மீண்டும் மீண்டும் மாட்டிக்கொள்ளும் விஜய்!

தமிழ்த்திரைப்படங்களை உலகத்தரம் வாய்ந்த திரைப்படங்களாக மாற்றவேண்டும் என்று கூறிக்கொண்டு ஆங்கிலப்படங்களை இன்ஸ்பிரேஸன் என்ற பெயரில் அப்படியே பிரதி எடுத்து அதாங்க ஈயடிச்சான் கொப்பி பண்ணி மாட்டிக்கொள்வது தமிழ் சினிமாவில் தற்போது சாதாரணமாகிவிட்டது.

அந்த வகையில் புதிதாக மாட்டிக்கொண்டது விஜயின் துப்பாக்கி திரைப்படம். இதிலென்ன அதிசயம் விஜய்க்கும் முருகதாஸுக்கும் இது ஒன்னும் புதிசில்லையே என்ற உங்களுடைய எரிச்சல் புரியுது. என்றாலும் இம்முறை விஜய்க்கு புதிதுதான் காரணம் வழக்கமாக தெலுங்கிலிருந்தே அதிகமாக ஆட்டையைப் போடுவார் இம்முறை ஹொலிவூட்டு பக்கம் ஓட்டையை போட்டிருக்கார் அவ்வளதுதான். என்ன கொடுமை சார் இது!

இயக்குனர் முருகதாஸு தீனாவுக்கு பிறகு சொந்த கதை, திரைக்கதை என்றால் என்னவென்றே மறந்து போயிருக்கும் போல தெரியுதே. கஜினி படத்தை தமிழ், ஹிந்தி என்று வெற்றிபெறச் செய்தாலும் அது ஏற்கெனவே ஹொலிவூட்டில் வெற்றி பெற்ற மெமொண்டோ என்பது படம் பார்த்தவர்களுக்கு தெரியும்.

இவ்வாறு தங்களது பழைய சாதனைகளை கொப்பி பண்ணியிருக்கும் ச்சீ... வைத்திருக்கும் இவர்கள் இணைந்த புதிய படமே துப்பாக்கி. இப்படத்தின் முதலாவது போஸ்டர் வெளியானபோதே போஸ்டருமாடா கொப்பியடிப்பாய்ங்க... என அலுத்துக்கொள்ளச் செய்தது கள்ளத்துப்பாக்கி குழுவினர் போட்ட வழக்கு.

அந்த வழக்கு முடிந்து 3 நாள் கூட முற்றுப்பெறவில்லை அதற்கிடையில் அடுத்த போஸ்டரை வெளியிட்டு An Officer and a Gentleman படக்குழுவினரை வழக்கு தாக்கல் செய்ய வைப்பாங்க போல இருக்கு துப்பாக்கி படக்குழுவினர்.

ஏனெனில் 1982ஆம் ஆண்டு வெளியாகி வெற்றிபெற்ற An Officer and a Gentleman படத்தின் போஸ்டரை அப்படியே ஈயடித்திருக்கிறார்கள் விஜய் அன்ட் கோ. ஆனாலும் அதிகாரபூர்வ துப்பாக்கி போஸ்டர் என்றே வெளியிடப்பட்டது. உண்மையில் இப்போது இந்த டிசைன் யாருக்கு அதிகாரம் பெற்றது என்று அவங்களே கன்பீஸ் ஆகியிருப்பாங்ளோ?

ஒரு உண்மை தெரிஞ்சாகணும் எங்களுக்கு அது என்னாண்ணா... விஜய் இருக்கிற இடங்களில் கொப்பி வேலை நடக்குதா இல்லை கொப்பி வேலை நடக்குற இடத்திலே விஜய் இருக்கிறாரா?

ஏற்கனவே ஏ.எல். விஜய்யின் (இங்கேயும் விஜய்யா? போகிற போக்கை பார்த்தால் விஜய் என்றால் வெற்றி இல்லை கொப்பி என்று அர்த்தமாக்கிவிடுமோ! ) ஐ எம் சாம் படத்தின் தமிழ் பதிப்பாக வெளிவந்த தெய்வத்திருமகள் படம் தெய்வத்திருட்டுமகள் என்ற கதை மறைவதற்குள் முருகதாஸ் துப்பாக்கி என்ற லைசன்ஸ் இல்லாத கள்ளத்துப்பாக்கியை வெளியிட்டுட்டாரே!

இது போதாத விஜய்யை கலாய்ப்போருக்கு சும்மா கழுவி கழுவி ஊத்த. அதன் விளைவே இன்று சமூகவலைத்தளங்களில் அதிகமாவே கேலிக்கூத்தாகியது இந்த துப்பாக்கி போஸ்டர்தான் அதனை நீங்களே பார்த்து சிரித்திருப்பீர்கள்.

முடிஞ்சா 6 வித்தியாசம் கண்டுபியுங்க என்ற வகையிலமைந்த அந்த போஸ்டர் இதோ உங்களுக்கா...

முருகதாஸ் சார் போஸ்டர்தான் மாட்டிக்கிச்சு படத்தையாச்சும் மாட்டாம பார்த்துக்கோங்க சார்...!  ஏன்னா விஜய் சார் கொப்பி பண்ணும் போது ஒரு முறையல்ல ஒவ்வொரு முறையும் மாட்டிக்கிறாப்போல அதனால சொல்லுறன்!!! வரட்டா ஐயாச்சாமி!!!

மேலும் வாசிக்க

Expendables 2 - Blue ray rip - Free download - இலவசப் பதிவிறக்கம் மற்றும் விமர்சனம்

Download link : Expendables 2 Blue ray with subtittle

(கட்டுரையின் முடிவில் பார்க்கவும்.)

உலகளாவிய action திரைப்பட ரசிகர்களுக்கான தீனியாக வெளிவந்த திரைப்படம் இது. கடந்த வருடம் ஆகஸ்டு மாதம் 13 ஆம் திகதி வெளிவந்த Expendables இன் தொடர்ச்சியாக இது வெளி வந்தது.

$100 மில்லியன் செலவில் பல்கேரியா, ஹொங்-கொங் மற்றும் நியூ ஒர்லண்ட்ஸ் ஆகிய நாடுகளில் 14 வாரங்கள் படப்பிடிப்பு நடத்தப்பட்டு இந்த வருடம் 17 ஆம் திகதி ஆகஸ்டு மாதம் உலகெங்கும்  திரையிடப்பட்டது. இது வரை Expendables 2 குவித்துள்ள வசூல் $285.7 மில்லியன்.

வெளியிடப்பட்ட டிரைலர் இனை விட திரைப்படம் மிக அற்புதமாக உள்ளது. அதனால் தான் இத் திரைப்படம் Hollywood இல் Stallone's Adrenaline Pumping Action Ride  என அழைக்கப் படுகிறது.

உலகத்து திரைப்பட ரசிகர்களில் பெரும்பாலானோர் Action திரைப்பட ரசிகர்களே. அதனை நன்கு பயன்படுத்திக்  கொண்டுள்ளார் Sylvester Stallone .
இவரே உலகெங்கும் Rambo என அறியப்பட்ட பிரபல கதாபாத்திரத்தில் Action விருந்து படைத்தவர்.

Hollywood திரைப் படங்களின் நாயகன் எப்போதும் அதன் இயக்குனர்தான் என்பதை Expendables 1 மூலம் உணர்ந்து கொண்ட Sylvester Stallone இந்த முறை இயக்குனர் பொறுப்பை Tomb rider, The Mechanic மற்றும் பல திரைப்படங்களை இயக்கிய அனுபவ இயக்குனராகிய Simen West  இடம் கொடுத்து விட்டு தனது வேலையை மாத்திரம் கையில் எடுத்துள்ளார்.

Expendables 2 இல் Sylvester Stallone இன் தனிப்பட்ட வாழ்கையில் நண்பனும் தொழில் முறையில் எதிரியும் ஆன Arnold Schwarzenegger (Commando, Termonator, predator மற்றும் பல சூப்பர் ஹிட் திரைப்படங்கள் மூலம் அறியப்பட்டவர்) தன் பிரபலமான பஞ்ச் டயலாக் " I'm Back" உடன் அறிமுகம் ஆகாமல் Stallone ஆல் காப்பாற்றப்படும் காட்சியுடன் அறிமுகம் ஆகிறார். அந்த இடத்தில் "நான் உன்னிடம் கடன் படுவதை வெறுக்கிறேன்" என்று கூறிவிட்டு பின்னர் Stallone இன் Team இனை படத்தின் பாதியில் காப்பாற்றி "I'm Back" என்று தன் கடனைத் தீர்த்துக் கொள்கிறார். அவர்களின் ரசிகர்கள் நிச்சயம் ரசித்து இருப்பார்கள்.

இவ் வசனம் 1991 இல் வெளிவந்த James Cameron (Titanic மற்றும் Avatar இனை எழுதி தயாரித்து இயக்கியவர்)   இன் Terminator 2 : The Judgement Day இற்காக Arnold Schwarzenegger இனால் பேசப்பட்டது.

இவ் வசனம் அஜித் குமார் இனால் பில்லா வில் பேசப்பட்டு தமிழில் பிரபலம் ஆனதும் கூட.

Expendables 2 இல் அந்தந்த நாயகர்களின் பிரபலமான வசனங்களுடன் நகைசுவையைக் கலந்து அதிரடியாக தந்துள்ளனர்.
அந்தந்த நாயகர்களின் தனித்தன்மையும் தெளிவாகத் தெரிகிறது.

ஒரே கதையாய் இருந்தாலும் ஒரே பாணியாய் இருந்தாலும் அதில் எப்படி வித்தியாசம் காட்டி ரசிகர்களுக்கு தங்களின் தனித் தன்மையுடன் விருந்து படைக்கலாம் என்பதற்கு இந்த நட்சத்திரங்களின் குழு ஓர் உதாரணம்.

ஒரு இடத்தில் துப்பாக்கி ரவைகள் முடிந்தவுடன் 
Arnold : I am almost out. I'll be back
Bruce : You've been back enough. I'll be back

அந்த இடத்தில் Arnold இன் முகத்தைப் பார்க்க வேண்டும். ஹஹ்ஹஹ்ஹா... Yippee-ki-yay.

வழமை போல் Arnold இனால் இதிலும் சிரிக்க முடியவில்லை. Terminator 2 இல் சிறுவன் John corner, தன் காவலன் Terminator (Arnold) ஐ சிரிக்கச் சொல்லி விட்டு, அவர் சிரித்த பிறகு "நீ சிரிப்பதை விட சிரிக்காமல் இருப்பதே மேல்" என்று சொன்னதை அவ்வளவு இலகுவில் மறந்து விடுவோமா என்ன. 

Expedables 2 இன் சிறப்பம்சே அதன் நடிகர்கள்தான். Classical action நாயகர்களுடன் தற்போது பிரபலமாக அறியப்பட்ட,  Hollywood Action நாயகன் Jason Statham உம் இணைந்து ரசிகர்களுக்கு விருந்து வைத்துள்ளார். Transpoter மூலம் இவர் பிரபலமானவர். அதற்கு பிறகு அவரின் ஆர்ப்பாட்டம், அலட்டல் இல்லாத Action இற்கு Hollywood ரசிகர்கள் அடிமையாகிப் போனார்கள். நானும்தான். 

முதன் முதலாக Van Damm வில்லன் வேடத்தில் மிரட்டியுள்ளார். இதுவரை அவர் செய்து வந்த ஹீரோயிசம் கலந்த stylish action இதில் கொடூரமாகத் தெரிகிறது. பிரதான வில்லனாய் இருந்தாலும் ஒரு சில நிமிடங்களே வருகிறார். அதிலும் அவர் தன் ரசிகர்களை  ஏமாற்றவில்லை.
Stallone உடன் மோதும் போது அவரை வீழ்த்தி விட்டு  "over so soon? I want my money's worth" என்கிறார். அக் காட்சி அவரிற்கு போதுமான தீனி படத்தில் இல்லை என்பதை ரசிகர்களுக்கு உணர்த்துகிறது. 

அவரின் அறிமுகக் காட்சியில் Billy ஐக் கொல்லும்போது... waahh.... செம stylish..

Billy இன் சோக முடிவிற்குப் பிறகு Bruce Willis இடம் பணத்திற்காக ஏற்றுக்கொள்ளப்பட்ட வேலை, ஒரு நல்ல திறமையான இளம் பையனின் ஆத்ம சாந்திக்கான பழிவாங்கல் படலமாக மாறுகிறது.

அந்த இடத்தில் Stallone சொல்வார் "Track 'em, Find 'em, kill 'em." அந்த மாஸ் தலைகளின் கூட்டத்திற்கு அவர் தலையாக இருப்பதற்கு தகுதியானவர் என்பதை எந்த மாற்றுக் கருத்தும் இன்றி ஏற்றுக் கொள்ள முடிகிறது. 
what a guts....!!! 

Expendables 2 இன் நாயகர்கள் : Sylvester Stallone, Jason Statham, Jet Li, Dolph Lundgren, Chuck Norris, Randy Couture, Terry Crews, Liam Hemsworth, Jean-Claude Van Damme, Bruce Willis, and Arnold Schwarzenegger.

இதில் மிகப் பிரபலமான இரண்டு ஆண் Action நாயகர்களும் இரண்டு பெண் Action நாயகிகளும் உள்ளடக்கப்படவில்லை.

Vin Diesel ( XXX மற்றும் Fast and Furious தொடரின் மூலம் அறியப்பட்டவர்). மற்றையவர் குழந்தைகள் முதல் வயதானவர்கள் வரை தன் குறும்பு மற்றும் அப்பாவித்தனம் கலந்த Action மூலம் உலகத்தைக் கவர்ந்த சூப்பர் ஸ்டார்  Jackie chan.

பெண்களில் Milla Javovich (Resident Evil தொடரின் நாயகி) மற்றும் அழகான இரத்தக் காட்டேரி  Kate Beckinsale (Underworld தொடர் மற்றும் Van Helsing மூலம் மிகப் பிரபலமானவர்.)

இது அவர்களின் ரசிகர்களுக்கு ஒரு தாங்க முடியாத ஏமாற்றமே.

Expendables 3 வெளியிடப்பட்டால் அதில் இவர்களும் உள்ளடக்கப் படுவார்கள் என அவர்களின் ரசிகர்கள் நம்பிக் கொண்டிருக்கிறார்கள்.

Stallon அவரின் classical ரிவால்வர், classical பைக், classical கத்தியுடன்  உங்களால் Classic ஐத் தவிர்க்கவே முடியாது என்று வந்து நிற்கிறார். அவரின் அந்தப் பழைய ரிவல்வரால் தற்போதைய pistol மாதிரி தொடர்ந்து சுட முடியாது. ஒவ்வொரு தடவை சுடும் போதும் re-load செய்ய வேண்டும். அதனை அவர் செய்யும் பாணி அவருக்கே உரியது. அவரின் ரசிகர்கள் தமிழர்களாய் இருந்திருந்தால் எழுந்து நின்று விசில் அடித்து இருப்பார்கள்.

Statham அவரின் இறுதி சண்டைக் காட்சியில் Scott Adkinson இன் தலை Air Craft இன் பின் பக்க விசிறிக்குப் பலி கொடுத்து விட்டு "can't beat the classic" என்பார். உண்மைதான். 
செம பஞ்ச்.....

படம் முழுவதும் Stallone, Statham இற்கிடையிலான சம்பவங்களும் உரையாடல்களும் ரசிக்கும்படியவே உள்ளன. காட்டிற்குள் பெட்டகத்தைத் தேடிப்போகும்போது Statham இற்கு அவரின் காதலியிடம் இருந்தது போன் வரும். அதற்கு Stallone "Hallo, dear"  என்பார் Statham ஐப் பார்த்து. Nice humor sense. 
இறுதிக் காட்சியில் காயம்பட்ட Stallone முகத்தைப் பார்த்து Statham "ஒரு நண்பனா ஒனக்கு ஒண்டு சொல்றன். எப்பிடி சண்டை போடுறது எண்டு நீ கட்டாயம் படிக்கணும்" என்பது வரை அது தொடர்கிறது. 

Chuck Norris இன் அறிமுகத்தின் பின் Stallone அவரிடம் Booker இனை நாக பாம்பு கடித்த வதந்தி பற்றிக் கேட்கும் காட்சி, ரஜினியின் "கடிச்சிது, ஆனா வெஷம் ஏறெல்ல" காட்சியையும் வடிவேலுவின்  "கடிக்காதேங்க... கடிக்காதேங்க..." காட்சியையும் ஒரு சேர ஞாபகமூட்டுகிறது. 

அந்த பழைய Russian Army base இல் Expendables இன் உரையாடல் அருமையான நகைச்சுவைப் பாணி. Gunner இன் குறட்டைச் சத்தம், இறப்பதற்கு முன் அவர்கள் சாப்பிட விரும்பும் சாப்பாடு பற்றிப் பேசுவது, classic இசைப் பின்னணி சண்டை.. ரசித்து செதுக்கி இருக்கிறார்கள்.

இறுதியில் Stallone அவரின் classical air craft ஐ இழந்ததற்குக் பதிலாக Bruce Willis ஒரு பழைய air craft ஐப் பரிசாக அளிப்பார். அதற்கு Stallone "அது மியுசியத்தில் இருக்க வேண்டியது" என்பார்.

அதற்கு Arnold சொல்வார் "நாம் எல்லோரும்தான்"  என்று. 

நீங்கள் என்ன நினைக்கிறீகள்? இப்படை அதற்குத் தகுதியானதா..!!?


Click here to download the full movie in blue ray


றிபாஸ்
சிங்கப்பூரில் இருந்து....

மேலும் வாசிக்க

மாற்றான் - புதிய ட்ரெய்லர் : அஜித், விஜய் ரசிகர்களையும் விட்டுவைக்கவில்லை

சூர்யாவின் மாற்றான் படத்தின் 3ஆவது ட்ரெய்லர் நேற்று வெளியிடப்பட்டது. இந்த ட்ரெய்லரில் புதிய காட்சிகள் பல இணைக்கப்பட்டுள்ளது.

குறிப்பாக இந்த ட்ரெய்லரில் இடம்பெற்றுள்ள அஜித், விஜய் ரசிகர்களாக அகிலனும் விமலனும் வருவது அனைத்து ரசிகர்களிடையேயும் சமூகவலைத்தளங்களில் பெரும் வரவேற்பை பெற்றுள்ளது.

ஒக்டோபர் 12இல் வெளிவர இருக்கும் மாற்றான் திரையரங்குகள் அனைத்தும் அஜித், விஜய் மற்றும் சூர்யாக ரசிகர்களால் அதிரும் போல தெரியுதே.

மாற்றான் காய்ச்சலை அஜித், விஜய் ரசிகர்ளையும் விட்டுவைக்காது துரத்த ஆரம்பித்திருக்கும் அந்த ட்ரெய்லர் இதோ உங்களுக்காக...

மேலும் வாசிக்க

முடிவுக்கு வந்தது துப்பாக்கி வழக்கு

விஜயின் துப்பாக்கி தலைப்பு மீதான தடையை நீக்கியது நீதிமன்றம். துப்பாக்கி படத்தின் தலைப்பு மீது வழக்குத் தொடர்ந்த கள்ளத்துப்பாக்கி படக்குழுவினர் இன்று அவ்வழக்கினை மீளப்பெற்றுள்ளமையே இவ்வழக்கு முடிவுக்கு வரக் காரணமாக அமைந்துள்ளமை குறிப்பிடத்தக்கது.

துப்பாக்கி படக்குழுவினருக்கு மிக நீண்ட நாட்களாக தலையிடி கொடுத்துவந்த இவ்வழக்கு முடிவுக்கு வந்தது விஜயின் ரசிகர்கள் மற்றும் துப்பாக்கி படக்குழுவினருக்கு பெரும் ஆறுதலளித்துள்ளதை சமூகவலைத்தளங்களினூடாக காணக்கூடியதாக உள்ளது.

மேலும் ஏற்கனவே திட்டமிட்டது போல் தீபாவளிக்கு துப்பாக்கியினை வெடிக்கவைக்க படக்குழுவினர் அனைத்து ஏற்பாடுகளையும் முன்னெடுக்க ஆரம்பித்துள்ளதாக தெரிவிக்கப்படுகிறது.

அத்துடன் படத்தின் இயக்குனர் ஏ.ஆர். முருகதாஸ் ஒக்டோபர் 10ஆம் திகதி படத்தின் ட்ரெய்லர், பாடல் மற்றும் படம் வெளியீடு குறித்து தகவல்களை வெளியிட பத்திரிகையாளர்கள் சந்திப்பொன்றுக்கும் ஏற்பாடு செய்துள்ளார்.

இனி என்ன நீதிமன்றமே சொல்லிடிச்சே... கள்ளத்துப்பாக்கி இல்லை இது நல்ல துப்பாக்கிதான்னு... தீபாவளிக்கு சத்தமா வெடிச்சா சரிதான!

மேலும் வாசிக்க

தொழில்நுட்ப உலகின் சரித்திர நாயகன் ஸ்டீவ் ஜொப்ஸ்

வாழும் போதே இறப்பவர் பலர் இறந்த பின்னர் பெயரை நிலைநாட்ட உழைப்பவர் சிலர் இறந்த பின்னும் வாழ்பவர்கள் மிகச் சிலர் அவ்வாறு இறந்தும் இறவாமல் வாழ்பவர்களில் தொழில்நுட்ப உலகில்மறக்க முடியாத மறக்கப்படக்கூடாத நாமமாய் என்றும் ஜொலிப்பவர் அப்பிளின் தந்தை 'ஸ்டீவ் ஜொப்ஸ்'.

வித்தியாசமான சிந்தனையாளன் எப்போதும் வித்தியாசமாகவே உலகை தன்வசப்படுத்துவான் என்பதற்கு ஸ்டீவ் ஜொப்ஸ் சிறந்த உதாரணமாக வாழ்ந்தார். இதனாலேயே இறந்த பின்னும் வாழ்வோர் வரிசையில் இடம் பிடித்ததார் என்றால் அது அவருக்கு மட்டுமல்ல அந்த வரிசைக்கும் பெருமைதான்.

தொழில் நுட்ப உலகில் தனக்கென தனி முத்திரை படைத்த அப்பிள் நிறுவனத்தின் இணை ஸ்தாபகரும் தலைமை நிறைவேற்று அதிகாரியுமான ஸ்டீவ் ஜொப்ஸ் புற்றுநோயினால் பீடிக்கப்பட்டு கடந்த வருடம் 2011இல் ஒக்டோபர் 5ஆம் திகதி இவ்வுலகைவிட்டுப் பிரிந்தார். அன்னாரின் மறைவு தொழில்நுட்ப உலகிற்கு என்றும் மீள் நிரப்ப முடியாத இழப்பு என்பதனை அவரது படைப்புக்கள் இன்றுவரை பறைசாற்றி நிற்கின்றது.

ஸ்டீவ் ஜொப்ஸ் உடலளவில் இவ்வுலகை விட்டு மறைந்தாலும் அவரின் தொழில் நுட்பங்களினூடாக எம்முடன் வாழ ஆரம்பித்து இன்றுடன் ஒருவருடம் பூர்த்தியாகின்றது என்பதே நிஜம். 


மறைந்த பின்னும் மறக்காமல் இன்றும் நினைக்கத் தோன்றும் அப்பிளின் தந்தை என வர்ணிக்கப்படும் ஸ்டீவ் ஜொப்ஸ் கடந்து வந்த பாதை மலர்கள் நிறைந்தவை அல்ல மாறாக முட்கள் நிறைந்த பாதைதான். முட்களை மலர்களாக மாற்றும் மந்திரம் ஸ்டீவ் ஜொப்ஸிடம் கொட்டிக் கிடந்ததாலே இன்று அவர் இந்த உச்சத்தை அடைந்துள்ளார்.

இத்தனை உயரிய இடத்தை தக்க வைக்க அவர் கடந்து வந்த 'Be Crazy Be Hungry' என்ற வெற்றிப் பாதையை நாமும் அறிந்துகொள்வோம். திருமணமாகாத சோ ஆன் சீப்லே மற்றும் அப்துல் வட்டா சண்டாலி என்ற இரண்டு பல்கலைக்கழக மாணவர்களால் பெப்ரவரி மாதம் 25ஆம் திகதி 1955ஆம் இம்மண்ணில் சாதனைகளை நிகழ்த்த சென் பிரான்ஸிஸ்கோவில் பிறந்திருந்தாலும் கலிபோரினியாவில் இருந்த இரண்டு தொழிலாளக் குடும்ப இணையர் போல் ஜொப்ஸ், கிளாரா ஜொப்ஸ் என்பவர்களே தத்து எடுத்து ஸ்டீவ் ஜொப்ஸினை ஆளாக்கினர்.

பள்ளிப்படிப்பை நிறைவு செய்துவிட்டு பட்டப்படிப்பினை மேற்கொள்ளவென கல்லூரியில் இணைந்தார் வறுமையினால் அவருக்கு அப்பட்டப்படிப்பினை ஒரு தவணைக்கு (Semester) மேல் கல்வி கற்கமுடியாமல் போய்விட்டது. பாடசாலையை பூர்த்தி செய்யாத தோமஸ் அல்வா சாதிக்கையில் நான் சாதிக்க என்ன என்ற எண்ணமோ தெரியவில்லை. ஸ்டீவ் ஜொப்ஸ் வறுமையிலும் எதற்கும் கதிகலங்கவில்லை.

உணவுக்காக அவரது நண்பர்களின் அறைகளில் கிடைக்கும் போத்தல்களை சேகரித்து விற்று காசாக்கினார். மேலும் வாராந்தம் கோயில்களில் கிடைக்கும் இலவச உணவின் மூலம் பசியாறினார்.

இவ்வாறு வாழ்க்கையில் பயணித்துக்கொண்டிருக்கையில் அற்றரிக் எனும் நிறுவனத்தில் ஒரு டெக்னீசியனாக இணைந்தார். இந்த சந்தர்ப்பத்திலேயே கல்லூரி நண்பருடன் இந்தியா செல்லும் வாய்ப்பு கிடைத்தது. இந்த பயணத்தின் போதே ஜொப்ஸ் நீம் கரோலி பாபவின் போதனைகளினால் புத்த மதத்தின் பால் ஈர்க்கப்பட்டார்.

இப்பயணித்தின் பின்னர் தாயகம் திரும்பிய ஸ்டீவ் ஜொப்ஸ், தற்போதைய தொழில்நுட்ப உலகின் முன்னணி நிறுவனமான அப்பிள் நிறுவனத்தினை இசுட்டீவ் வோசினியாக் மார்க் மார்குலா ஆகியோருடன் இணைந்து சாதாரண கராஜ் ஒன்றினுள் ஆரம்பித்தார். இதன் பின்னரே ஸ்டீவ் ஜொப்ஸின் வெற்றிப் பயணம் ஆரம்பமானது. 1976ஆம் ஆண்டில் தனது முதலாவது கண்டுபிடிப்பான த அப்பிள் 1 கணனியினை 666.66 அமெரிக்க டொலருக்கு சந்தைக்கு அறிமுகப்படுத்தினார்.

தொடர்ந்து வெற்றிமுகத்தில் இருந்த அப்பிள் நிறுவனத்தினை 1977ஆம் ஆண்டு கூட்டு நிறுவனமாக மாற்றி அப்பிள் 2 கணனியினையும் சந்தைக்குக் கொண்டுவந்தார். தொடர்ந்து அப்பிள் நிறுவனம் வணிக ரீதியாக சந்தையில் தனக்ககென ஒரு இடத்தினை தக்கவைத்துக்கொண்டது. இதனால் 1980ஆம் முதல் முறையாக தனது பங்குகளை விற்பனை செய்ய ஆரம்பித்தது. இந்த அறிமுக விற்பனையின் போதே 110 மில்லியன் அமெரிக்க டொலிரினை திரட்டி அனைவரினது கவனத்தினை தன் பக்கம் ஈர்க்கச் செய்தது. இதற்கெல்லாம் முதுகெலும்பாக ஸ்டீவ் ஜொப்ஸின் கண்டுபிடிப்புக்களே காரணமாக இருந்தது.

இல்லாததை உருவாக்குபவனே சிறந்த சாதனையாளன் அவ்வாறான சாதனையாளனான ஸ்டீவ் ஜொப்ஸின் அயராத உழைப்பினால் அப்பிள் நிறுவனத்தின் வருமானத்தினை பலமடங்காக அதிகரித்து அப்பிளின் வளர்ச்சிக்கு பெரிதும் துணை நின்றார். 1983ஆம் ஆண்டு தனது அடுத்த படைப்பான லிசா கணனியினையும் சந்தையில் தவழவிட்டார்.

தொடர்ந்து 1984 ஆம் ஆண்டு அச்சுக்கலையினை (Typography) பயன்படுத்தி உருவாக்கிய அவரது வெற்றிகரமான படைப்புக்களில் ஒன்றான அப்பிள் மெக்கின்டோஸ் கணனியினை உலகிற்கு அறிமுகம் செய்து தொழில்நுட்ப உலகில் ஆச்சரிக்குறியாக மாறினார். இந்த படைப்பு வெளியாகி அடுத்த வருடம் அப்போதைய நிறைவேற்று அதிகாரி ஸ்கூலியுடனான கருத்து வெறுபாட்டினால் ஜொப்ஸுடன் அவரது நண்பரான வோசினியாக்கும் அப்பிள் நிறுவனத்திலிருந்து தமது பதவிகளை துறந்தனர்.

சொந்த நிலத்திலிருந்து துரத்தியடிக்கப்படும் போது ஏற்படும் வலியானது சொல்லிடங்காத் துயரினை தரும். அவ்வாறானதொரு நிலையிலும் சற்றும் மனம் தளாராது மீண்டும் தனது வாழ்கையில் புது அத்தியாயத்தினை ஆரம்பித்தார். 1986ஆம் ஆண்டு தற்போதைய பிக்ஸர் கிராபிக்ஸ் நிறுவனத்தினை கொள்வனவு செய்தார். இக்காலப்பகுதியிலேயே ஜொப்ஸ் நெக்ஸ்ட் நிறுவனத்தினை தோற்றுவித்து உயர்ரக கணனிகளை பல்கலைக்கழகங்களுக்காக கண்டுபிடித்து தனது சேவையினை விரிவுபடுத்த ஆரம்பித்தார். 1989ஆம் ஆண்டில் தனது முதலாவது நெக்ஸ்ட் கணனியினை 6500 அமெரிக்க டொலருக்கு சந்தைக்கு அறிமுகம் செய்தார்.

இவ்வாறு பீனிக்ஸ் பறவை போல பிரம்மாண்டமாக மீண்டெழுந்தார் ஜொப்ஸ். அதே ஆண்டு இறைவன் அவருக்கு கொடுத்த வரம் தனது காதலியான லொரன் பவலை அவரது சட்டப்படி மனைவியாக்கினார். திருமணத்திற்கு முன்னரே இவர்கள் இருவருக்கும் குழந்தை இருந்தது. 4 குழந்தைகள் மனைவி என மண வாழ்க்கையும் அவருக்கு சிறப்பாகவே இருந்தது.

இது இவ்வாறிருக்க 1995ஆம் ஆண்டு ஜொப்ஸ் கொள்வனவு செய்த கிராபிக்ஸ் நிறுவனத்தினை டிஸ்னி நிறுவனத்துடன் இணைத்து முப்பரிமாண கார்ட்டுன்களை தாயாரிக்க ஆரம்பித்தார். இதில் வெளியிடப்பட்ட கார்ட்டுன்கள் வசூலில் பெரிய சாதனைகள் படைத்தது. இதனால் ஜொப்ஸ் பெரிய வருமானம் ஈட்டினார். பின்னாளில் டிஸ்னி நிறுவனத்துடன் ஒப்பந்தம் முடிவுக்கு வந்த பிறகு பிக்ஸர் நிறுவனத்தினை டிஸ்னியே மொத்தமாக வாங்கிக்கொண்டது. அப்போது டிஸ்னியின் அதிகூடிய தனிநபர் பங்குதாரராக ஜொப்ஸ் விளங்கினார்.

1996ஆம் அப்பிள் நிறுவனம் நெக்ஸ் கணனியின் இயங்குதளத்தினை 430 மில்லியன் அமெரிக்க டொலருக்கு கொள்வனவு செய்யும் தனது திட்டத்தினை அறிவித்தது ஏனெனில் ஜொப்ஸின் நெக்ஸ்ட் கணனிகள் சந்தையில் நிலையான ஒரு இடத்தினை உருவாக்கி வருவதனை உணர்ந்திருந்தது காரணம் இதுவும் ஜொப்ஸின் படைப்பாயிற்றே.

பின்னர் மீண்டும் தனது தாய் வீடான அப்பிளிடமிருந்து வந்த அழைப்பினை ஏற்று இடைக்கால நிறைவேற்று அதிகாரியாக 1997ஆம் ஆண்டு முதல் மறுபடியும் தனது பணிகளை ஆரம்பித்தார் ஜொப்ஸ். இவரது அசாத்திய வெற்றிக் கண்டுபிடிப்புக்களால் 2000ஆம் ஆண்டு பிரதம நிறைவேற்று அதிகாரியாக உத்தியோகபூர்வமாக பதவி உயர்வு பெற்றார்.

2001ஆம் ஜொப்ஸ் தான் ஒரு தனி ரகமான சிந்தனையாளன் என்பதை நிரூபிக்கும் வகையில் ஐ பொட் மற்றும் அதற்கான மென்பொருளான ஐ டியூன்சையும் வெளியிட்டு மீண்டும் தன் பக்கம் உலகத்தை ஈர்த்துக்கொண்டார். இதன் பின்னரும் இவரின் தேடல் ஓய்ந்தபாடில்லை. இதனால் இவரது அடுத்த வெளியீட்டுக்கு உலகம் காத்திருந்தது, இந்நிலையில் 2004 ஆம் ஆண்டு காலப்பகுதியில இவருக்கு கணையப்புற்று நோய் இருப்பது கண்டுபிடிக்கப்பட்டு சத்திர சிகிச்கை மேற்கொள்ளப்பட்டது.

சத்திரசிகிச்சையின் பின்னர் 2007இல் அப்பிள் நிறுவனத்தினை கையடக்கத் தொலைபேசி உலகத்திற்குள் ஐ போனுடன் கொண்டு சென்றார். இது கையடக்கடத் தொலைபேசி வரலாற்றில் கவனிக்கத்தக்க படைப்பாக உருவானது. இதற்கான மோகம் இன்றைய நாட்களில் மிக அதிகம் இதற்கு முக்கிய காரணம் ஜொப்ஸ் என்பதில் மாற்றுக் கருத்துக்கு இடமே இல்லை.

பின்னர் ஐ போன் வளர்ச்சியில் கவனம் செலுத்த ஆரம்பித்தார். இதில் தற்போது அப்பிள் 4எஸ் எனும் வடிவமே இவரின் இறுதி படைப்பாக இருந்தது. இந்த ஐ போன் விவகாரத்தில் பெரிதும் புதுமைகளை புகுத்தி சாதனை பல படைக்கவென அவர் எடுத்த முயற்சிகளுக்கு அவரது உடல் நிலை ஒத்துழைக்கவில்லை.

இதனால் 2011ஆம் ஆண்டின் ஆரம்பப்பகுதியில் வைத்திய விடுமுறை எடுக்கப்போவதாக அறிவித்துவிட்டு சென்று ஓய்வெடுக்கும் வேளைகளில் கூட அவர் அவரது முயற்சிகளை கைவிட்டபாடில்லை. அப்பிளிற்காக ஏராளமான குறிப்புக்களை எழுதியதாக கூறப்படுகிறது. இருந்தும் அவரது உடல் நிலை புற்றுநோயால் மேலும் மோசமடைந்ததனால் தான் அப்பிள் நிறுவனத்தின் நிறைவேற்று அதிகாரி பதவியிலிருந்து விலகுவதாக உத்தியோகபூர்வமாக அறிவித்தார்.

இவ்வறிவித்தலின் பின்னர் சுமார் ஒரு மாத இடைவெளியில் ஜொப்ஸ் என்ற சரித்திரத்தின் இறுதிக் கட்டம் நெருங்கியது. 2011 ஆம் ஆண்டு ஓக்டோபர் மாதம் 05ஆம் திகதி தொழில் நுட்ப உலகை ஆட்டிவைத்தாலும் கணையப்புற்றுநோயின் ஆளுகையினால் தொழில்நுட்ப உலகினை கண்ணீரில் ஆழ்த்திவிட்டு சரித்திரமாக மாறினார் ஸ்டீவ் ஜொப்ஸ்.

இவ்வாறு அப்பிள் நிறுவனத்திற்காகவே வாழ்ந்து, பல்கலைக்கழகத்திற்கு செல்லாமல் தானே ஒரு பல்கலைக்கழகம் என நிரூபித்துக்காட்டிய அந்த மாமனிதருக்கு கிராபி சொப்ட் நிறுவனம் அவரை கௌரவிக்கும் வகையில் ஹங்கேரியின் தலைநகரான புடாபெஸ்டிலுள்ள கிராபி சொப்ட் சயன்ஸ் பார்க்கில் வெண்கலத்தினாலான 6.5 அடி உயரமான சிலை ஒன்று முதன் முதலாக 2011ஆம் டிசம்பர் மாதம் நிறுவப்பட்டது.

வாழ்கையில் வெற்றிபெற்றவர்களுக்கே சிலைகள் வைக்கையில் வாழ்கையையே வென்றவருக்கு சிலை வைத்ததில் ஆச்சரியம் ஒன்றுமில்லை என்றாலும் அப்பிளின் தந்தை என வர்ணிக்கப்படும் ஸ்டீவ் ஜொப்ஸிற்கு அப்பிள் நிறுவனம் செய்ய வேண்டிய மரியாதையினை கிராபி சொப்ட் முந்திங்கொண்டதில்தான் ஆச்சரியம்.

மேலும் மெடமே டுசாட்ஸ் (Madame Tussauds) என்ற நிறுவனம் ஸ்டீவ் ஜொப்ஸ் மறைந்து ஓராண்டு முடிவறும் இத்தருணத்தில் அவருடைய உருவத்தை 15 லட்சம் ஹொங்கோங் டொலர் செலவில் மெழுகில் வடித்திருக்கிறது.

ஆனாலும் ஜொப்ஸ் தன் வாழ்நாளில் பெரும் பகுதியை யாருக்காக ஒதுக்கினரோ அந்த அப்பிள் நிறுவனம் அவரை கௌரவப்படுத்த நினைக் மறந்தாலும் அவரை கொண்டு தங்களது உற்பத்திகளை சந்தைப்படுத்த மறக்கவில்லை எனப்பதாக அமைந்துள்ளது அண்மைய செயற்பாடுகள்.

காரணம் அப்பிள் 4எஸ் அல்ல 5எஸ் தான் ஜொப்ஸின் இறுதி படைப்பு என அப்பிள் 5எஸ் அமைப்பிற்கு ஜொப்ஸின் பெயரில் அப்பிள் நிறுவனம் விளம்பரம் தேடியதாகவும் குற்றச்சாட்டுட்டுகள் எழுந்தது. எனவே தொழில்நுட்பத்துடன் சஞ்சரித்து ஒரு வருடத்தினை முன்னிட்டாவது  ஜொப்ஸினை கௌரவிக்கும் வகையில் நடந்து, அப்பிள் தன் களங்கத்தினை துடைக்குமா என்பதே தற்போது அனைவரினதும் கேள்வியாக உள்ளது. எந்தவொரு மனிதனின் மகிமையும் அவனின் மறைவிற்கு பின்னரே தெரியும் என்பார்கள் ஆனால் ஜொப்ஸின் விடயத்தில் இது பொய்யாகிவிடும் போலிருக்கிறது. எனவே இனியாவது ஸ்டீவ் ஜொப்ஸ் என்ற சரித்திரத்தை மறக்காமல் கௌரவிக்குமா அப்பிள்!

மேலும் வாசிக்க

அலெக்ஸ் பாண்டியன் ட்ரெய்லர் வெளியீடு : ரஜினியுடன் மோதப்போகும் கார்த்தி

படப்பிடிப்பில் இருக்கும் கார்த்தியின் அலெக்ஸ் பாண்டியன் திரைப்படத்தின் டீசர் ட்ரெய்லர் நேற்று வெளியிடப்பட்டிருந்தது. படத்தின் டீசர் ட்ரெய்லர் அலெக்ஸ் பாண்டியன் திரைப்படம் பூரண மசாலா திரைப்படம் என்பதை நிச்சயப்படுத்துகின்றது.

தமிழ், தெலுங்கு மற்றும் மலையாளம் ஆகிய மூன்று மொழிகளிலும் வெளியிடப்படவுள்ள இப்படத்தின் தெலுங்குப் பதிப்புக்கு பேட் போய் எனப் பெயரிட்டுள்ளதோடு படத்தினை டிசம்பர் மாதம் 14ஆம் திகதி திரையிட படக்குழுவினர் திட்டமிட்டு மும்முரமாக செயற்பட்டுவருகின்றனர்.

ஆரம்பத்திலிருந்து தீபாவளி வெளியீடாக விஜயின் துப்பாக்கியுடன் மோதும் என எதிர்பார்க்கப்பட்ட அலெக்ஸ் பாண்டியன் தற்போது டிசம்பருக்கு தள்ளிப்போயுள்ளது. இதனால் கார்த்தி இம்முறை நேரடியாக ரஜியின் கோச்சடையானுடன் மோதுவதற்கு தயாராகிவிட்டார் காரணம் கோச்சடையான் ரஜினியின் பிறந்த நாளான 12.12.12 அன்று வெளியிடப்போவதாக ஏற்கனவே அறிவிக்கப்பட்டுள்ளது.

பல்லுப்போன பிறகு பக்கோடா சாப்பிட முடியாது எதுக்கும் பார்த்துக்கங்க கார்த்தி!

மேலும் வாசிக்க

இந்திய அணி மீது கொலைவெறி தாக்குதல்!

நடைபெற்றுவரும் 4ஆவது இருபதுக்கு 20 உலக்கிண்ணப் போட்டிகளின் சுப்பர் 8 போட்டிகளுடன் நேற்றுமுன்தினம் தொடரிலிருந்து வெளியேறியது இந்திய அணி.

இதனையடுத்து ரசிகர்கள் ஆத்திரமடைந்து இந்திய அணி வீரர்கள் மீது ரசிகர்கள் தாக்குதல் நடத்துவர் என ஏற்கனவே பரவலாக பேச்சுக்கள் வெளியாயின இருப்பினும் இம்முறை ரசிகர்கள் தங்களை மறந்து உணர்ச்சிவசப்பட்டு வீரர்களின் வீடுகளை தாக்கவோ வீரர்களை தாக்வோ இதுவரையில் முற்படவில்லை என்பதால் சாதரண கிரிக்கெட் ரசிகர்கள் அனைவரும் இதனை வரவேற்றதோடு மகிழ்ச்சியும் அடைந்துள்ளனர்.

ஆனால் எதிர்பாராத விதமாக இம்முறை புதிய முறையில் இந்திய அணிக்கு எதிரான தாக்குதல்களை கொலைவெறியாக ஆரம்பித்துள்ளனர் இந்திய அணி ரசிகர்கள் அல்லது ரசிகர்கள் போலி என்பது மட்டும் நிதர்சனம்.

காரணம் கடந்த 2 நாட்களாக சமூகவலைத்தளங்களில் இந்திய அணியின் ரசிகர்கள் மற்றும் தற்போது இந்திய அணியை எதிர்ப்பதற்காகவே இருக்கும் ரசிகர்கள் கூட்டம் என அனைவரும் இந்திய அணி வீரர்களை கிழி கிழி எனக் கிழித்துவருவதை நாம் காணலாம்.

குறிப்பாக இம்முறை இந்திய அணி விளையாடிய போட்டிகளில் இந்திய அணியை எதிர்த்தாடிய அணிகளுக்கே மைதானத்தில் ஆதரவு அதிகமாக இருந்தது உண்மையில் இவர்கள் ஏனைய அணிகளுக்கு ஆதரவு என்ற போர்வையில் உருவான இந்திய அணிக்கு எதிரான ஆதரவாளர்களே என்பதை இப்போது உணர்த்துகின்றது சமூகவலைத்தளங்கள்.

என்றுமில்லாவது இம்முறை இந்திய அணியை கேலி செய்து படங்கள் மற்றும் வசனங்கள் என வசைபாடுகின்றனர். இதில் ஆச்சரியம் இந்திய அணியின் ரசிகர்கள் கூட இதில் களமிறங்கியதுதான்.

ஒரு முறை கிண்ணத்தை கைப்பற்றலாம் ஒவ்வொரு முறையும் நடக்கிற காரியமா இதெல்லாம்... என்ன கொடுமை சார்! 

இனி என்ன செத்தாண்டா சேகர் என்ற பாணியில் ரசிகர்கள் வெறி ஆட்டத்தை சொல்லும் போதே கண்ணக்கட்டுதே செப்பா... அப்படின்னா பார்க்க உங்களுக்கு எப்படி கண்ணக்கட்டும்... 

அந்த கண்ணைக்கட்டும் கொலைவெறித் தாக்குதல்கள் இதோ...

   

மேலும் வாசிக்க

வெள்ளை மாளிகையையும் விட்டுவைக்காத ஹெக்கர்ஸ்

அண்மைக்காலமாக அரசாங்க ஸ்தாபனங்கள், வங்கிகள், வர்த்தக நிறுவனங்கள் என பல அமைப்புகளின் கணனிக் கட்டமைப்புகளை குறிவைத்து செயலிழக்கச் செய்யும் அல்லது திருடும் வழக்கம் ஹெக்கர்ஸ் மத்தியில் அதிகரித்துள்ளது.

மேலும் தனிப்பட்ட தேவைகளுக்காக மேற்கொள்ளப்படும் ஹெக்கிங் செயற்பாடுகளை விட அதிகளவில் நாடுகளுக்கிடையேயான ஹெக்கிங் தாக்குதல் அண்மைக்காலங்களில் அதிகரிப்பதை காணக்கூடியதாகவுள்ளது.

ஈரான் மீது இஸ்ரேல் மற்றும் அமெரிக்கா நடத்திய ஹெக்கிங் தாக்குதல்கள், மத்தியகிழக்கில் உள்ள சில நாடுகளின் வங்கிகள் மீது ஈரான் நடத்தியதாகக் கூறப்பட்ட தாக்குதல்கள் என பல சம்பவங்கள் நடந்தேறியுள்ளமை குறிப்பிடத்தக்கது.

இதுதொடர்பில் கூகுள் நிறுவனம் எச்சரிக்கை விடுக்கையில், நாடொன்றின் அனுசரணையுடன் (state-sponsored hacking) இன்னொரு நாட்டின் மீதோ அல்லது தனிப்பட்ட நபர்களின் மின்னஞ்சல் கணக்கினை குறிவைத்தோ நடத்தப்படும் தாக்குதல்கள் அதிகரித்துள்ளது.

மேலும் குறிப்பாக சீனாவில் தனிப்பட்ட நபர்களின் மின்னஞ்சல் கணக்குகளின் மீதான ஹெக்கிங் தாக்குதல்கள் அதிகரித்துள்ளதாக கூகுள் சுட்டிக்காட்டியிருந்தது.

இவை அனைத்தும் உலகநாடுகள் சைபர் யுத்தத்தினை (Cyber war fare) நோக்கி நகர்வதினையே சுட்டிக்காட்டுகின்றது.

இந்நிலையில் அமெரிக்காவின் வெள்ளை மாளிகைக் கணனிகள் ஹெக் செய்யப்பட்டுள்ளதாகத் தகவல்கள் வெளியாகியுள்ளன.

ஆனால் இதனை மறுத்துள்ள வெள்ளைமாளிகை அதிகாரிகள் கருத்துவெளியிடுகையில், குறிப்பிட்டதொரு வலையமைப்பினைக் குறிவைத்து ஸ்பெயா பிஸிங் (spear phishing) எனும் முறைமூலம் ஹெக்கிங் முயற்சி மேற்கொள்ளப்பட்டது. ஆனால் அம்முயற்சி முறியடிக்கப்பட்டுவிட்டது.

மேலும் இம்முயற்சியின்போது எந்தவிதமான முக்கிய இரகசியங்களும் திருடப்படவில்லையெனவும் அதிகாரிகள் குறிப்பிட்டுள்ளனர்.

White computers has been hacked?

மேலும் வாசிக்க

அம்மாவின் கைப்பேசி : ட்ரெய்லர்

தங்கர் பச்சான் இயக்கி நடிக்கும் அம்மாவின் கைப்பேசி திரைப்படத்தின் அதிகாரபூர்வ ட்ரெய்லர் இன்று வெளியிடப்பட்டுள்ளது.

வழக்கமான தங்கர் பச்சானின் படங்களிலிருந்து சற்று வித்தியாசமாக தெரிகிறது இந்த அம்மாவின் கைப்பேசி. ஆனாலும் தங்கர் பச்சானின் டச் விட்டுப்போகாததை பல காட்சிகள் சாட்சியாகின்றது.

மேலும் படத்தில் சாந்தனு மற்றும் இனியா ஆகியோரும் நடித்துள்ளனர். இப்படத்தின் ட்ரெய்லர் இதோ உங்களுக்காக...

மேலும் வாசிக்க

புதிதாக 1.5 மில்லியன் கடல்வாழ் உயிரினங்கள் கண்டுபிடிப்பு

அட்லாண்டிக், பசுபிக் மற்றும் இந்து சமுத்திரப் பகுதிகளில் ஆராய்ச்சியில் ஈடுபட்ட விஞ்ஞானிகள் குழுவொன்று புதிதாக சுமார் 1.5 மில்லியன்  கடல்வாழ் உயிரினங்களைக் கண்டுபிடித்துள்ளது.

பிரான்ஸ் நாட்டைச் சேர்ந்த விஞ்ஞானிகள் குழுவே மேற்படி புதிய கடல்வாழ் உயிரனங்களை கிட்டத்தட்ட 112,654 கிலோ மீற்றர்கள் வரை பயணம் செய்து ஆராய்ச்சிகளை மேற்கொண்டு இவ்வுயிரனங்களை கண்டுபிடித்து உலகிற்கு அறிமுகம் செய்து வைத்துள்ளனர்.

மேலும் வாசிக்க