அஜித்துக்கு வில்லன் விஜய் : இதெல்லாம் நடக்குற காரியமாங்க?

வேதாளம் படத்தின் வெற்றிக்குப் பிறகு 3ஆவது முறையாக மீண்டும் சிவா இயக்கத்தில் தல நடிக்கவுள்ளாhர். சத்யஜோதி பிலிம் தயாரிக்கும் இந்த படத்தின் ஷுட்டிங் எதிர்வரும் ஜுலை மாதத்தில் ஆரம்பிக்க திட்டமிடப்பட்டுள்ளதாம். இது எல்லோருக்கும் தெரிந்ததுதான்.

ஆனால் யாருமே எதிர்பார்க்க விஷயம் ஒன்று இந்த படத்தில் நடக்கவள்ளதாக உடான்ஸ் செய்திகள் தெரிவிக்கின்றன. அதாவது தலயின் 57 ஆவது படத்துல தலக்கு வில்லனா நம்ம விஜய் சேதுபதி நடிக்கப்போறாராம்.

என்னை அறிந்தால் படத்தில் அருண் விஜய் நடிச்ச மாதிரியான ஒரு டெடரான வில்லன் கதாபாத்திரத்துல விஜய் சேதுபதி நடிக்கப்போறதாகவும் அது கிட்டத்தட்ட உறுதியாகிவிட்டதாகவும் தகவல்கள் வெளியாகி இருக்கின்றன.

ஏங்க இதெல்லாம் நடக்குற காரியமா? ஆனா நடந்தா தியேட்டரே அதிருமில்ல... என்ன நான் சொல்றது.

வீடியோ வடிவிலான செய்திகளுக்கு

Vijay joins with Ajith for THALA57

Thala Ajith is going to join for 3rd time with director Siva after the huge success of Vedhalam & Veeram movie. Thala-Siva project's shooting will kick start from coming July that is produced by Sathya Jothy films. We know all of this story.


Unconfirmed sources say that "an unpredictable thing happened for Thal57, that is the versatile actor Vijay Sethupathy joins with Thala for this movie as a baddy and Vijay Sethupathy is almost confirmed to join the project. His character will be the talk of the town as Yennai Arinthaal's Victor character of Arun Vijay "


Is it possible? But if it has done then theatre will be blasting.

மேலும் வாசிக்க

அப்போது விக்கிலீக்ஸ், இப்போது பனாமா பேப்பர்ஸ் லீக்ஸ்

உலகயே அதிர்ச்சிக்குள்ளாக்கி தற்போது பேசு பொருளாக மாறியுள்ள பனாமா பேப்பர்ஸ் எனும் பணப்பதுக்கலுடன் தொடர்புடையவர்களின் பெயர் விபரங்கள் ஓப்சோர்லீக்ஸ் இணையத்தளத்தில் வெளியிடப்பட்டுள்ளன. விக்கிலீக்ஸ் ஏற்படுத்திய அதே அளவிலானதொரு அதிர்ச்சியையே இந்த பனாமா பேப்பர்ஸ் ஏற்படுத்தியுள்ளது.




முழுமையான தகவலுக்கு தமிழில் பதிவேற்றம் செய்யப்பட்டுள்ள இந்த காணொளியைப் பார்க்கவும்.

Wiki leaks then, The Panama Papers now

The Panama papers create shocking waves all over the word as revealed the names that connect with the most controversial panama papers by The international consortium of investigation journalism via offshore website, last night.


for more information watch this video.

மேலும் வாசிக்க

Worst Horror Movies of 2016

-AM. RIFFAZ

Horror movies have existed for more than a century. Hollywood has produced many horror movies in the past that have really terrified us.

Movies like Nightmare on Elm Street, The Babadook, The Ring, Omen and many other films that have really makes the hair on the back of your neck stand up!

As a horror movie fan I am so disappointed about what Hollywood has produced in the last few years.

The number of horror movies is increasing year by year but most of these films fail to induce the audience's primal fears.

Worst Horror Movies I Watched

Let's forget the past. I never miss a horror movie. From the beginning of 2016 until this date I did not miss a movie which was released under the horror genre.

After watching these movies, I now want to help you save some time and money by listing the three worst horror movies I’ve watched from the beginning of this year – January 01, 2016 – until now - April 26, 2016.

So you can stay away from these worst horror movies and enjoy your time watching or doing something else.

01. Little Dead Rotting Hood

Produced by: David Michael Latt, David Rimawi, Paul Bales

Directed by: Jared Cohn

Starring: Eric Balfour, Bianca Santos, Heather Tom, Romeo Miller

Release Date: 5 January 2016 (USA)

This was surely my bad luck. My 2016 horror movies’ journey started with this low budget silly movie. Little Dead Rotting Hood was released in the first week of January 2016. Actually, it was the movie title that made me want to watch this ‘garbage’.

Right after the movie’s opening scene I felt this was going to be nothing but a waste of time. And, it was!

The movie was like a short home movie clip made by some kids. Actually, nowadays kids make some good short movies that are much better than this Little Dead Rotting Hood.

What makes this movie one of the worst? Everything except the story. I kind of like the story.

Everyone knows the classic story of Little Red Riding Hood. They changed the story and took only just a single slight line from the story we knew.

This list includes the worst horror movies I watched in January and February 2016

மேலும் வாசிக்க

ஜில்லா - விமர்ச்சனம்

விமர்சனங்களாலும் வணிக ரீதியாகவும் மட்டுமன்றி விஜயின் அரசியல் தலைவர் கனவுக்கும் தலைவலியாக அமைந்த தலைவா திரைப்படத்தினைத் தொடர்ந்து ஏகப்பட்ட எதிர்பார்ப்புகளிடையே இளைய தளபதி விஜய் மற்றும் மோகன் லால் நடிப்பில் வெளியாகியுள்ளது 'ஜில்லா'.

தலைவாவில் இழந்ததை ஜில்லாவில் நிலைநிறுத்த தீயா வேலை செய்யணும் என்பதை காட்டும் வகையில் இளைய தளபதியில் வரும் 'தி' இல் தீ எரிந்தவாறு படம் ஆரம்பமாகின்றது.

பின்னரே தெரிகிறது படம் பார்க்க வந்த எமது காசுக்கு வைத்த தீ அதுவென்பது. இன்னும் தடவைதான் ஏமாறப்போகின்றோமோ?

சிவனிடம் (மோகன்லால்) வேலை செய்யும் சக்தியின் (விஜய்) அப்பா பொலிஸ் அதிகாரியால் கொலை செய்யப்பட அந்த இடத்திலிருந்து காக்கியை வெறுக்கும் நாயகன், வளர்ப்புத் தந்தை சிவன், அவரது மனைவி, மகள், மகன் மீது பாசத்தை கொட்டி வளர்கிறார்.

தவறு எனத் தெரியாமலேயே தவறுக்கு துணை போகிறார் சக்தி. ஒரு கட்டத்தில் சிவன் தனது குற்றச் செயல்களை தடையின்றி மேற்கொள்ள காக்கி என்றாலே வெறுக்கும் சக்திக்கு பொலிஸ் வேலையை வாங்கிக் கொடுக்கிறார். பின்னர் அந்த பொலிஸ் வேலையே சிவனுக்கு எமனாகிறது.

குற்றங்கள் அதிகரிக்கிறது பலர் பலியாகக் காரணமாகின்றார் சிவன். தவறுக்கு துணை போவதை உணர்ந்து தந்தைiயும் திருத்தி எதிரிகளிடமிருந்து குடும்பத்தையும் நாயகன் எப்படி காப்பாற்றுகிறார் என்பதை சுவாரஷ்யமில்லாத ஓட்டைத் திரைக்கதையில் பொறுமையை சோதிக்கிறார் இயக்குநர் நேசன்.


ஆரவாரமாக விஜய்யை வரவேற்ற ரசிகர்களின் ஆர்ப்பாட்டம், படம் ஆரம்பமாகி 10 நிமிடங்களுக்குள் அடங்கிவிடுகிறது. ஆரம்பமே நம்ப மறுக்கும் காட்சியுடன் கல் வீசும் சிறு வயது விஜய்க்கு கைதட்டல் வரவேற்பு இல்லாதது ரசிகர்களின் ரசனை உயர்ந்திருப்பதை தெளிவுபடுத்துவதாய் அமைந்தது.

திரைக்கதையினால் படத்தை விறுவிறுப்பாக நகர்த்துவதில் கோட்டை விட்டுள்ளார் இயக்குநர். மதுரையில் கதை நகர்ந்தாலும் மதுரை (மீனாட்சி கோவிலைத் தவிர) வாசனை எங்கும் தெரியவில்லை. பரப்பான காட்சிகள், திருப்பங்கள் என நினைக்கும் காட்சிகள் திரையில் வருவதற்கு முன்பே எளிதாக கண்டுபிடித்து கூச்சலிடுகின்றனர் ரசிகர்கள்.


முதல் பாதியில் நகைச்சுவையுடன் கரையேறி இடைவேளையில் சூடு பிடித்தது. 2 ஆம் பாதி ஆர்வமாக அமர்ந்தால் மீண்டும் முதலிருந்து ஆரம்பமாகி சண்டை... சண்டை... சண்டை... என தவள்கிறது. இடையில நடுவுல வழக்கமான மானே தானே போட்டுக்கங்க!

படம் முடிந்துவிட்டதாக நினைத்து ரசிகர்கள் எழுந்த பின்னர் சுமார் 5 நமிடங்களுக்கு மேல் படம் நீள்கிறது. (கண்ணக் கட்டுதே...!)

தீனாவையும் விஜயின் பழைய படங்கள் உடை, நடை போன்றவை ஞாபகத்துக்கு வருவதை தவிர்த்திருக்கலாம். ஓவர் நைட்டில் ஓபாவாகிறது போல ஒரே நேரத்தில் மதுரையிலுள்ள ரௌடிகளை ஜஸ்ட் லைக் தட் என அள்ளுகிறார். நாயகனின் செயல் ரசிகர்களை கொல்கிறது. படத்தில் இருக்கும் லொஜிக் ஓட்டைகளை சொல்லப்போன ஓட்டையில கொஞ்சமும் படத்தை காணோம் என்றுதான் வரும்.

கம்ப்ளீட் அக்டர் மோகன்லால் கம்பளீட்டாக வீணடிக்கப்பட்டுள்ளார். கேரளத்து தமிழில் சிவன்டா சிவன்டா என கத்துகிறார் அதுவே படத்துக்கு எமன்டா... என எதிரொலிக்கிறது. ஏராளமான காட்சிகளில் தோன்றினாலும் ஜில்லாவில் பெரிய சக்தியாக சிவன் இருப்பதாக சொல்லாவிட்டால் புரியாது. விஜய்க்கு சமமாக காட்சிகள் அமைப்பதில் ஏற்பட்ட தடுமாற்றமாற்றம் போல தெரிகிறது.

படத்தினை தனது ரசிகர்களுக்காக மட்டுமே விஜய் தாங்கிப்பிடிக்கிறார். தாடியில் மாற்றம் செய்திருப்பது திருப்தி. ஒரு சில காட்சிகளில் முகபாவனையும் ரசிக்க முடிகிறது. சண்டைக் காட்சிகளில் ஆக்ரோசம். முதல் பாதியில் வரும் பாடல் வசனங்களிலும் காட்சிகளிலும் பலரைச் சீண்டுகிறார்.

ஆனாலும் விஜயின் அத்தனை உடல் மொழிகளும் ஏற்கனவே பார்த்து பழகியவை சலிப்படிக்கிறது. துப்பாக்கி, தலைவாவை ஞாபகப்படுத்துகிறது. நகைச்சுவை காட்சிகளில் பொதுவான ரசிகர்ளை எரிச்சலூட்டுகிறார். மீண்டும் ஒரு சுறா தராமல் விடமாட்டார் போலிருக்கிறதே?

விஜய் பொலிஸாக வருவதே கெக்கப்புக்க கெக்கப்புக்க சிரிப்பு வர நாயகி காஜல் அகர்வால் பொலிஸாக (சிரிப்பு பொலிஸ்?) கிச்சுக்கி மூட்டுகிறார். 3 பாட்டுக்கும் 4 சீனுக்கு வந்துபோகிறார். சூரி படத்துக்கு பெரும் ஆறுதலாக இருக்கிறார். அவர் வரும் காட்சிகள் பலவற்றுக்கு திரையரங்கில் சிரிப்பலை. இரட்டை அர்த்த வசனங்களைத் தவிர்த்திருக்கலாம். போதாக் குறையாக விஜயின் பின்புறத்தை காஜலும் காஜலின் பின்புறத்தை விஜயும் தடவுவது விரசம். ஜோக்காமா...

வில்லனும் விஜயும் துரத்தும் காட்சியில் ஒரு சில விநாடிகள் மட்டும் பதபதைக்க வைக்கும் ஒர காட்சி தவிர நடிக்க வாய்ப்பில்லை. பின்னால் நின்று செல்கிறார். வில்லனாக சம்பத் நல்ல தேர்வு. பொருத்தமாக இருக்கிறார். அத்துடன் பிரதீப் ராவத், பூர்ணிமா, நிவேதா, தம்பி ராமையா, ஆர்.கே என பலர் வந்து போகிறார்கள். இவர்கள் தவிர படத்தின் தயாரிப்பாளர் ஆர்.பி. சௌத்திரியின் மகன்களான ஜீவா மற்றும் ஜித்தன் பாடலொன்றுக்கு ஆடிச்செல்கிறார்கள்.

பாடல்கள் ஹிட்டடித்தாலும் திரையில் கண்டாக்கி மட்டுமே ரசிக்கும் படி உள்ளது. பின்னணி இசை அசத்தல். வசனங்கள் பல இடங்களில் இயல்பாக உள்ளமை ஆறுதலளிக்கிறது. ஒளிப்பதிவு படத்துக்கு பலமாகவுள்ளது. படம் முழுவதும் வண்ண மயமாக உள்ளது. எடிட்டிங் இன்னும் கவனித்து கத்தரித்திருக்கலாம்.

சில்வாவின் சண்டைக்காட்சிகள் ரசிக்கும்படியாகவுள்ளது. விஜய் அடித்து நொறுக்குகிறார். தலைவா பிரச்சினையில் கைகட்டி பேசியது போல நின்றுகொண்டு விஜய் போடும் சண்டை அரசியல் பன்ச். (அதான் நிஜத்தில பம்முறிங்களே அப்புறம் எதுக்கு வெட்டி சீன்)  ஒப்பனையில் விஜயின் முகத்தில் பொங்கலுக்கு வெள்ளையடித்தது அப்பட்டமாக தெரிகிறது. ஆடைகள் பொருத்தமாக இருக்கிறது.

யானை இரண்டை பூனை சுமந்தது போல் இரு மாநில சுப்பர் ஸ்டார்களை சுமந்து செல்லத் தடுமாறிய இயக்குநர் நேசன் படத்தின் நேர்த்தியை தவறவிட்டதில் தீவிர விஜய் ரசிகர்களை மட்டுமே திருப்திப்படுத்துகிறது இந்த ஜில்லா.

எனக்கு பயமில்லை என்ற சீன்களை கவனமாக மறக்காமல் வைத்து அடுத்தவனை சீண்டி நிஜத்தில் அடிவாங்குவதற்கு பதிலாக நல்ல கதைகள் தேர்ந்தெடுப்பதில் மறக்காமல் கவனம் செலுத்தலாங்கண்ண....

சுறாவுக்கு சில படி மேலேயும் தலைவாவுக்கு பல படி கீழேயுமுள்ள இந்த ஜில்லா ரசிகர்களை ஏமாற்றிவிட்டது நல்லா!


இந்த பதிவை ஈயடிச்சா தயதுசெய்து இந்த வலைத்தள முகவரியையும் கொடுங்க... http://aachariyam.blogspot.com/2014/01/blog-post.html

சிவனும் சக்தியும் சேர்ந்தா மாஸ்தான்...
விஜயும் நேசனும் சேர்ந்தா தமாஸுடா...
படம் பார்க்கிற நாங்க லூஸுடா...

-ஏ.எம்.ஆர்

மேலும் வாசிக்க

சூர்யா - விஜய் இடையே மோதல் இல்லையாம்... தள்ளிப்போனார் தலைவா

சூர்யா - விஜய் படங்கள் ஒன்றாக வெளியாகி மோதிக்கொள்ளப்போகின்றது என்ற தகவல், மோதுவோம் ஆனா... மோத மாட்டோம் பாணியில் அமைந்திருக்கிறது.


விஜயின் தலைவாவும் சூர்யாவின சிங்கம் 2வும் ஒன்றாக வெளியாகப் போவதாக தகவலைக் கசியவிட்டார்கள். இந்நிலையில் இந்த மோதல் இடம்பெறாது என கொலிவூட் தகவல்கள் தெரிவிக்கின்றன.


விஜய்யின் பிறந்த நாளுக்காவது தலைவாவை தியேட்டருக்கு கொண்டு வந்துவிட வேண்டும் என்று ஒற்றைக் காலில் நிற்கிறார்களாம் படக்குழுவினர். இருப்பினும் படத்தினை ஜுலையில் வெளியிட தற்போது முடிவாகியுள்ளதாம்.


சத்யராஜ் நடிக்க வேண்டிய காட்சிகள் சில படமாக்கப்பட வேண்டியுள்ளதாலேயே இத்தாமதம் என கூறப்படுகிறது.


அப்படின்னா சிங்கம் தனியாத்தான் வரப்போகுது. பின்ன எதுக்கு பப்ளிசிட்டிக்கு பேயா அலையணுங்ணா...

மேலும் வாசிக்க

சம்பளம் இல்லாமல் வாய்ப்புக்காக நடிக்கிறாரா விக்ரம்?

ஐ, மரியான், வல்லினம் என ஒரே நேரத்தில் 3 பெரிய பட்ஜெட் படங்களை தயாரித்து வருகிறார் ஆஸ்கார் ரவிச்சந்திரன்.

இப்படங்களில் விரைவில் வெளியாகவுள்ள தனுஷின் மரியான் மற்றும் நகுலின் வல்லினம் படங்களுக்கு விநியோகஸ்தர்கள் மத்தியில் பெரிய வரவேற்பில்லையாம். இதனால் ஆஸ்கார் ரவிச்சந்திரன் புதிய யுக்தியை கையளாவுள்ளாராம்.

அதாவது இப்படங்களை வாங்கினால் அவர்களுக்கு விக்ரம் - ஷங்கர் கூட்டணியில் உருவாகும் ஐ படத்தினை தருவாக கூறி இப்படங்களை வியோகிக்க முயற்சிப்பதாக தகவல்கள் கசிந்துள்ளன.

இந்நிலையில் ஐ படத்தில் விக்ரமிற்கு இன்னும் சம்பளம் பேசவில்லையாம். மாறாக உங்கள் படங்கள் தொடர்ச்சியாக தோல்வியை சந்தித்துள்ளதால் இது உங்களுக்கான ஒரு வாய்ப்பு பயன்படுத்திக்கொள்ளுங்கள். படம் வெற்றியடைந்தால் உங்களுக்கு அதில் குறித்த ஒரு சதவீதமான இலாபத்தை சம்பளமாக தருகிறோம் என விக்ரமிடம் கூறப்பட்டுள்ளதாம்.

இதற்கு சம்மதித்தே விக்ரமும் நடித்து வருகிறாராம். இதேவேளை ஐ படத்தின் பட்ஜெட் 100 கோடி என தாயரிப்பு மற்றும் நடிகர் தரப்பில் கூறப்பட்டாலும் இயக்குனர் ஷங்கரோ 80 கோடிதானே என்று கூறுவதாக கொலிவூட் தகவல்கள் தெரிவிக்கின்றன.

அடக்கடவுளே விருது நடிகருக்கு இப்படியொரு சோதனை!

By: Metronews

மேலும் வாசிக்க

பீட்சா இயக்குனருடன் கைகோர்க்கும் அஜித்

பீட்சா படத்தின் இளம் இயக்குனர் கார்த்திக் சுப்புராஜின் இயக்கத்தில் அஜித் நடிக்க முடிவு செய்திருப்பதாக கொலிவூட் வட்டாரத் தகவல்கள் தெரிவிக்கின்றன.

தற்போது கொலிவூட்டின் முக்கிய இளம் இயக்குனர்களில் ஒருவராக மாறியுள்ள சுப்புராஜின் முதற் படமான பீட்சா படத்தினை அண்மையில் 'தல' பார்த்துள்ளார்.

படம் அஜித்திற்கு பிடித்துப்போயுள்ளது. இதனையடுத்து திறமையானவர்கள் வீட்டு அழைத்து மனதார பாராட்டும் அஜித், வழக்கம் போல சுப்புராஜையும் அழைத்து பாராட்டியுள்ளர்.

இச்சந்திப்பின் போது சுப்புராஜ் தன்னிடமிருந்த கதை ஒன்றை அஜித்திடம் கூறியுள்ளார். அக்கதை அஜித்தை வெகுவாக கவர்ந்ததாகவும் இப்படத்தினை நாம் இணைந்து செய்யலாம் என அஜித் கூறியதாகவும் தற்போது தகவல்கள் வெளியாகியுள்ளது.

விரைவில் இது தொடர்பிலான உறுதியான தகவல்கள் வெளிவரும் என எதிர்பார்க்கப்படுகின்றது.

மேலும் வாசிக்க

'ஜெகஜால புஜ பல தெனாலிராமன்' கௌம்பிட்டான்யா... கௌம்பிட்டான்யா... இன்று முதல் படப்பிடிப்பிடிப்பில் கலந்துகொள்கிறார் வடிவேலு

அரசியல் பிரச்சினைகளால் சிக்கித்தவித்துவந்த வைகைப்புயல் வடிவேலு இன்று படப்பிடிப்புக்களில் கலந்துகொண்டு ந(கை)டிக்கப்போகிறார்.

நகைச்சுவையால் கொலிவூட்டை ஆண்டுகொண்டிருந்த வைகைப்புயல் தமிழகத்தை ஆண்டு
கொண்டும் அதனை எதிர்த்துக்கொண்டும் இருக்கும் கட்சிகள் கடந்த 2 ஆண்டுகளில் பட வாய்ப்புகள் இன்றி தவித்துவந்தார்.

இதனால் இரட்டை அர்த்த வசனங்களொல்லாம் நகைச்சுவையாக புகழப்பட்ட வேண்டிய காலத்தின் கொமடித் தேவையாகிவிட்டது.

இந்நிலையில் ஏ.ஜி.எஸ். நிறுவனம் சார்பில் கல்பாத்தி அகோரம், கல்பாத்தி கணேஸ், கல்பாத்தி சுரேஸ் ஆகியோர் தாயாரிப்பில் உருவாகவுள்ள 'ஜெகஜால புஜ பல தெனாலிராமன்' படத்தின் மூலம் மீண்டும் கொலிவூட்டில் நுழையவுள்ளார் வடிவேலு.

இப்படத்தில் வடிவேலு இரட்டை வேடமேற்று கொமடி இன்றி காய்ந்து போய் கிடக்கும் ரசிகர்களை சிரிப்பு மழையில் நனையவிட இன்று  முதல் படப்பிடிப்புக்கு கௌம்பிட்டான்யா... கௌம்பிட்டான்யா...

By AM.Rizath/Metronews

மேலும் வாசிக்க

விஸ்வரூபம் - விமர்சனம் (இலங்கையில் வெளியிட்டதன் பின்னர்)

சர்ச்சைகள் மற்றும் எதிர்ப்புகள் பல கடந்து ஏகப்பட்ட எதிர்பார்ப்புக்களை சுமந்து இலங்கையிலும் வெளிவந்திருக்கிறது உலக நாயகன் கமல் ஹாசன் தயாரித்து, இயக்கி நடித்திருக்கும் விஸ்வரூபம்.

இந்திய உளவுத்துறை ரோ அமைப்பின் அதிகாரியினால் அமெரிக்காவிற்கு எதிராக செயற்படும் ஆப்கான் தீவிரவாதிகளின் செயற்பாடுகளை தடுப்பதுவே விஸ்வரூபம் படத்தின் கதை.

இதற்காக இஸ்லாம், கடவுள், அல்கொய்தா, கலை, மொழி மற்றும் விஞ்ஞானம் என ஏராளமான விடயங்களை புகுத்தி சாமானிய ரசிகர்களின் தலைகளை சுற்றவிட்டிருக்கிறார் இயக்குனர் கமல் ஹாசன்.

மணவாட்டியே மணாளனின் பாக்கியம் என ஒரு வகை நழினத்துடன் வாழ்கிறார் கதக் நடன ஆசிரியர் விஸ் எனும் விஸ்வநாத் (கமல்). இவரின் மனைவியாக வயதில் குறைந்த நிருபமா (பூஜா குமார்). நிருபமா தான் வேலை செய்யும் நிறுவனத்தின் முதலாளியுடன் காதல் வயப்படுகிறார்.

இதனால் தன்மீது கழங்கம் உள்ளது போல விஸ் மீதும் ஏதாவது குறை இருந்தால் கழற்றிவிட இலகுவாக இருக்கும் என தீர்மானிக்கிறார். இதற்காக தனியார் துப்பறியும் நிபுணரின் உதவியை நாடுகிறார். இதன்போது விஸ்வநாத் ஒரு முஸ்லிம் எனத் தெரியவருகிறது.

இந்நிலையில் துப்பறியும் நிபுணர் தீவிரவாதிகளால் கொலை செய்யப்படுகிறார். தொடர்ந்து தீவிரவாதிகள் துப்பறியும் நிபுணருடன் சம்மந்தப்பட்டவர்களை விசாரிக்கும் போது நிருபமாவின் முதலாளி கொலையுடன் ஆரம்பமாகிறது படத்தின் கதை. தொடர்ந்து நிசாம் அஹ்மத் கஷ்மீரியாக விஸ்வரூபம் எடுத்து அத்தனை பேரையும் துவசம் செய்து மனைவியையும் காப்பாற்றி நிருபமாவுடன் சேர்த்து ரசிகர்களையும் ஆச்சரியப்படுத்துகிறார் கமல்.

அதுவரையில் அமெரிக்காவில் அசுர வேகமெடுத்த கதைக்களம் பின்னர் ஆப்கானிஸ்தானில் நகர ஆரம்பிக்கிறது. ஏன்? எதற்காக? எப்படி? யார் என்ற கேள்விகளுக்கான விடைகளை மீதிக் கதையில் சுட்டுக்காட்டுகிறார் 'ரோ' அதிகாரியான நிசாம் அஹ்மத் கஷ்மீரி.

படம் முழுக்க நடிகர் மற்றும் இயக்குனராக கமலின் உழைப்பு தெரிகிறது கூடவே கமலிஸமும். தான் உலக நாயகன் என்பதனையும் தமிழ் சினிமா தனக்கு பல வருடங்கள் பின்நிற்பதையும் பறைசாற்றி நாயகனாகவும் இயக்குனராகவும் வெற்றி பெற்றிருக்கிறார் கமல் ஹாசன்.

ஆனால் வழக்கம்போல கமல் படம் என்றால் தெளியாத குட்டையாக இருக்கும் என்ற மாயை இந்தப் படத்தில் அங்காங்கே தெளியவிட்டு சாதாரண ரசிகர்களையும் கவர முயற்சித்திருக்கிறார். ஆனாலும் பல மொழி, திரைக்கதை, வசனம் மற்றும் தன் கருத்துக்கள் போன்றவற்றில தனது முந்தைய படங்களான ஹேராம், விருமாண்டி, அன்பே சிவம் போன்ற படங்களை நியாபகமூட்டுகிறது.

இயல்பான வசனங்கள் மூலம் சில இடங்களில் யோசிக்கவும் செய்திருக்கிறார். கடவுள் காப்பாற்றுவார் என்றதும் எந்த கடவுள்? என்பதாகட்டும், 4 கைகள் கொண்ட கடவுள் என நிருபமா திணறும் காட்சியாகட்டும் வசனகர்த்தா தானே என்பதை உறுதிப்படுத்துகிறார் கமல்.

இங்கிலாந்துக்கு எதிரான மருதநாயகம் கதையை இங்கிலாந்துகாரர்களை கொண்டே படமாக எடுக்கத் துணிந்த கமலா இப்படி ஒஸ்காருக்கு ஆசைப்பட்டு அமெரிக்காவிடம் மண்டியிட்டிருக்கிறார் என்றால் நம்பமுடியவில்லை.

கமல் தவிர படத்தில் வில்லானாக வரும் ராகுல் போஸ் சத்தமில்லாமல் மிரட்டுகிறார். ஏனையவர்களில் நாசர், சலீமாக வரும் ஜெய்டீப் என ஒரு சிலரே பாத்திரத்தில் நிலைத்து நிற்கிறார்கள். மீதிப்பேர் கதைக்கு தேவையாக இருந்தாலும் சொல்வதற்கில்லை.

நாயகிகளாக வரும் பூஜா குமார் இள வயது என்கிறார்கள். கமலிற்கு முன் வயதானவராகவே தெரிகிறார். அன்ரியா நியாபகத்தில் வைத்திருக்கும் அளவிற்கு படத்தில் தலைகாட்டவில்லை. காட்சிகள் சில தொக்கி நிற்பதைப் போலவே அன்ரியாவும். பாகம் 2 இன் தேவைகளா இருக்கலாம்.

தொழில்நுட்பத்தில் இன்னுமொரு பரிணாமத்தினை அடைந்திருக்கிறது இப்படம். ஒளிப்பதிவாளர் சானு வர்கீஸ் நியூயோர்க் நகரின் அழகையும் ஆப்கானிஸ்தானின் அழுக்கையும் அழகாக படம் பிடித்திருக்கிறார்.

எடிட்டிங்கில் மஹேஸ் சில இடங்களில் கோட்டை விட்டிருக்கிறார். முதல் பாதியிலிருந்த வேகமும் இரண்டாம் பாகத்தில் சற்றே குறைந்துவிடுகிறது. ஷங்கர் எசான் லோயின் இசையமைப்பில் படத்திற்கு தேவையான பாடல்கள். அனேகமாக பின்னணியிலேயே வருகிறது. பின்னணி இசையில் பல இடங்களில் மௌனமாகி அசத்துகிறது. குறிப்பாக முதல் சண்டைக் காட்சியில் அசத்தல் ரகம்.

சண்டைக் காட்சிகள் அத்தனையும் ஹொலிவூட் ரகம். சண்டைக் காட்சிகளில் கமலின் விஸ்வரூபம் 50 வயதைத் தாண்டிவிட்டார் என்பதனை நம்பமறுக்கச் செய்கிது. கிரபிக்ஸ் காட்சிகள், ஆப்கானிஸ்தானுக்காக போடப்பட்ட செட் (கலை) எல்லாம் அசலையும் நகலையும் பிரித்தறிய முடியாதுள்ளது.

இவ்வாறெல்லாம் தொழில்நுட்பத்தில் பிரமாதப்படுத்தியிருந்தாலும் பாகம் 2 எடுக்கும் எண்ணத்தினாலோ என்னவோ கதை ஆங்காங்கே தொக்கி நிற்கிறது. இதுதான் நடந்தது என வரும் காட்சிகளையும் சேர்த்து.

மொத்தத்தில் ஒஸ்காருக்காக ஹொலிவூட் தரத்தில் கமல் எடுத்திருக்கும் விஸ்வரூபமே இந்த விஸ்வரூபம்.

-அமானுல்லா எம். றிஷாத்

மேலும் வாசிக்க

கமல் பாணியில் கமலுக்காக...

மதம் பிடித்த யானைகள் பல 
மதம் பிடிக்காத யானைக்கு ஆதரவு என
மதம் பிடித்த யானைகளை தீண்டிப் பார்க்க
மதம் பிடிக்காத யானைகளெல்லாம் நகைக்க 
மதம் பிடித்த யானைகள் பல 
அர்த்தங்களின்றிய மகிழ்சியில்...
இங்கு யானைகள் என்பது யானைகளே அல்ல!!!

வெள்ளையர்களுக்கு இஸ்லாமியர்களும், சிங்களவர்களுக்கு தமிழர்களும் தீவிரவாதிகளே. அது அவர்களுடைய பார்வையில் சரியானதே. ஆனால் உண்மை எதுவென்பதை சம்மந்தப்பட்டவர்கள் அறிவர். 

இதனை உணராத பலரும் மதத்தை விட்டொழித்த கமலின் பெயரில் சிலர் மதங்களை விறகாய்க் கொண்டு குளிர் காய்வது சற்றே வருத்தத்தை ஏற்படுகிறது.
- அமானுல்லா எம். றிஷாத்

மேலும் வாசிக்க

கண்ணா லட்டு தின்ன ஆசையா? - விமர்சனம்

நடிப்பு: சந்தானம், சீனிவாசன், சேது, விசாகா
இசை: தமன்
தயாரிப்பு: ராம நாராயணன், சந்தானம்
இயக்கம்: மணிகண்டன்

சந்தானம் - பவர் ஸ்டார் கூட்டணியில் ஏகப்பட்ட சர்ச்சைகளுக்கு மத்தியில் வெளியான கண்ணா லட்டு தின்ன ஆசையா? படத்தின் கதை பாக்கியராஜின் இன்று போய் நாளை படத்தின் கதேயே.

எதிர்வீட்டுக்கு புதிதாய் குடிவரும் குடிவருகிறார் நாயகி விசாகா யாருக்கு என்ற போட்டியில் இணைபிரியா தோழர்களான சந்தானம், பவர் ஸ்டார் மற்றும் அறிமுக நாயகன் சேது இணைந்து அனைவரையும் சிரிக்க வைத்து இறுதியில் விசாகா யாருக்கு என்பதே கண்ணா லட்டு தின்ன ஆசையா? ஒரு வரிக் கதை.

ஹீரோயினைக் கவர்வதற்காக பாக்கியராஜின் படத்தில் வரும் கதாபாத்திரங்களாக வருபவர்களைப் போல இதிலும் இந்த மூவரும் நாயகியின் அம்மா, அப்பா, தாத்தா மூலம் விதவிதமான யுக்திகளைக் கையாண்டு நாயகியைக் கவர முயற்சிக்கும் அத்தனை காட்சிகளிலும் அரங்கமே அதிர்கிறது. ஆனாலும் இன்று போய் நாளை வா காலத்தின் ரசிகர்களும் பாக்கியராஜின் விசிறிகளுக்கும் இந்த காட்சிகளிலெல்லம் ஒரு உயிரோட்டம் இல்லை என்றே சொல்கிறார்கள்.

ஆனாலும் இவ்றையெல்லாம் தாண்டி திரையரங்கை சிரிப்பொலியில் அதிரச்செய்கிறது சந்தானம்-பவர் ஸ்டார் கூட்டணி. வழக்கம் போல சந்தானம் அசத்துகிறார். நம்ம பவர் ஸ்டார் தனது கதாபாத்திரத்தை உணர்ந்து படத்திற்கு எந்த பாதிப்பும் இல்லாமல் படம் முழுக்க சந்தானத்துடன் சேர்ந்து கலகலக்க வைக்கிறார். இனி பவர் ஸ்டார் வாழ்கையில் நிச்சயம் ஒரு பவர் இருக்கும்.

மூன்றாவது நாகயனாக வரும் சேதுவுக்கான வேலை குறைவு அதனை ஓரளவே பயன்படுத்தியும் இருக்கிறார். படத்தின் நாயகி விசாகா நீண்ட இடைவெளியின் பின்னர் தமிழ்சினிமாவில் தலைகாட்டியிருக்கிறார். தன்பங்கையும் சிறப்பாக செய்திருக்கிறார் விசாகா.

இவர்கள் தவிர படத்தில் ஏனைய அம்சங்களான இயக்கம், இசை, ஒளிப்பதிவு மற்றும் வசனம் உள்ளிட்ட அனைத்து துறைகளைச் சார்ந்தவர்களும் படத்திற்கு தேவையானதை வழங்கி சிரிப்புக்கு உத்தரவாதமளிக்கிறார்கள்.

என்னதான் வயிறு குலுங்க குலுங்க சிரிக்க வைத்தாலும் 'இன்று போய் நாளை வா' படத்தின் பாதிப்பு ஒவ்வொரு காட்சியிலும் தெரிவது உரிமையாளர்களுக்கு வயிற்றெரிச்சலை ஏற்படுத்தும் என்பது நிச்சயம். மேலும் படம் முடியும் போது இன்று போய் நாளை வா படம் பார்த்த சந்தானத்தின் ரசிகர்களும் பாக்கியராஜின் திரைக்கதையிலமைந்த படத்திலிருந்த உயிரோட்டோம் இதில் சற்றே குறைவுதான் என முணுமுணுக்க வைக்கிறது.

இருப்பினும் கதை திருட்டு மற்றும் ஒப்பீடு எல்லாவற்றையும் மறக்கச் செய்து பொங்கலுக்கு வெளிவந்திருக்கும் இனிப்பான லட்டே இந்த கண்ணா லட்டு தின்ன ஆசையா?

நன்றி - ஏ.எம். றிஷாத்/வீரகேசரி

மேலும் வாசிக்க

அஜித் - விஷ்னுவர்த்தன் படத்தின் தலைப்பு ...........!

பில்லா 2 படத்திற்கு பிறகு விஷ்னுவர்த்தன் இயக்கத்தில் அஜித் நடிக்கும் படத்திற்கு தலைப்பு வைத்துவிட்டோம் ஆனால் இப்போதைக்கு வெளியிட முடியாது என இயக்குனர் விஷ்னுவர்த்தன் தெரிவித்துள்ளார்.

கொலிவூட்டில் தற்போது அதிகம் எதிர்பார்க்கப்படும் திரைப்படங்களில் ஒன்றான அஜித் - விஷ்னுவர்த்தன் படத்தின் தலைப்பிற்காக 'தல' ரசிகர்கள் தவமாய் தவமிருக்கிறார்கள்.

இதனால் ஊடகங்களே தங்களுக்கு விருப்பமான பெயர்களை பரிந்துரைக்க ஆரம்பித்துவிட்ட நிலையில் தலைப்பு குறித்து விஷ்னுவர்த்தன் கருத்து தெரிவிக்கையில், 'அஜீத் படத்துக்கு மிகக் கஷ்டப்பட்டு தலைப்பு வைத்துவிட்டோம். முன்னெப்போதும் எங்களுக்கு இப்படி நேர்ந்ததில்லை. ஆனால் இப்போது அதனை அறிவிக்கப் போவதில்லை' என கூறியுள்ளார்.

இனி தல ரசிகர்களின் தலையே வெடிச்சுருமே...!

நன்றி - AM. Rizath/வீரகேசரி

மேலும் வாசிக்க

உறுதியானது அஜித் - முருகதாஸ் கூட்டணி : 'தல'யைச் சுற்றும் இயக்குனர்கள்

அண்மைக்காலமாகவே அஜித்துடன் இணைந்து பணியாற்ற நான், நீ என பல இயக்குனர்கள் போட்டி போட்டுக்கொண்டிருக்கிறார்கள். அதிலும் குறிப்பாக அஜித் அறிமுகம் செய்து வைத்த முருகதாஸ் கொஞ்சம் அதிகமாவே முயற்சித்துக்கொண்டிருக்கிறார்.

தமிழ் சினிமாவின் தற்போதை முன்னணி இயக்குனர்களான அஜித்தினால் அறிமுகமாகாத ஷங்கர், பாலா, கௌதம் மேனன், ஹரி என பலரும் அஜித்தினை தங்கள் படத்தில் நடிக்க வைக்க முயற்சித்தவர்களே ஆனாலும் ஒவ்வொன்றும் பல்வேறு காரணங்களால் நடக்காமலேயே போய்விட்டது.

இதற்கு முழுக் காரணமும் அஜித்தின் மோசமான செயல்களே என்பது போல சித்தரித்து அன்று ஏராளமான ஊடகங்கள் அண்ணன் நடிகரை உயர்த்தி அஜித்தின் மேல் சேறு பூசி வேடிக்கை பார்த்ததெல்லாம் இன்றும் தல ரசிகளுக்கு ஆறாத வடுவாய் இருக்கிறது. இருப்பினும் இன்று அதே ஊடகங்கள் 'தல' அசைந்தாலும் ஆடினாலும் செய்திகளாக்கிக்கொண்டிருப்பது வேறு கதை.

ஆனாலும் உண்மையான அஜித்தின் முகம் இன்று சினிமா உலகை தாண்டி தெரியவந்துவிட்டது என்பதே உண்மை. இதனாலேயே அண்மைக்காலமாக பல இயக்குனர்கள் அஜித்தை சுற்றி வருகிறார்கள்.

அஜித் இயக்குனர்களின் நடிகர் என்பதை அவர் பணியாற்றிய புதுமுக இயக்குனர்களின் எண்ணிகையே உணர்த்திவிடுகிறது. சரண், சரண், எஸ்.ஜே. சூர்யா, ஏ.ஆர். முருகதாஸ், ஏ.எல். விஜய், துரை, சரவண சுப்பையா, செல்லா, ரமேஸ் கண்ணா, சிங்கம் புலி, ராஜு சுந்தரம் என இன்னும் பலர் இந்த வரிசையில் உள்ளனர்.

இதில் ஆச்சரியம் என்னவென்றால் அஜித்துடன் பணியாற்றிய புது முக இயக்குனர்கள் அத்தனை பேரும் தலயுடன் நெருக்கமாகவே இருக்கிறார்கள்.

இவர்களில் தற்போது உச்சத்தில் இருக்கும் இயக்குனர் முருகதாஸ் அஜித்துக்காகவே கதை தயார் செய்து காத்துக்கொண்டிருக்கிறார். இவரின் காத்திருப்புக்கு  தற்போது தல விடைகொடுத்துள்ளாதாக கொலிவூட் வட்டாரம் உறுதிப்படுத்துகின்றது.

சுமார் 12 வருடங்களுக்கு முன்னர் வெளியாகி வெற்றிபெற்று தல என்று தமிழ் சினிமாவில் கொண்டாட வைத்த தீனா படத்தி;ன் வெற்றிக்கு பின்னர் அஜித் - முருகதாஸ் கூட்டணி மீண்டும் இணையவுள்ளமை உறுதிப்படுத்தப்பட்டுள்ளதாக கொலிவூட் தகவல்கள் தெரிவிக்கின்றன.

இயக்குனர் முருகதாஸ், தீனா வெற்றிக் பின்னர் மிரட்டல் மற்றும் பெயரிடப்படாத படமொன்றில் தன்னை அறிமுகம் செய்த அஜித்துடன் மீண்டும் பணியாற்ற முயற்சித்த போதும் அது கைகூடாமலே போனது.

அஜித்திற்காக கதை தயாராக உள்ளது. அவர் அழைக்கும் பட்சத்தில் கையிலிருக்கும் படத்தை விட்டுவிட்டு அவருடன் பணியாற்றுவேன் என அண்மைக்கால பேட்டிகளில் அஜித்திற்கு தகவல்கள் அனுபியவாறே இருந்தார் முருகதாஸ் ஆனாலும் தல அவற்றைக் கண்டுகொண்டதாகத் தெரியவில்லை.

இந்நிலையில் திடிரென இக்கதையில் திருப்பத்தை ஏற்படுவது போன்று ஐங்கரனின் நிறுவனத்தின் தயாரிப்பில் சிறுத்தை சிவாவின் படத்தினையடுத்து இயக்குனர் முருகதாஸின் இயக்கத்தில் 2013இல் அஜித் நடிப்பார் என நம்பத்தகுந்த வட்டாரங்கள் தெரிவிக்கின்றன.

நீண்ட இடைவெளியின் பின்னர் அஜித் - முருகதாஸ் கூட்டணி மீண்டும் புதிய படமொன்றில் இணையவுள்ளமை தல ரசிகர்ளுக்கு நிச்சயம் இன்ப அதிர்ச்சியாக இருக்கும் என்பது நிச்சயம்.

அஜித்தினால் அறிமுகமான என பல இயக்குனர்கள் இன்றும் அஜித்துடன் மீண்டும் ஒரு வாய்ப்பு கிடைக்காதா என காத்திருக்க சற்றே முந்திக்கொண்டுள்ளார் இயக்குனர் முருகதாஸ். இவர் தவிர இன்னும் சிலரும் அஜித்துடன் ஒரு படத்திலாவது இணைந்துவிட வேண்டும் என சில இயக்குனர்கள் கதையுடன் காத்திருக்கிறார்கள். இதில் கௌதம் மேனன், ஹரி போன்றவர்களும் உள்ளடக்கம் என்பது குறிப்பிடத்தக்கது.

அக்கதைகள் எதுவும் சோதனை முயற்சியாக இல்லாவிட்டால் தல ரசிகர்களுக்கு கொண்டாட்டம் தான்.

https://www.facebook.com/Wondersblog உடக்குடன் தகவல்களை அறிந்துகொள்ள எமது பேஸ் புக் பக்கதுடன் இணைந்திருங்கள்.

இந்த போஸ்டிலுள்ள செய்தியினை முந்திக்கொண்டு பலமணி நேரங்களுக்கு முன்னரே பேஸ்புக் பக்கத்தில் நாம் வெயிட்டிருந்தமை குறிப்பிடத்தக்கது.

மேலும் வாசிக்க

கமல் ஒரு பக்கம் போக... பிரச்சினை ஒரு பக்கம் போகிறது

இந்திய சினிமாவில் புதிய யுக்தியை அறிமுகம் செய்ய முயற்சிக்கும் உலக நாயகன் கமல் ஹாசன் சர்ச்சை நாயகனாகிவிடுவார் போல தெரிகிறது தற்போதைய நிலைமைகள்.

தமிழ் சினிமாவில் புதுமைகளை புகுத்தும் உலக நாயகன், இம்முறை தான் தயாரித்து இயக்கி நடிக்கும் விஸ்வரூபம் படத்தினை திரையரங்குகளில் வெளியிட 8 மணித்தியாலங்களுக்கு முன்பதாகவே டீ.ரீ.எச் தொழில்நுட்பத்தில் வெளியிடும் முயற்சிகளை மேற்கொண்டுவருகிறார்.

இதற்காக விஸ்வரூபம் படத்தின் ஒளிபரப்பு உரிமையை முக்கியமான டீ.ரி.எச் நிறுவனத்திற்கு கொடுக்கப்பட்டுள்ளதாக தகவல்கள் தெரிவிக்கப்படுகின்றன. அந்நிறுவனம் ஏனைய டீ.ரீ.எச் நிறுவனங்களுடன் பேச்சுவார்த்தை நடத்தி விற்பனை செய்யவுள்ளது. இதில் கிடைக்கும் இலாபத்தை கமலும் டீ.ரீ.எச் நிறுவனமும் பகிர்ந்துகொள்ள திட்டமிடப்பட்டுள்ளதாம்.

தொடரும் எதிர்ப்புக்கள் 
இத்திட்டத்தின் மூலம் திருட்டு வீசீடி பிரச்சினைகளுக்கும் தீர்வு காண முடியும் என்பது கமலின் நம்பிக்கை. ஆனாலும் இதற்கு திரையரங்க உரிமையாளர்கள் மத்தியில் பெரும் எதிர்ப்பு காணப்படுகிறது.

நிலைமை இவ்வாறிருக்க முஸ்லிம்கள் மத்தியில் விஸ்வரூபம் தொடர்பில் ஏற்பட்டுள்ள பிரச்சினைகளும் வலுப்பெற்று வருகின்றது.

இசை வெளியீடு
ஆனாலும் கமல் இவற்றையெல்லாம் அலட்டிக்கொள்ளாமல் இசை வெளியீட்டில் மும்முரமாக கவனம் செலுத்தி வருகின்றார். சென்னையில் வை.எம்.சீ.ஏ திறந்த வெளி அரங்கிலும் தொடர்ந்து கோவை மற்றும் மதுரையிலும் இசை வெளியீட்டை சிறப்பாக நடத்த திட்டமிட்டுள்ளார் உலக நாயகன்.

விஸ்வரூபம் படத்தின் ஒளிபரப்பு உரிமையைக் கொள்வனது செய்துள்ள ஜெயா டீவியே இசை வெயியீட்டு ஒளிபரப்பு உரிமையையும் கைப்பற்றியுள்ளது.

கமல் விளக்கம்
இசை வெளியீடு ஒரு பக்கம் செல்ல பிரச்சினைகள் ஒரு பக்கம் சென்று கொண்டிருக்கும் இந்நிலையில், இன்று டீ.ரீ.எச் தொழில் நுட்பத்தில் வெளியிடுவது குறித்த தனது நிலைப்பாட்டினை தயாரிப்பாளர் சங்கத்திடம் தெளிவுபடுத்தியுள்ளார் உலக நாயகன்.

தயாரிப்பாளர் சங்கத்தில் இடம்பெற்ற கலந்துரையாடலின் போது தன் படத்தை எப்படி வர்த்தகம் செய்ய வேண்டும் என்பதையும் அது தயாரிப்பாளரின் உரிமை என்பதையும் அழுத்தம் திருத்தமாக தெளிவுபடுத்திச் சென்றுள்ளார் என்று தெரிவிக்கப்படுகிறது.

இதற்கு முதலும் ஏகப்பட்ட சமாச்சாரங்களை அறிமுகப்படுத்தியுள்ளார் கமல். அப்போது அவர் சந்தித்த பிரச்சினைகளை விட இது ஒன்றும் பெரிய பிரச்சினையாக இருக்காது என்பது மட்டுமே இப்போதைக்கு உறுதி. ஏன்னா அவர்தான் உலக நாயகனாச்சே

வீரகேசரியில் பகிரப்பட்டது - http://www.virakesari.lk/article/cinnews.php?vid=147

மேலும் வாசிக்க

இனி அவன் - விமர்சனம்

கடந்த மாதம் 30ஆம் கொழும்பில் ஆரம்பமான யுரோப்பியன் பில்ம் பெஸ்டிவலில் காணக்கிடைத்த இனி அவன் திரைப்படத்தின் விமர்சனம் இங்கே. இவ்விமர்சனம் வீரகேசரி இணையத்தளத்திலும் பத்திரிகையிலும் வெளியாகியுள்ளமை குறிப்பிடத்தக்கது.

இனி அவன் - விமர்சனம்

இலங்கையர்களால் தயாரிக்கப்பட்ட தமிழ் திரைப்படமான 'இனி அவன்'  இம்முறை கொழும்பில் இடம்பெறும் 2012ஆம் ஆண்டுக்கான ஐரோப்பா திரைப்பட விழாவில் முதல் படமாக காண்பிக்கப்பட்டது. இது தவிர ஏற்கனவே கேன்ஸ் திரைப்பட விழா, டொரொன்டோ திரைப்பட விழா, லண்டன் திரைப்பட விழா போன்றவற்றிலும் இப்படம் திரையிடப்பட்டுள்ளமை குறிப்பிடத்தக்கது.

இந்திய சினிமா என்ற மாயையிலிருந்து விடுபட்டு இப்படத்தினை பொறுத்தளவில் ஒப்பீடு கடந்த பார்வை எம்மவர்களை வளர்க்க உதவும். ஏனெனில் சினிமா தொழில்நுட்பங்களில் பின்தங்கிய நிலையில் இருக்கும் இலங்கையில் இவ்வாறானதொரு முயற்சி நிச்சயம் வரவேற்கப்படவேண்டியவை என்பதை மனதில் நிறுத்த முயற்சிப்பது நன்று.

அசோக ஹெந்தகமவின் இயக்கத்தில் வெளிவந்திருக்கும் இத்திரைப்படம், யுத்தத்திற்கு பின்னர் விடுதலைப் புலிகள் இயக்கத்திலிருந்து உயிருடன் திரும்பி வந்து தனது ஊரிலேயே சாதாரணமான வாழ்க்கையை தொடரவிரும்பும் ஒரு இளைஞனின் கதை.

பஸ் ஒன்று மெதுவாக யாழ்ப்பாணத்திலுள்ள ஒரு கிராமத்திற்குள் நுழைய ஆரம்பிப்பதுடன் படமும் மெதுவாக நகருகிறது. முன்னாள் போராளியான இளைஞனுக்கு (தர்ஷன் தர்மராஜ்) அவனது ஊரில் தாயை அவனது காதலியையும் தவிர ஏனையவர்கள் அவனது மனநிலையை புரிந்துகொள்ளாமல் நடந்துகொள்கிறார்கள்.

ஆனால் எப்படியாவது தனது குடும்பத்துடன் சேர்ந்து நிம்மதியான வாழ்க்கையை வாழ போராடுகிறான். இந்நிலையில் நகைக்கடையொன்றில் இவனது வீரத்தின் பரிசாக வேலை ஒன்று கிடைக்கிறது. பின்னர் அக்கடை முதலாளியும் வெளிநாடுகளில் வாழும் இவனது பழைய நண்பர்களும் இணைந்து மீண்டும் ஆயதக்கலாச்சரத்திற்கு நாயகனை தள்ளிவிடுகிறார்கள்.

தொடர்ந்து நாயகன் அதிலிருந்து மீண்டானா? அல்லது துரோகிகளுடன் சேர்ந்து மாண்டானா? என்பதை நேர்த்தியான திரைக்கதை மூலம் சொல்லிமுடித்திருக்கிறார் இயக்குனர்.

படத்தின் பிரதான கதாநாயகனாக மிளிர்கிறது ஒளிப்பதிவு. யாழ்ப்பாணத்தினை காட்டிய விதம் படம் முழுவதிலும் இயற்கையுடன் ஒன்றிப்போகச் செய்கிறது. இதனால் படம் என்ற உணர்வை தாண்டி நிற்பதுடன் மனதையும் கனக்கச்செய்கிறது. இரவு நேர கடற்கரை காட்சி ஒன்றில் இடம்பெற்றுள்ள லைட்டிங் தவிர ஏனையவை சிறப்பு.

அத்துடன் முன்னாள் விடுதலைப் போராளியாக வரும் கதையின் நாயகனின் கதாபாத்திரம் சித்தரிக்கப்பட்டுள்ள விதம் அனைவரையும் கவருகிறது. அளவான பேச்சினால் ஒரு சில இடங்களில் திரையரங்கில் சிரிப்பலையை ஏற்படுத்துவதுடன் தான் அடக்கி வைத்திருக்கும் உணர்வுகள் மற்றும் ஆதங்கங்களை வெளிப்படுத்திய விதமும் அருமை. மீண்டும் தவறுதலாக ஆயுதக் கலாச்சாரத்திற்கு சென்றதை உணர்ந்துகொண்ட போது ஏற்படுகின்ற பரிதவிப்பையும் சிறப்பாக காட்டுகிறார்.

இவர்கள் தவிர ஏனைய கதாபாத்திரங்களும் தேவையானதை செய்து படத்தினை ரசிக்க உதவியிருக்கிறார்கள். குறிப்பாக சுபாஷினி பாலசுப்ரமணியம், நிரஞ்சனி சண்முகராஜா பாத்திரத்தினை உள்வாங்கிருக்கியிருக்கிறார்கள். படத்தின் இசையும் மொழிமாற்றம் செய்யப்பட்ட ஆங்கில வசனங்களும் சில இடங்களில் படத்துடன் ஒன்றிப்போகவில்லை. திரையரங்கில் ஏற்பட்ட கோளாறு போலவும் தெரிந்தது. இருப்பினும் ஒன் லொக்கேசன் இசை படத்திற்கு உயிரோட்டமாய் அமைகிறது.

வசனங்கள் குறைவு என்றாலும் யதார்த்தமாகவும் அர்த்தம் பொதிந்தவையாகவும் இருக்கிறது. குறிப்பாக பிரபாகரனை கேள்வியா கேட்டிங்க?, பிரபாகரன் வென்றிருக்கலாம் என்ற இடங்கள் பன்ச் ரகமாய் அமைகிறது.

நிறைகள் அதிகமிருந்தபோதிலும் சில குறைகளும் இருக்கத்தான் செய்கிறது. இயக்குனரின் திரைக்கதையிலிருக்கும் நேர்த்தி முதல் அரை மணி நேரத்திற்கு எடிட்டிங்கில் இல்லாமல் போனது திரைக்கதையை மிக மெதுவாக நகரச்செய்வது வருத்தம்.

இதுமட்டுமன்றி ஒப்பனை ஒரு சில இடங்களில் செயற்கை என்பது அப்பட்டமாக தெரிகிறது. அதிலும் நிரஞ்சனி சண்முகராஜாவின் மேல் பூசப்பட்டுள்ள கருப்பு சாயம் பட்டும் படாமல் இருக்கிறது. இயல்பான படமொன்றிக்கு ஒப்பனையில் இன்னும் கொஞ்சம் அதிகமாவே உழைத்திருக்கலாம்.

இயக்குனரின் தமிழர்களின் மீதான பார்வை பல இடங்களில் சிறப்பாக பளிச்சிடுகிறது. மோட்டார் சைக்கிள் பழுதடைந்த நிலையில் நாயகனுக்கு உதவ ஒரு சிங்கள வாகன ஓட்டுனர் கேட்க பதிலேதும் இல்லாமல் திருத்த வேலையை தொடர மோட்டார் சைக்கிளின் கோளாறும் திருத்தப்பட்டுவிடும். பின்னர் அந்த சிங்கள நண்பருக்கு நன்றி சொல்லி வழியனுப்புகிறார்கள். இந்த இடத்தில் நாயகனுடன் சேர்த்து தமிழர்களின் தன்னம்பிக்கையையும் வெளிப்படுத்துவதாய் ஒரு உணர்வை ஏற்படுத்தியிப்பது மகிழ்ச்சி.

அத்துடன் ஊசியால் குத்தி இரத்தத்தினால் பொட்டு வைத்து விதவைக்கு வாழ்வளிக்கும் காட்சி என தமிழர்களின் என வீரத்தையும் உணர்வுகளையும் ஒரு சிங்கள இயக்குனராக இருந்தும் அவற்றை கையாண்டுள்ள விதம் வரவேற்கத்தக்கது.

ஆனாலும் தமிழர்கள் அழிவதற்கு அவர்களே காரணமாகின்றனர் என நாசுக்காக காட்டியிருக்கும் இயக்குனர் இறுதியில் மீண்டும் யுத்தத்தை முன்னெடுக்கும் முயற்சிகளை கைவிட்டதாக காட்டாமல் போனது சற்றே நெருடலை ஏற்படுத்துகிறது. மேலும் படத்தின் முடிவில் வரும் எழுத்தோட்டத்தில் இனியவன் என்று சிங்களத்தில் வருவதை கவனத்தில் எடுத்திருக்கலாம்.

மொத்தத்தில் யுத்தத்தினை அனுபவித்தவர்கள் மீண்டுமொரு யுத்தத்தினை விரும்பவில்லை என்பதை உணர்த்தி நாயகன் ஒரு பக்கம் விரைந்து செல்ல கெமரா வானத்தை நோக்கி சென்று ஓங்கி வளர்ந்திருக்கும் பனமரங்களை காட்டியவாறு தமிழர்கள் தலை நிமிர்ந்து வாழ்வார்கள் என்பதை உணரவைத்து இனியவனாய் முடிகிறது இந்த 'இனி அவன்'.

அமானுல்லா எம். றிஷாத்

மேலும் வாசிக்க

இறுவட்டையும் வெளியிடுகிறார் உலக நாயகன் : இதுவொரு விஸ்வரூப முயற்சி

தமிழ்சினிமாவில் அவ்வப்போது விஸ்வரூப மாற்றத்தை கொண்டுவருபவர் என்றால் அது உலக நாயகன் கமல் ஹாசன் மட்டுமே. அது நடிப்பாக இருந்தாலும் சரி தொழில்நுட்பமாக இருந்தாலும் சரி.

அந்த வகையில் கமல் ஹாசனே தயாரித்து இயக்கி நடிக்கும் விஸ்வரூபம் படத்தினை திரையரங்கில் வெளியிடும் அதே நேரத்தில் தொலைக்காட்சி நிறுவனங்களுக்கும் உரிமையை வழங்கி வெளியிட புதியதோர் முயற்சியை திட்டமிட்டுள்ளார் உலகநாயகன்.

மேலும் டிவீடி, இன்டர்நெட் உரிமைகளையும் மொத்தமாக விற்பனை செய்யவும் முயற்சிகள் முன்னெடுக்கப்படுகின்றன. இதனால் தயாரிப்பாளர்களுக்கும் உரிய தொகை கிடைத்து விடும் அதேவேளை திருட்டு விசீடி, டீவீடீக்களுக்கும் முற்றுப்புள்ளி வைக்கலாம் என்பது உலகநாயகனின் யுக்தி.

ஆனால் திரையரங்கங்க உரிமையாளர்கள் மற்றும் விநியோகஸ்தர்கள் தரப்பும் இம்முயற்சிக்கு தயக்கம் காட்டுவதாகவே தெரிகிறது. மேலும் வழக்கம் போல எது நடந்தாலும் வேடிக்கை பார்ப்பதை வாடிக்கையாக வைத்திருக்கும் தமிழ்சினிமாவிலுள்ள சிலர் இதை பற்றி அலட்டிக்கொண்டதாக இல்லை.

இருப்பினும் உலக நாயகனும் அவர்களை கண்டுகொள்ளவில்லை என்பதுவே உண்மை. காரணம் இதற்கு முதலும் கமலின் புதுமையான கருத்துக்களுக்கும் முயற்சிகளுக்கும் முட்டுக்கட்டையாக இருந்த பலர் அவற்றின் வெற்றிகளுக்கு பின்னர் ஆதரவாக பேசி கைதட்டல் வாங்கிய சம்பவங்கள் ஏராளம் உண்டு.

தொலைக்காட்சிகள் சனல்கள் ஆரம்பமானபோதும் கூட இது சினிமாவிற்கு ஆபத்து என்று சினிமாக்காரர்கள் அர்த்தமில்லாமல் பேச கமல் மட்டுமே ஆதரவாக பேசினார். தற்போது திரையரங்கில் ஈயடிக்கும் படங்களைக்கூட 100 கோடி 1000 கோடி வசூலை நோக்கி என்று கூவி கூவிக் ஓரளவு கூட்டம் சேர்ப்பது இந்த தொலைக்காட்சிகளினூடவே என்பது அனைவருக்கும் தெரிந்ததே.

இதே போலவே கமல் ஹாசன் தன் சொந்தப்படத்தில் எடுக்கும் குறித்த முயற்சி வெற்றிபெற்றால் அதனை ஈயடிக்கவும் பெரிய கூட்டமே வரிந்து கட்டி நிற்கும் என்பது மட்டும் இப்போதைக்கு திண்ணம்.

விடா முயற்சி விஸ்வரூவ வெற்றி எனவே தீயா வேலை செய்வார் மிஸ்டர் உலகநாயகன்!

மேலும் வாசிக்க

பாலாவின் பரதேசி ட்ரெய்லர் : மற்றுமொரு அழுக்காச்சி காவியம்

அவன் இவன் படத்திற்கு பிறகு பாலாவின் இயக்கத்தில் வெளிவரவிருக்கும் ''பரதேசி'' திரைப்படத்தின் பாடல்கள் மற்றும் ட்ரெய்லர் இன்று உத்தியோகபூர்வமாக வெளியிடப்பட்டுள்ளது.

பாலா முதன் முறையாக இளையராஜாவின் குடும்பத்திலிருந்து இசையை தவிர்த்திருக்கிறார். பரதேசிக்காக ஜீ.வீ. பிரகாஷ் வழங்கியுள்ள பாடல்கள் மற்றும் பின்னணி இசை தற்போது கொலிவூட் வட்டாரத்திலும் ரசிகர்கள் மத்தியிலும் பாராட்டுக்களை பெற்ற வண்ணமுள்ளதை சமூகவலைத்தளங்கள் காண்பிக்கிறது.

வெளியாகியுள்ள ட்ரெய்லர் இது முழுக்க முழுக்க பாலாவின் திரைப்படம் என்பதை காட்சிக்கு காட்சி பிரதிபலிப்பதுடன் படத்தின் மீதான எதிர்ப்பார்ப்பை அதிகரிக்கவும் செய்திருக்கிறது.

ஆனால் வழக்கம் போல அனைவரையும் அழுக்காக்கி அழகுபார்த்திருக்கிறார் பாலா. வேதிகா உடையை கழுவாமலே படம் முடியும் வரையில் பயன்படுத்தியதாக தகவல்கள் வெளியானது.

உடையை துவைச்சிங்க மவனே நான் உங்களை தொவச்செடுப்பன் என்ற பாலாவின் கட்டளை வேதிக்காவுக்கு மட்டுமல்ல என்பது ட்ரெய்லர் பார்க்கும் போது புரிகிறது.

பஞ்சம் பொளைக்க ஒரு பயணம் என்பதை எழுத்தில் காட்டினாலும் ஒளிப்பதிவோ நிறத்தில் பஞ்சத்தை மிக அருமையாக காட்டுகிறது. பிச்சைக்காரனாக இருந்தாலும் சரி பரதேசியாக இருந்தாலும் சரி பாலாவின் படத்தில் நடிச்சே ஆகணும் என்பது விதி.

அதர்வாவின் நடிப்பில் வித்தியாசம் தெரிகிறது. முரளி உயிரோடு இருந்தால் பெருமைகொள்ளும் தருணம் இதுவே.

வழமை போல ஆனால் புதியோர் களத்தில் மற்றுமொரு அழுக்காச்சி காவியம்  படைத்திருக்கிறார் பாலா. ஆனாலும் படம் ரசிகர்களை கவரும் என நம்பிக்கை தருகிறது ட்ரெய்லர். ஏனெனில் ட்ரெய்லருக்கு அத்தனை சிறப்பான வரவேற்பினை சமூகவலைத்தளங்களில் காணக்கூடியதாக உள்ளது.

'எனக்கு போர்த்துற சால்வைய குளிர்ல நடுங்குற பிச்சக்காரனுக்கு போத்தலாம், அவனுக்கு பிரயோஜனமா இருக்கும்' என பாடல்கள் வெளியீட்டின் போது கூறியிருக்கிறார் பாலா. இதுவே அவரது படங்களில் பிம்பங்களாக வெளிப்படும் அதில் ஒன்றே இந்த பரதேசி என்பதை உணர்த்தும் அந்த ட்ரெய்லர் இதோ...

மேலும் வாசிக்க

போடா போடி பிந்திய விமர்சனம்

பல வருடங்களாக கிடப்பில் போடப்பட்டு தீடிரென தீபாவளிக்கு வெளியானது. துப்பாக்கி வெடித்த சத்தத்தில் போடா போடி என்ற கூச்சல் குறைவாக மக்களின் காதுகளுக்கு கேட்பது உண்மை. என்றாலும் ஒஸ்தி கொடுத்த விளம்பரத்தில் பாதியை இதற்கு கொடுத்திருந்தால் படம் அடுத்த விண்ணைத் தாண்டி வருவாயா என்று சொல்லாவிட்டாலும் ஒஸ்தியை மிஞ்சியிருக்கும்.

கல்யாணத்திற்கு பெண் என்பவள் இப்படித்தான் இருக்க வேண்டும் என விரும்பும் தமிழ் கலாச்சார பையனுக்கும் தான் விரும்பிய மாதிரித்தான் இருப்பேன் என்கிற மேலயத்தேய பொண்ணுக்குமிடையிலா வாழ்க்கையில் மோதலால் போடா போடி என்று கூறிக்கொண்டு பிரிந்தவர்கள் வாடா வாடி என்று எவ்வாறு இணைகிறார் என்பதே படத்தின் கதை.

இவர்களின் வாழ்க்கையில் இடம்பெறும் 4 காலங்களை ஆரம்பத்திலிருந்து இறுவரையிலும் சலிப்பை ஏற்படுத்தாமல் திரைக்கதை நகரச்செய்து வெற்றி பெற்றுள்ளார் அறிமுக இயக்குனர் விக்னேஷ். வரவேற்கத்தக்க புதுவரவு.

வெளிநாடுகளில் வாழும் எம்மவரினை நிறைய இடங்களில் பிரதிபலிக்கிறது படம். லண்டன்ல வாழ்ந்தாலும் நாம தமிழர்கள்கள் என்கிற இடம் அருமை. வசனங்கள் அத்தனையும் இயல்பாக இருக்கிறது.

சரத்குமாரின் மகள் வரலட்சுமியின் முதல் படமா இது என்கிற சந்தேகத்தை ஏற்படுத்துகிறது அவரது நடிப்பு, நடனம். முதல் படத்திலேயே குழந்தை குட்டி என்று காட்டினாலும் ஏமாற்றமில்லாத பாத்திரத் தேர்வு. போஸ்டர்களில் சிம்புவுக்கு இவர் ஜோடியா எனக் கேட்க வைத்தாலும் படம் முழுக்க இந்த ஜோடி சலிப்பை ஏற்படுத்தவில்லை. தமிழ்சினிமாவில் இவருக்கான இடம் நிச்சயம் உண்டு.

முதல் பாதி முழுக்க நகைச்சுவையாகச் பயணிக்கிறது படம் பிற்பாதியில் நகைச்சுவை, சென்டிமென்ட், காதல் என எல்லா உணர்வுகளையும் தாங்கி நிற்கிறது.

சிம்புவுக்கு பொருத்தமான கதையாகவே இருக்கிறது. எவ்வளவு எளிதாக சிரிக்வைக்கிறாரோ அதே அளவு எளிதாக சில இடங்களில் அழவைத்துவிடுகிறார். உள்ளுக்குள்ள பெரிய நடிகனேயே வைத்திருக்கிறார் சிம்பு. ஆனாலும் விரல் வித்தைகளில் காலந்தள்ளுவது ஏனோ?

எனக்கே விரலா என்று ஒரு இடத்தில் சிம்பு கேட்பார். அது சிம்பு விமர்சனங்களை கவனத்;திற்கொண்டு இலகுவாக செயற்படுத்துவதாக வெளிப்படுத்துவதாக அமைகிறது.

பின்னணி இசை மற்றும் பாடல்களில் சிறப்பாகவே செயற்பட்டிருக்கிறார் தமன். ஆனால் 2 பாடல்கள் இடம்பெற்ற இடம் கொஞ்சம் நெருடல். பாடலுடன் ஆரம்பித்து படம் பாடலுடன் முடிகிறது என்பதை நன்றாகவே உணர்ந்திருக்கிறார் தமன்.

ஒளிப்பதிவு லண்டனை அழகாக சுற்றிக்காட்டுகிறது. இவர்களை தவிர்த்து வீடிவீ  கணேஷ் மட்டுமே சிறப்பாக செயற்பட்டிருக்கிறார். அவர் வரும் பெரும்பாலான இடங்கள் கலகலப்பூட்டுகிறது.

ஏனையர்களில் மோஜோ என்ற கதாபாத்திரமும் ஷோபனாவும் அடிக்கடி எரிச்சலூட்டுகிறார்கள். ஆனாலும் சிம்புவும் வரலட்சுமியும் மொத்தப்படத்தை சிறப்பாக இறுதிவரை தாங்கிச்சென்று வெற்றிபெறுகிறார்கள்.

போடா போடி திருமணமாகதவர்களை வாடா வாடி என்றணைக்கச்செய்கிறது.

ஏற்கனவே ஏராளமான விமர்சனங்கள் வெளியாகிவிட்டதனால் சற்று சுருக்கமாக அமைகிறது இந்த விமர்சனம்.

மேலும் வாசிக்க

துப்பாக்கியும் விஜய் ரசிகர்களின் அலம்பலும்

இந்தப்பதிவில் பேச்சு வழக்கு கொஞ்சம் தூக்கலா இருக்கும்.
நடுநிலையான துப்பாக்கி விமர்சனத்திற்கு, துப்பாக்கி - விமர்சனம் 
எனக்கொரு சந்தேகம் அது பதிவின் முடிவில் பார்க்க

ஆமாங்க விஜயின் துப்பாக்கி படம் பார்க்க கூடியமாதிரிதான் இருக்கு அதுக்காக தமிழ்சினிமாவை புரட்டிப்போடுற படம், வசூலில் ரஜினி மற்றும் அஜித் ஓப்பனிங்க தூக்கி சாப்பிடுற படம், ஸ்டைல் என்டா என்னவென்று கிளாஸ் எடுக்கிற படம் அது இதுன்னு இந்த ஆணி புடுங்கிற அளவுக்கு விஜய் ரசிகர்களின் அலம்பல் பேச்சு தாங்க முடியலடா சாமி.

இத்தனைக்கும் படத்தின் கதை இதற்கு முதல் 1000 தடவை அடிச்சுப் புழிஞ்சி துவைச்சிப்போட்ட கதைதான். என்ன விஜயகாந்த்தும் அர்ஜுனும் செங்சிக்கிட்டு இருந்த வேலையை சில வருடங்களாக செய்ய ஆளில்லை என்ற குறையை தீர்த்திருக்கிறார் விஜய் அவ்வளவுதான்.

கண்டிப்பா திரைக்கதை மட்டுமே படத்திற்கு வலுச்சேர்க்கிறது. மற்றபடி படத்தில் விஜய் மாஸ், பிச்சி ஒதறிட்டார் என்றோ சொல்லுவதற்கு ஒன்றுமேயில்லை. ஆனாலும் படம் ஓவரோலா நல்லா இருக்கு இதனாலேயே விஜய கலாய்க்க வேண்டாமென இம்முறை எல்லோரும் கொஞ்சம் மாரியாதை குடுத்தா வாங்கிட்டு போகாம வடிவேலு பாணியிலே நாங்க போவம் இல்ல இங்கேயே மல்லா...க்க படுப்போம் மற்றது நின்னு அடி வாங்குறவந்தாண்டா உண்மையான ரவுடி என அடம்பிடிச்சதாலதான் இந்தப் பதிவு அவசியமா போச்சு. உண்மையான விஜய் ரசிகர்கள் மன்னிச்சு...

இத்தனைக்கும் விஜயின் ஆதி தொடக்கம் நண்பன் வரையிலான ஏராளமான படங்கள் திரையரங்குகளுக்கு பதில் போஸ்டரிலியே 100, 200 நாட்கள் ஓட்டப்பட்டது. இது உலகத்துக்கே தெரியும். அதெல்லாம் பரவாயில்லை இப்போ இந்த துப்பாக்கி படத்திற்கு தியேட்டரில் கூச்சல் போட எஸ்.ஏ.சி 30 லட்சம் செலவு பண்ணி கூட்டம் சேர்த்திருக்கிறாராம். எல்லா அப்பனுங்களுக்கும் மகன் எம்.ஜி.ஆர் ஆகணும் என்ட ஆசை இருக்கும் ஆனா உங்க ஆசை ரொம்ப ஓவராத் தெரியல.

சரி இதெல்லாம் நமக்கெதுக்கு படத்திற்கு வருவோம். படத்தின் திரைக்கதையால் படத்திலுள்ள ஓட்டைகளை மறந்து மன்னித்து படம் நல்லா இருக்கு என்று பெருவாரியான கருத்துக்கள் வெளியானதும் வழக்கமான அலம்பல்களை ஆரம்பித்துவிட்டார்கள் விஜய் ரசிகர்கள். ரஜினின்னா தூசு அஜித்ன்னா பீசு சூர்யான்னா கேசு விஜய்ன்னாதான் மாசுன்னு ஏன் மத்தவங்களை கொலைவெறியாக்குறயள்?

வழக்கமாக நான் அடிச்சா நீ பீசுடா என்டு சொடக்கு போட்டு பேசுவார் விஜய் அப்போ படம் பார்க்க வந்த எங்களுக்கு என்ன தோணும்னா 'நீ நடிக்கிறத பார்க்க வந்த நாங்கெல்லாம் லூசுடா' என அது மட்டும் இந்தப் படத்துல இல்லை. அடுத்தது கொஞ்சூன்னு சைட்ல முடி வெட்டிட்டுட்டு கூளிங் கிளாஸ் போட்டிருக்கார் அது கூட எப்படி இருகுன்னா 'க்ர்ர்ர்.. முதல்ல அந்த கண்ணாடிய களட்டுடா' என்று சொல்லத் தோணுது.

விஜய பொறுத்தளவில் வித்தியாசமா நடிச்சிருக்கிறாராமா. இதுக்கு காரணம் உண்மையான விமர்சனங்களை நக்கலா வெளியிட்ட ஏனைய நடிகர்களின் ரசிகர்களின் வெற்றியே. இதனாலதான் கொஞ்சம் வித்தியாசமான விஜயை இந்த படத்தில பார்க்க முடிஞ்சது இது தெரியாம ஏன் விஜய் ரசிகர்கள், விஜய் மாதிரியே சொடக்கெல்லாம் போடுறாங்க.

இத்தனைக்கும் படத்தின் கதை சாதாக் கதை அதாங்க விஜய்காந்த் காஷ்மீரிலிருந்த கன்னியாக்குமரி வரைக்கும் விரட்டிப்புடிச்ச தீவிரவாதிய மும்பையில மட்டும் புடிச்சிருக்கார் விஜய். அதே முஸ்லிம் தீவிரவாதி, அதுக்குதவுற பாதுகாப்பு துணை துணை துணை செயலாளர் அப்பதானே அவர் புரமோசனுக்காக தீவிரவாதிக்கிட்ட போட்டுக்குடுக்கிற வேலையைச் செய்யலாம். எத்தனை படத்துல பார்த்திருப்போம். சீ.எம். ஆக மந்திரியாக தீவீவீரவாதிகளுக்கு உதவுறத.

இப்பவரைக்கும் ஹீரோயினோட நெருக்கமான சீன விடமாட்டேங்கிறாரே 

இந்த கதைக்கு விஜயை கொஞ்சம் பொருந்தச் செய்து திரைக்கதையில் சிறப்பாக நகர்த்தி வெற்றி பெற்றிருப்பது இயக்குனர் முருகதாஸ் மட்டுமே. நடிக்க வேண்டிய காட்சியொன்றில் (போத்தல கீழ் வழியா அனுப்பி ராணுவ வீரன கொலை செய்யுறதா சொல்லுற காட்சி) விஜய் நல்லாவே சொதப்புறார். சுட்டுப்போட்டாலும் டாக்டருக்கு நடிப்பு மட்டும் வராது. அதை முருகதாஸ் உணர்ந்து கொண்டு அந்த கட்டத்தை நல்ல சுருக்கமா முடிச்சி நம்மள காப்பாத்திட்டார்.

அப்ப விஜய் இதுல என்னதான் செய்யுறார் என்டா முருகதாஸ் சொன்னதுல பாதிய செஞ்சி படத்தை கேவலமாக்க பாத்திருக்கார். எப்பிடியென்டா நீங்க ஆணியே புடுங்க வேணா... எல்லாத்தையும் நான் பார்க்கிறன் சார் என்டு முருகதாஸ் சொன்னத வெச்சிட்டு பாதி ஆணி புடுங்கியிருக்கார் நம்ம டாக்டர். அவர்தான் ஆப்பரேசன் கிங் ஆச்சே!

ஒப்பனிங் சீன்ல ஒரு ஆளை தோக்கடிச்சிட்டு அவரை விஜயின் நண்பனா காட்டுற அலுப்படிக்கும் சீன் இன்னும் எத்தனை படத்துல வந்து தொலைய இருக்கோ. இயக்குனர்கள்தான் காப்பத்தணும். திருமலையில மோட்டர் பைக் ரேஸ்ல ஜெயிச்சிட்டு குத்தொன்னு போடுவாங்களே அதே மாதிரிதாங்க... எப்பா கேக்கும் போதே கண்ண கட்டுதானே!!!

படத்துல எக்கச்சக்க ட்விஸ்ட்டாம். அப்படி ஒரு மண்ணும் கெடயாது ஈசியா அடுத்த சீன கண்டுபிடிக்கலாம். ஒரு சீன் தவிர தங்கச்சிய கடத்திட்டு போனதும் (இது சத்தியமாக ஆரம்பத்துலய கணிச்சுடலாம்) நாய விட்டு கண்டுபிடிக்கிறது எதிர்பார்க்கல்ல. ஆனாலும் அதுவும் மும்பையிலுருந்து மூணாறு வரைக்கும் போய் கண்டுபிடிக்கிற அளவுக்கு நாய்க்கு முடியுமான்னு என்னை கேட்காதிங்க! அவ்வளவு தூரம் போகுதுங்க அந்த நாயி (சத்தியமா நாயத்தான் சொன்னன்)

இது தவிர படத்துல ட்விஸ்ட் என்று சொல்லுறவங்க கண்டிப்பா விஜய் பேனாத்தான் இருக்கும் ஏன்னா விஜய் பேனாகுறதுக்கு முதல் தகுதியே மூளை கொஞ்சம் மந்தமா இருக்க வேண்டியதுதானே.

கத்திக்குத்து, போத்தல் சண்டைக் காட்சி கருமம் நல்லாவே இல்லை ஏன்னா இதவிட பல மடங்கு ஸ்டைலிஸ்ஸா இந்த சீன பில்லா 2வில் அஜித் செஞ்சிட்டார்.

மிஷன் இம்போசிஸிம்பிள் வர்ர அந்த சிப் மேட்டர், வில்லனை வீட்டுக்குள்ள வெச்சி காரியம் பண்ற மேட்டர் (இது ஏற்கனவே பார்த்த டெக்னிக் எளவு என்ன படம் என்டு ஞாபகம் வந்துதொலையுதில்லை),  கில்லி மாதிரி க்ளைமேக்ஸ்ல வில்லன மாங்க மடையனாக்குற மொக்கை வேலை (இந்த சீன் வெள்ளைப் படத்துல கூட இருக்கு) இதெல்லாம் பரவாயில்லை.

ஏன்னா... பஸ்ஸில பிக்பொக்ட் அடிச்சனவே கண்டுபிடிக்க விஜய் முயற்சிக்கும் போது குண்டு கொண்டுவந்தவன் பஸ்ஸிலிருந்து ஏன் சம்மந்தமே இல்லாமல் ஓடனும்? அப்படி மட்டும் செய்யாம இருந்திருந்தால் குண்டும் ஒழுங்கா வெடிச்சிருக்கும் அப்போ பஸ்ஸோட சேர்ந்த விஜயும் செத்திருப்பார் நாமளும் தப்பி இருப்போம்.

அப்புறமென்ன படத்திற்கு கதை இல்லையென்டு படத்தை முடிச்சிருப்பாங்க. இந்த கொசுத் தொல்லைகளிடமிருந்த பேச்சும் வந்திருக்காது. இந்த இடத்திலதாங்க விஜய அறிவாளியாக்கப் போய் முருகதாஸ் முட்டாள் ஆகிடுறார். அதே இடத்திலதான் எனக்கும் சந்தேகம் வருது

என்ன எளவுக்குடா அவன் ஓடினான்?
ஓடி கொஞ்ச நேரத்துல குண்டு வெடிக்கும் என்டு தெரிஞ்சா ஏன் அவ்வளவு நேரமா பஸ்ஸிலேயே இருந்தார்ர்ர்ர்?
சரி... பிக்பொக்கட்தான் அடிக்கல்ல குண்டையும் பஸ்ஸில வெச்சிட்டார் அப்புறமும் எதுக்கு ஓடினார்ர்ர்?
சரி... தற்கொலைக் குண்டுதாரின்னா என்ன எளவுக்கு ஓடினார்ர்ர்ர்?
(ர்ர்ர்ர்ரு ரொம்ப டர்ர்ர் இருக்கோ?)

So படத்திற்கு ஆரம்பமே இல்லை பின்ன எதுக்கு முடிவு வரை பேசுவான். அதவிட்டுட்டு 15 நாள் பட்டினி இருந்த பிச்சக்காரனுக்கு சட்னியில்லா இட்லி கிடைச்மாதிரி 2004க்கு பிறகு விஜய் பேன்ஸுக்கு இந்தப்படம் கெடச்சிருக்கு விடுவனா மாமன். சும்மாவே காட்டு காட்டுன்னு காட்டுறவங்களாச்சே....

ஆனாலும் வாயால கார் ஓட்டுறது, ஊர் விட்டு அடுத்த ஊர் ட்ரெய்னுக்கு பறக்கிறது, புள்ளட்ஸ விட வேகமாக இயங்குறது என இதுல எதுவும் இல்லாதது கொஞ்சம் ஆறுதலளிக்கிறது.

மேலும் வாசிக்க

துப்பாக்கி - விமர்சனம்

நட்சத்திரங்கள் - விஜய், காஜல் ஆகர்வால், ஜெயராம், சத்யன்
கதை, திரைக்கதை, இயக்கம் - ஏ.ஆர். முருகதாஸ்
இசை - ஹரீஸ் ஜெயராஜ்
ஒளிப்பதிவு - சந்தோஷ் சிவன்
எடிட்டிங் - ஸ்ரீகர் பிரசாத்

ஏகப்பட்ட எதிர்ப்புகளுக்கும் எதிர்பார்ப்புகளுக்கும் மத்தியில் தீபாவளிக்கு வெளியாகி விஜய் ரசிகர்களுடன் சேர்த்து பொதுவான ரசிகர்களிடையேயும் கொஞ்சம் சத்தமாகவே வெடித்திருக்கும் திரைப்படமே இந்த துப்பாக்கி.

இந்தியன் ஆமியில் வேலை செய்யும் விஜய் விடுமுறையில் மும்பை வருகிறார். இந்நிலையில் விஜயின் கண்முன்னே குண்டு வெடித்து பலர் பலியாகின்றனர். இதற்கு பின்புலத்தில் யார் யார் இருக்கின்றனர் என்பதை தெரிந்துகொண்டு துப்பாக்கி கொண்டு அழிப்பதே படத்தின் கதை.

சாதாக் கதையாக இருந்தாலும் மெகா கதையாக திரையில் காட்டி வெற்றிபெற்றிருக்கிறார் இயக்குனர் முருகதாஸ். இதற்கு பக்கபலமாக உழைத்திருக்கிறார்கள் நாயகன் விஜய், ஒளிப்பதிவாளர் சந்தோஷ் சிவன், ஸ்ரீகர் பிரசாத், ஹரீஸ் ஜெயராஜ் ஆகியோர்.

படம் ஆரம்பித்து, முதல் அரை மணித்தியாலங்கள் வரை விஜயின் வழக்கமான கொமர்ஷல் திரைப்படங்களின் வரிசையில் அடுத்தவொரு படம் என்று தோன்றினாலும் பின்னர் படத்தின் கதை நகரும் விதம் அசத்தல்.

முதல் பாதியில் விஜயின் முன்னைய படங்களில் இடம்பெற்றது போல அறிமுகக் காட்சி மற்றும் பாடல், எரிச்சலூட்டும் நகைச்சுவைகளுடன் படம் மெதுவாக நகருவதை இடைவேளைக்கு சற்று முன்னர் உணரமுடிகிறது. 

ஆனால் இரண்டாம் பாதியில் இவற்றையெல்லாம் தூக்கியெறியும் வகையில் திரைக்கதை நகர்த்தி இயக்குனராக ஏ.ஆர். முருகதாஸ் வெற்றிபெற நடிகராக விஜயும் வெற்றி பெற்று நீண்ட நாட்களுக்கு பின்னர் நல்லதொரு கொமர்ஷல் படத்தினை பார்த்த திருப்தியை ஏற்படுத்துகின்றார்கள்.

எந்தப்படத்திலும் இல்லாதவாறு இதில் விஜய்யை ஸ்டைலிஸாக காட்டியிருக்கிருக்கிறார்கள். கொஸ்டியூம் டிசைனர் தன்பங்கிற்கு சிறப்பான உடைகளை கொடுத்திருக்கிறார். கோட் சூட் போட்டு விஜய் வரும் காட்சியில் திரையரங்கே கைதட்டல்களால் அதிருவது வித்தியாசமான விஜயை திரையில் காண துடித்த ரசிகளிகளின் ஏக்கத்தை காட்டுகிறது. 

விஜய் சண்டைக்காட்சிகளில் வித்தியாசமான உடலசைவுகளால் கொள்ளைகொள்கிறார். ஏனைய காட்சிகளிலும் இயக்குனருக்கு தேவையானதை செய்து தரமான படத்திற்காய் உழைத்து தன்னை இன்னொரு கட்டத்திற்கு எடுத்துச் செல்ல அடித்தளமிட்டுள்ளார். மிலிட்டரி மேனாகவும் தன்னைப் பொருந்தச்செய்திருக்கிறார் விஜய்.  ஆனாலும் அவரால் அழவைக்க வேண்டிய இடத்தில் ரசிகர்களின் கூச்சலினை குறைக்கச் செய்யவே முடிகிறது.

இயக்குனராக முருகதாஸ் படத்தினை இறுதிவரை தாங்கிச்செல்லுகிறார். இரண்டாம் பாதியில் திரைக்கதை யில் அத்தனை நேர்த்தி. ஆனாலும் இறுதிக் காட்சியும், முஸ்லிம் தீவிரவாதிகளுக்கு உதவும் பாதுகாப்புத் துறை செயலாளரும் அரதப் பழசு கொஞ்சம் கவனித்திருக்கலாம். இயல்பான வசனங்கள் படத்துடன் ஒன்றிப்போகிறது. ஆனால் அடிக்கடி ஹிந்தியில் பேசுவது கொஞ்சம் அந்நியமாக தெரிகிறது.

தேசிய விருது ஒளிப்பதிவாளர் சந்தோஷ் சிவனின் உழைப்பு ஒவ்வொரு காட்சியிலும் சிறப்பு. புதிதாக எதுவும் இல்லை என்றாலும் கொமர்ஷல் படத்திற்கு என்ன தேவை என்பதை உணர்ந்து செயல்பட்டிருப்பது படத்திற்கு வலுச்சேர்க்கிறது.

ஸ்ரீகர் பிரசாத் எடிட்டிங்கில் முதல் பாதியில் சில இடங்களில் கத்தரி போட்டிருந்தால் இன்னும் சிறப்பாக இருந்திருக்கும். இரண்டாம் பாதியில் விட்ட வேகத்தை துரத்திச் சென்று வெற்றியும் பெற்றிருக்கிறார். 

ஹரீஸ் ஜெயராஜின் பின்னணி இசை படத்தின் வேகத்தை அதிகரிக்கிறது. பல காட்சிகள் இசையால் ஈர்க்கப்படுகிறது. பாடல்களைப் போல அவை படமாக்கப்பட்ட விதமும் ஈர்க்கும் படி இல்லை. மேலும் பாடல்கள் படத்துடன் ஒன்றிப்போகாதது வருத்தமே. கூகுள் கூகுள் விஜய்காக மட்டுமே.

இவர்கள் தவிர்த்து வித்யூத் ஜம்வால், நாயகி காஜல் ஆகர்வால், ஜெயராம், சத்யன் ஆகியோர் எம்மை கவனிக்கவைக்கிறார்கள். குறிப்பாக வில்லனாக ஆஜானபாகுவான உடலுடன் அதிகம் பேசாமல் அலட்டாமல் அசத்துகிறார் வித்யூத். ஆனாலும் அவரை இறுதியில் டம்மியாக்கி வேடிக்கை பார்க்கிறார்கள்.

சத்யன் நகைச்சுவை நடிகராக இல்லாமல் குணச்சித்திர கதாபாத்திரம் போல் தெரிகிறது. அதேவேளை ஜெயராம் வந்துபோகும் ஒரு சில காட்சிகளில் கலகலப்பூட்டுகிறார். நாயகி காஜலுக்கு பெரிதாக வேலையில்லை. கவர்ச்சிக் கன்னியாக இளைஞர்களை சூடேற்றுகிறார்.

சண்டைக்காட்சிகள் அனைத்தும் ஏற்கனவே பார்த்தது. கத்திக்குத்து, போத்தல் சண்டை பில்லா 2வை நினைவு படுத்துகிறது. க்ளைமெக்ஸ் சண்டைக்காட்சியில் கில்லியை மீள்பதிவு செய்திருக்கிறார்கள்.

இத்தனை நிறை குறைகளை தாண்டி இறுதியில் வரும் பாடல் முழுவதையும் பார்த்து விட்டே திரையரங்கை விட்டு எழச் செய்திருப்பது ஏ.ஆர். முருகதாஸ் மற்றும் விஜய்க்கும் கிடைத்த வெற்றி. ஆக மொத்தத்தில் படம் விஜய் ரசிகர்களுக்கு மற்றுமொரு கில்லி பொதுவான ரசிகர்களுக்கு விஜய் பற்றிய எண்ணங்களை தப்பாக்கி அசத்தியிருக்கிறது இந்த துப்பாக்கி.

துப்பாக்கி - தீபாவளி சரவெடி

- அமானுல்லா எம். றிஷாத்

மேலும் வாசிக்க