதில் சந்தேக மில்லை.


 -அமானுல்லா எம்.றிஷாத்

இக்கட்டுரையானது 08.03.2013 திகதியன்று மெட்ரோ நியூஸ் பத்திரிகையில் பிரசுரமாகியுள்ளது.

மேலும் வாசிக்க

உலகிலேயே மிகச்சிறியளவான புத்தகம் இதுவா? : தையல் ஊசியின் துளையை விடச் சிறியது

பூக்கள் நிறைந்த சிகினோ குஸபானா எனப் பெயரிடப்பட்டுள்ள புத்தகமொன்று ஜப்பானிலுள்ள டொப்பன் பிரின்டிங் அருங்காட்சியகத்தில் வைக்கப்பட்டுள்ளது. இப்புத்தகமே உலகின் மிகச் சிறிய புத்தகமாக இருக்கும் எனத் தெரிவிக்கப்படுகிறது.


உலகிலேயே மிகச் சிறிய புத்தகமாகக் கருதப்படும் இப்புத்தகத்தினை டொப்பன் பிரின்டிங் அருங்காட்சியகம் 29,400 ஜப்பான் யென்களுக்கு விற்பனை செய்ய தீர்மானித்துள்ளது. இப்புத்தகத்துடன் இலவச இணைப்பாக இதே புத்தகத்தின் பெரிய வடிவிலான பிரதியும் இப்புத்தகத்தின் உருக்களை பார்க்கக் கூடிய கண்ணாடியொன்றையும் வழங்கவுள்ளது குறித்த அருங்காட்சியகம்.

22 பக்கங்களைக் கொண்ட குறித்த புத்தகத்திலுள்ள எழுத்துக்களை வெற்றுக் கண்ணால் பார்க்க முடியாது. 0.75 மி.மீ உயராமான இப்புத்தகத்திலுள்ள எழுத்துருக்களின் அகலம் 0.01 மி.மீ மட்டுமே ஆகும். மிகச் சிறியளவான இப்புத்தகம் தையல் ஊசியின் துளையை விடச் சிறியதாகும்.

பூக்கள் நிறைந்த இப்புத்தகத்தினை ஜப்பான் மொழியில் சிகினோ குஸபானா எனப்பெயரிடப்பட்டுள்ளது. இதன் கருத்து பருவகால பூக்கள் என்பதாகும்.


இது தொடர்பில் டொப்பன் பிரின்டிங் அருங்காட்சியகம் கருத்து வெளியிடுகையில், உலகின் மிகச் சிறிய புத்தமாக இப்புத்தகத்தினை கின்னஸ் புத்தகத்தில் இடம்பிடிக்கச் செய்ய முயற்சிகள் இடம்பெற்றுவருகின்றது எனத் தெரிவித்துள்ளனர்.

உலகின் மிகச் சிறிய புத்தகமாக 0.9மி.மீ அளவான 30 பக்கங்களைக் கொண்ட புத்தகமொன்றே 1996ஆம் ஆண்டில் கின்னஸ் புத்தகத்தில் இடம்பிடித்துள்ளது. இப்புத்தகத்தினை அனடொலி கொனன்கோ என்ற சைபீரிய நாட்டைச் சேர்ந்த நபர் உருவாக்கினார் என்பது குறிப்பிடத்தக்கது.

By: AM. Rizath / Metro News

மேலும் வாசிக்க

உலகிலேயே மிகச் சிறியளவான கைப்பேசியினை வெளியிட்டது ஜப்பான்

தொழில்நுட்பத்தில் என்றுமே ஏனைய நாடுகளை விட ஒரு படி முன்னோக்கி நிற்கும் ஜப்பான் உலகிலேயே மிகச் சிறியளவான கைப்பேசியினை வெளியிட்டுள்ளது.

இப்புதிய கண்டுபிடிப்பினை ஜப்பான் நாட்டைச் சேர்ந்த வில்கொம் என்ற நிறுவனமே தயாரித்துள்ளது. தற்போது குறித்த கையடக்கத்தொலைபேசி ஜப்பானில் மட்டுமே உண்டு. 

இதுவரையில் விலை தீர்மானிக்கப்படாத இக்கைபேசியை இவ்வாண்டு இறுதியில் டிசம்பர் மாதமளவில் விற்பனைக்கு கொண்டு எதிர்பார்க்கப்பட்டுள்ளது.

பார்ப்பதற்கு விளையாட்டு சாதனம் போல் தோன்றும் இந்த போனின் அளவு வெறும் 32X70X10.7 மி.மீ மட்டுமே. மேலும் இதன் நிறை 32 கிராம் என்பதுடன் வழக்கமாக கைக்கடிகாரத்தில் காணப்படும் OLED திரை 1 இன்ச் அளவான காணப்படுகிறது. 


அத்துடன் இதில் மடிக்கக்கூடிய உணரி ஒன்றும் பொருத்தப்பட்டுள்ளது. 3 நிறங்களில் தயாரிக்கப்பட்டுள்ள இக்கைபேசியில் இப்போது கெமரா போன்ற வதிகள் இல்லை என்றாலும் மெயில் வசதியினை பெற்றுக்கொள்ளக்கூடியதாக இருக்கும். ஒரு தடவை சார்ஜ் செய்து கொண்டால் 2 மணித்தியாலங்கள் பேசலாம் எனவும் தெரிவிக்கப்பட்டுள்ளது.


இந்த கையடக்கத் தொலைபேசிக்கு கிடைக்கும் வரவேற்பை பொறுத்து இதில் மேலும் பல வசதிகளை அதிகரிக்க எதிர்பார்த்துள்ளதாக குறித்த நிறுவனம் தெரிவித்துள்ளது.

BY : AM. Rizath / Metro News

மேலும் வாசிக்க

அதிகரிக்கும் தகவல் திருட்டு : பாதிப்படையும் அமெரிக்க நிறுவனங்கள்

காலத்தின் தேவைக்கேற்ப ஒவ்வொரு விடயமும் பரிணாமமடைந்து வருவதைப் போல திருட்டும் ஒரு வழியாக தனது அடுத்த பரிணாமத்தை நோக்கி நகர ஆரம்பித்துவிட்டதை அண்மைய திருட்டுகள் பல நிரூபிக்கின்றன.

அடுத்தவர் உடைமையை அனுமதியின்றி கையகப்படுத்தும் ஒவ்வொரு சந்தர்ப்பமும் திருட்டாகவே அமைகிறது. இதில் பொருள் மட்டுமே என்றல்ல. பிறர் வார்த்தைகள் கூட சில நேரங்களில் திருட்டாக அமைந்துவிடலாம். அண்மைக் காலமாக பொருள்சாரா திருட்டுகள் குறிப்பாக இணையத்தில் மிக அதிகமாகவே அதிகரித்துவிட்டது.

இணையவாசிகள் அத்தனை பேரும் தற்போது அதிகம் அதிகமாய் உச்சரிக்கும் வார்த்தைகளில் ஒன்றாய் மாறியுள்ளது 'ஹெக்' என்ற சொல். இணைப் பாவனையாளர்கள் பலருக்கும் இது சாதரண சொல்லாக இருந்தாலும் அமெரிக்க நிறுவனங்களுக்கு இது பேராபத்தை ஏற்படுத்தக் கூடிய 'ஷெல்'லாகவே மாறிவிட்டது.

காரணம் இணையத்தின் ராஜா, மந்திரியாக கூகுள், பேஸ்புக்குடன் வாழ்ந்துகொண்டிருக்கும் அமெரிக்காவுக்கு ஏற்கனவே ஈரான், போட்டியாக பல விடயங்களில் களமிறங்க ஆரம்பித்துள்ள நிலையில் அமெரிக்க நிறுவனங்களை குறி வைத்து நடக்கும் 'சைபர் க்ரைம்' தாக்குதல்கள் அளவுக்கதிகமாகவே தற்போது நடைபெற்ற வண்ணமுள்ளது. ஒவ்வொரு நாளும் அமெரிக்காவைச் சேர்ந்த நிறுவனம் ஒன்று 'ஹெக்' செய்யப்பட்டுக்கொண்டுதான் இருக்கிறது.

ஹெக் என்பது உரிமையாளர் அனுமதியின்றி அவருடைய செயற்பாடுளில் இயங்குதளம் மற்றும் வலையமைப்பின் குறைபாடுகளைப் பயன்படுத்தி மாற்றங்களை ஏற்படுத்தும் அனைத்து செயற்பாடுகளும். அவை தேவைகளையும் செயற்பாடுகளையும் பொறுத்து பல்வேறு வகையாக பிரித்து வைக்கப்பட்டுள்ளது.

ஆனால் இவற்றில் குறிப்பாக வைட் ஹெட் மற்றும் பிளக் ஹெட் என்ற பிரிவுகள் முக்கிய இடத்தை வகிக்கின்றது. இதில் வைட் ஹெட் என்பது கணனிகளையும் தரவுகளையும் பாதுகாப்பதற்காக மேற்கொள்ளப்படுபவை இதன் மூலம் எவ்வாறு ஹெக் செய்யாமல் தடுப்பது என்பது குறித்து ஆராயப்படுவதன் ஹெக்கர்ஸிடமிருந்து தப்பிக்க பிரத்தியேமான மென் பொருட்கள் உருவாக்கப்படும்.

ஆனால் பிளக் ஹெட் என்பது வைட் ஹெட்டுக்கு எதிரானது. தனி நபரோ குழுவோ இணைந்து சுய இலாபத்திற்காக கணனி இயங்குதளம் மற்றும் இணைய வலையமைப்பிலுள்ள ஓட்டைகளில் புகுந்து தங்களுக்கு தேவையான தகவல்களை களவாடுவதை குறிப்பதே பிளக் ஹெட். இது முழுக்க முழுக்க சட்டத்திற்கு புறம்பானது. ஹெக்கிங் நடவடிக்கைகளை மேற்கொள்பவர்களை ஹெக்கர்ஸ் என அழைக்கப்படும்.

இன்றைய நாட்களில் இணையம் நுழையாத துறையே இல்லை எனலாம். இதனால் ஒவ்வொரு துறையினரது தகவல்களையும் இணையத்தில் களவாட அவற்றின் எதிரிகள் புறப்பட ஆரம்பித்தனர். அது தற்போது ஒரு உயர் எல்லையினைத் தொட்டு சைபர் க்ரைமாக மாறி நாடுகளிடையேயான மோதல்கள் வரை சென்றுள்ளது. ஏனெனில் ஒவ்வொரு நாட்டினதும் அரசியல், பாதுகாப்பு என அனைத்து மட்ட விடயங்களும் இணைத்துடன் தொடர்புபட்டிருப்பதனால் அவற்றினை களவாடவென பலர் முயற்சிக்கும் போது அவை நாடுகளுக்கிடையில் சர்ச்சைகளை ஏற்படுத்த ஆரம்பிக்கிறது.

இதில் ஒரு அங்கமே ஜுலியன் அசேன்ஜ். இவர் உலகின் அமெரிக்கா, ரஷ்யா, பிரான்ஸ் உள்ளிட்ட ஏராளமான நாடுகளின் முக்கிய விடயங்களை ஹெக் செய்து வெளியிட்டார். ஆனால் இவர் இதன் மூலம் பணம் சம்பாதிக்கும் எண்ணத்துடன் செயற்படவில்லை எனத் தெரிவித்தார். ஆனால் இடைத்தரகர்களாக செயற்பட்டு நாடுகளின் முக்கிய தகவல்களை ஹெக் செய்து அவற்றை விற்பனை செய்யும் ஹெக்கர்ஸும் உள்ளனர்.

இது இவ்வாறிருக்க அமெரிக்க நிறுவனங்கள் மக்களின் தகவல்களை திருடவும் மேலும் அவர்களை உளவும் பார்க்கவுமே கூகுள் மற்றும் பேஸ்புக் போன்ற மேலும் பல இணையத்தளங்கள் செயற்படுவதாக பரவலான ஒரு குற்றச்சாட்டு உள்ளது. இதற்காவே ஈரான் தனக்கென பிரத்தியேகமான உள்வலையமைப்புகளை (iவெசயநெவ) உருவாக்கியது எனத் தெரிவிக்கப்படுகிறது.

ஏனெனனில் ஈரானின் அணுச் செறிவாக்கல் நிலையங்கள், முக்கிய அரச ஸ்தாபனங்கள் ஆகியவற்றின் இணையக் கட்டமைப்புகள் மற்றும் கணனிகள் அடிக்கடி வைரஸ் தாக்குதலுக்கு உள்ளாகியது. இத்தாக்குதல்களின் போது அதன் முக்கிய இராணுவ மற்றும் இராஜதந்திர தகவல்கள் இணையம் மூலமாகத் திருடப்பட்டன.

குறிப்பாக ஸ்டக்ஸ்நெட் மற்றும் பிளேம் என்றறியப்பட்ட வைரஸ்கள் ஈரானுக்கு பெரும் தலையிடியாக மாறின. இவ் வைரஸ்கள் அமெரிக்க மற்றும் இஸ்ரேலினாலேயே உருவாக்கப்பட்டதாக ஈரான் குற்றஞ்சாட்டியிருந்தது. நாளுக்கு நாள் அதிகரித்துவரும் இணையமூடான தாக்குதலைக் கருத்தில் கொண்டு நாட்டின் முக்கியமான அமைச்சரவை மற்றும் அரச ஸ்தாபனங்களுக்கான உலகளாவிய இணையத்தொடர்பை நிறுத்துவதென முடிவு செய்தது.

இவ்வானதொரு நிலையில் தற்போது அமெரிக்கா மீதே சைபர் தாக்ககுதல் அதிகரித்துள்ளது. குறிப்பாக பென்டகன் கணனிகளையும் ஹெக்கர்ஸ் பதம்பார்ந்தமை அமெரிக்காவை அதிர்ச்சிக்குள்ளாக்கியது. கடந்த ஒரு வாரத்தில் மாத்திரமே அமெரிக்காவின் பிரபலமான நிறுவனங்களான நிவ்யோர்க் டைம்ஸ், வொஷிங்டன் போஸ்ட், அப்பிள், பேஸ் புக் மற்றும் ட்விட்டர் உள்ளிட்ட மேலும் பல நிறுவனங்கள் ஹெக் செய்யப்பட்டமை அங்கு பெரும் சலசலப்பை ஏற்படுத்தியது.

இதன் எதிரொலியாக, இங்குள்ள பிரதான நிறுவனங்களை குறி வைத்து ஹெக் செய்வது சீனா எனவும் இதற்காக அந்நாட்டின் முக்கிய பாதுகாப்பு அதிகாரிகள் பலர் பின்னணியில் செயற்படுவதாகவும் குற்றஞ்சாட்டியிருந்தது அமெரிக்கா. ஆனால் அமெரிக்க நிறுவனங்கள் பல ஹெக் செய்யப்பட்டது உண்மைதான் ஆனால் எதுவிதமான தகவல் திருட்டுகளும் இடம்பெறவில்லை என மாதம் கழிந்த நிலையில் தெரிவிக்கப்பட்டிருந்தது. ஆனால் ட்விட்டர் நிறுவனம் தங்களது 250 ஆயிரம் பயனர்களின் முழுமையான தகவல்களும் களவாடப்பட்டுவிட்டதாக அறிவித்திருந்தது.

திடீரென இவ்வாறு அமெரிக்கா மீதான சைபர் தாக்குதல் அதிகரித்தமையின் பின்னணி பற்றி எதனையும் எவரும் இதுவரையில் கூறவில்லை. மேலும் பாதிக்கப்படுகின்ற அமெரிக்காவும் மிகப்பெரிய அளவில் வெளியுலகிற்கு தெரியும் வகையில் நடவடிக்கைகள் எடுத்ததாக தெரியவில்லை.

உண்மையில் ஈரான் குற்றம் சுமத்துவது போல தேள் கொட்டுப்பட்ட திருடனாய் அமெரிகக்கா விழி பிதிங்கி நிற்கிறதோ என்ற சந்தேகத்தை ஏற்படுத்தாமலில்லை.

-அமானுல்லா எம். றிஷாத்

மேலும் வாசிக்க

5 அடி உயரமான பெண்ணுக்கு 6.7 அடி நீளமான தலைமுடி : வருமானமும் உண்டு

சீனாவைச் குயிகன்ங் எனுமிடத்தில் வசிக்கும சென் இங்கியுஆன் என்ற 5 அடி உயரமான பெண் 11 வருடங்களாக முயற்சித்து 6.7 அடி நீளத்திற்கு அவரது தலைமுடியை வளர்த்துள்ளார்.

கடைசியாக சென் அவரது தலைமுடியை 11 வருடங்களுக்கு முன்னர் வெட்டியுள்ளார். 44 வயதான சென் 2005ஆம் ஆண்டிலிருந்து தனது தலைமுடியை வளர்க்க ஆரம்பித்துள்ளார். தற்போது அதன் நீளம் 6.7 அடியாக வளர்ந்துள்ளது. ஆனால் குறித்த பெண் 5 அடி என்பதனால் அவர் நடந்து செல்கையில் அவரது தரையை துடைத்த வண்ணம் இருக்கிறது.

இம்முடியை பராமரிப்பதற்கு நாளொன்று ஒரு மணி நேரம் செலவிடுகிறாராம். சாதாரணமாக குளிக்கும் போது அவரது முடியை கழுவது சாத்தியமற்றது. இதனால் 4 நாட்களுக்கு ஒரு முறை தலைமுடியை மாத்திரம் கழுவிச் சுத்தம் செய்துகொள்கிறார். மேலும் முடியை பளபளப்பாக வைப்பதற்காக முடிக்கு பியர் சேர்த்து பராமரிக்கிறார்.

இது தொடர்பில் சென் கூறுகையில், எனது தலைமுடியை கடந்த 11 வருடங்களா பாதுகாத்துள்ளேன். தற்போது முடியின் மீது அடிமையாகிவிட்டேன்.

மேலும் எனது முடியின் மூலம் வருமானமும் வருகிறது. தலைமுடியை சீவும் போது விழும் முடிகளை சேகரித்து வருடத்திற்கு சுமார் 50 கிராம் முடியை 20ஆயிரம் யுவானுக் விற்பனை செய்கிறேன்.

தற்போது எனது முடி முற்றாக கருமை நிறத்திலுள்ளது. இது க்ரேய் நிறத்திற்கு மாற ஆரம்பித்தால் வெள்ளை நிற டை அடித்து வித்தியாசமாக எனது முடியை மாற்றும் எண்ணம் உள்ளது என்றார்.

இருப்பினும் முடியை கழுவ ஒரு மணி நேரத்திற்கு மேல் செலவு செய்ய வேண்டியுள்ளதுடன் அதனை உலர வைக்க சுமார் அரை நாட்கள் வரை தேவைப்படுவதே சிரமாக உள்ளதாகவும் அவர் தெரிவித்துள்ளார்.

By: AM. Rizath/Metronews

மேலும் வாசிக்க