பேஸ்புக்கை தாக்கும் புதிய வைரஸ் : எச்சரிக்கும் மைக்ரோசொப்ட்

பேஸ்புக்கை தாக்கும் புதிய வகை ட்ரொஜன் ஹோர்ஸ் வைரஸ் ஒன்று பரவ ஆரம்பித்துள்ளதால் கவனமாக பேஸ்புக்கை பயன்படுத்துமாறு மைக்ரோசொப்ட் எச்சரித்துள்ளது.


'Trojan:JS/Febipos' எனப் பெயரிடப்பட்டுள்ள இந்த வைரஸ் தன்னியக்கமாக Like, Comment மற்றும் Share செய்து குழப்பங்களை ஏற்படுத்துகின்றது.

தற்போது பிரேஸில் மொழியில் பிரேசில் நாட்டில் அதிகளவில் வியாபித்துள்ள இந்த வைரஸ் ஐரோப்பா நாடுகளுக்கும் விரைவில் ஆங்கில மொழியிலும் பரவுவதற்கு வாய்ப்புள்ளதாக தெரிவிக்கப்படுகின்றது.

Firefox, Chrom போன்ற இணைய உலாவிகளின் Plug-ins என்ற போர்வையிலேயே இந்த வைரஸ் பரவுவதாகவும் குறித்த வைரஸ் தாக்கிய கணனியின் மூலம் அது தொடர்பான ஆய்வுகளை மேற்கொள்ளுவதாகவும் தெரிவித்துள்ள மைக்ரோசொப்ட் நிறுவனம் அதிலிருந்து ஓரளவு தப்பிக்கவும் சில வழிகளைக் கூறியுள்ளது.

அதாவது தரவேற்றம் செய்யக் கூறி புதிதாக Firefox, Chrom ஊடாக வரும் Plug-insகளை தவிர்த்தல் மேலும் பேஸ்புக்கினைப் பயன்படுத்திவிட்டு முறைப்படி அதிலிருந்து வெளியேறுவதையும் உறுதிப்படுத்திக்கொள்ள வேண்டும் எனவும் மைக்ரோசொப்ட் எச்சரித்துள்ளது.

இதேவேளை இந்த வைரஸ் விரைவில் பிரேஸில் தவிர்ந்த ஏனைய நாடுகளுக்கும் பல மொழிகளில் பரவலடையும் வாய்ப்புகள் அதிகளவில் உள்ளதாக கூறப்படுகின்றது.

By : AM. Rizath / Metronews

மேலும் வாசிக்க

15 வயது வரை ஆணாக வாழ்ந்தபின் அழகுராணிப் போட்டியின் இறுதிச்சுற்றுக்கு தெரிவானவர்

பிரிட்­டனின் “பேஸ் ஒவ் சன்­டர்லேண்ட்” அழ­கு­ராணி போட்­டியின் இறுதிச் சுற்­றுக்கு தெரிவு செய்­யப்­பட்­ட­வர்­களில் ஒருவர் பமி ரோஸ். 20 வய­தான பமி ரோஸ், ஆணாக பிறந்­தவர். 15 வயது வரை சிறு­வ­னா­கவே வாழ்ந்தார் என்­பது ஆச்­ச­ரி­ய­மா­னது.

ஆயி­ரத்­துக்கு மேற்­பட்­பட்ட யுவ­திகள் பங்­கு­பற்­றிய அழ­கு­ராணி போட்­டியில் இறு­திச்­சுற்­றுக்கு தெரி­வான பின்­னர்தான் நேர்­கா­ண­லின்­போது தனது வர­லாற்றை தெரி­வித்தார் பமி.

ஆணாக பிறந்த பமி ரோஸுக்கு பெற்றோர் சூட்­டிய பெயர் போல் விட்டன். ஆணாக பிறந்­த­போ­திலும் தான் பெண் தன்­மை­யுடன் இருப்­பதை  அவர் உணர்ந்தார்.

அவர் நான்கு வய­தா­ன­வ­ராக இருந்­த­போதே தனது உடல் தனக்கு பிடிக்­க­வில்லை என தனது தாயான ஜூலி­யிடம் கூறி­னாராம்.

15 வய­து­வரை அவர் சிறுவன் போன்றே வாழ்ந்தார். எனினும் தான் பெண்­ணாக வாழ்­வது என அவர் தீர்­ம­னித்தார். தலை­ம­யிரை நீள­மாக வளர்க்க ஆரம்­பித்தார். பெண்­க­ளுக்­கான ஆடை­க­ளையே அணிய ஆரம்­பித்த அவர் மேக் அப் செய்­து­கொண்டார்.

அவர் மாண­வி­களைப் போன்று ஆடை­ய­ணிந்து பாட­சா­லைக்கு செல்ல ஆரம்­பித்­த­வுடன் பலர் கேலி செய்­தனர். பாட­சா­லையில் மாண­விகள் குழு­வு­ட­னேயே அவர் சேர்ந்­தி­ருந்தார். தனது நண்­பிகள் தனக்கு ஆத­ர­வ­ளித்­தாலும் தன்னை முழு­மை­யாக யாரும் புரிந்­து­கொள்­ள­வில்லை என்­கிறார் பமி.

பின்னர் முழு­மை­யான பெண்­ணாக மாறு­வ­தற்­காக சத்­தி­ர­சி­கிச்சை செய்­து­கொள்ள அவர் தீர்­மா­னத்தார். குரல் மாற்­றத்­திற்­கா­கவும் மீசை வளர்­வதை தடுப்­ப­தற்­கா­கவும் மார்­பக வளர்ச்­சிக்­கா­கவும் அவரின் உடலில் ஹோர்­மோன்கள் செலுத்­தப்­பட்­டன.

19 வய­தா­ன­போது, போல் விட்டன் எனும் தனது பெயரை பமி ரோஸ் என அவர் மாற்­றிக்­கொண்டார். அவர் நடிகை பமேலா அண்­டர்சன் போல் இருப்­ப­தாக அவரின் நண்­பி­யொ­ருவர் கூறி­ய­தை­ய­டுத்து பமி எனும் பெயரை தெரி­வு­செய்­தாராம்..

எனினும் பலரும் தன்னை பெண்­ணாக ஏற்­கொள்­கி­றார்­களா என்­பது அவ­ருக்கு சந்­தேகம் இருந்­தது. அதனால் அழ­கு­ராணி போட்­டியில் பங்­கு­பற்றத் தீர்­மா­னித்த அவர் பேஸ் ஒவ் சந்­தர்லண்ட் அழ­ராணி போட்­டிக்கு விண்­ணப்­பித்தார்.

இப்­போட்­டியில் எவ்­வ­ளவு தூரம் தன்னால் முன்­னேற முடியும் என்று அறி­வ­தற்கு விரும்­பிய பமி ரோஸ் தான் ஆணாக இருந்து பெண்­ணாக மாறி­யதை நடு­வர்­க­ளுக்கு ஆரம்­பத்­தி­லேயே தெரி­விக்­க­வில்லை.

6 பேர் கொண்ட இறு­திச்­சுற்­றுக்கு தெரி­வான பின்னர் அவர் தனது வர­லாற்றை கூறி­ய­போது நடு­வர்கள் பெரும் ஆச்­ச­ரி­ய­ம­டைந்­தனர்.

அழ­கு­ராணி போட்­டியில் பமி ரோஸ் முடி­சூ­டப்­ப­ட­வில்லை. எனினும் இறு­திச்­சுற்­று­வரை முன்­னே­றி­ய­மையே தனக்கு கிடைத்த பெரும் வெற்­றி­யா­கவும் அங்­கீ­கா­ர­மா­கவும் கரு­வ­தாக அவர் கூறு­கிறார்.

“இப்­போட்­டியின் முதல் சுற்றில் போட்­டி­யா­ளர்­களின் புகைப்­ப­டத்­துக்கு எத்­தனை “லைக்” கிடைக்­கி­றது என்­ப­தி­லே­லேயே வெற்றி தங்­கி­யுள்­ளது.

உண்­மையில் அழ­கான பல யுவ­திகள் இதில் பங்­கு­பற்­றினர். எனக்கு முதல் நாளி­லேயே 300 லைக் கிடைத்­தது. அது அன்­றைய தினத்தில் போட்­டி­யா­ளர்கள் பெற்ற அதி­க­பட்ச புள்­ளி­களில் அதுவும் ஒன்­றாகும்.

நடு­வர்­க­ளிடம் நான் ஆணாகப் பிறந்த உண்­மையை கூறி­ய­போது அவர்கள் பெரும் அதிர்ச்­சி­ய­டைந்­தனர். பெண்­ணாக நான் தோற்­ற­ம­ளிப்­பதால் அவர்கள் அதை எதிர்­பார்க்­கவே இல்லை. எனினும் அவர்கள் மிக நட்­பு­ணர்­வுடன் என்னை தொடர்ந்து போட்­டியில் பங்­கு­பற்ற ஊக்­கு­வித்­தனர்” என்­கிறார் பமி ரோஸ்.

எவ்­வா­றெ­னினும், ஆணாக பிறந்து பின்னர் அழ­கு­ராணி போட்­டியில் பங்­கு­பற்­றிய முதல் நபர் பமி ரோஸ் அல்லர். கடந்த வருடம் மிஸ் இங்­கி­லாந்து அழ­கு­ராணிப் போட்­டியின் அரை­யி­றுதிச் சுற்­றுக்கு தெரி­வான ஜெக்கி கிறினும் ஆணாக பிறந்­தவர்.

கடந்த வருடம் மிஸ் யூனிவர்ஸ் கனடா போட்­டியில் பங்­கு­பற்­றிய ஜென்னா தல­கோவா பெண்­ணாக பிறந்தவர் என்பது கண்டு பிடிக்கப் பட்டபின் போட்டியிலி ருந்து விலக்கப்பட்டார். இவ்விடயம் சர்ச்சையை ஏற்படுத்திய நிலையில் பின்னர் விதிமுறைகளில் மாற்றம் செய்யப்பட்டு அவர் போட்டியில் சேர்த்துக் கொள்ளப் பட்டார்.

அப் போட்டியில் ஜென்னா அரையிறுதி வரை முன்னேறியிருந்தார். ஆனால் பமி ரோஸ் இறுதிச்சுற்றுவரை முன்னேறியுள்ளமை குறிப்பிடத்தக்கது.

மேலும் வாசிக்க

செவ்வாய் கிரகத்தில் பல்லி : நாசாவுக்கு தெரியாதது ஜப்பானியருக்கு தெரிந்தது எப்படி?

செவ்வாய் கிரகத்திலிருந்து கியூரியோசிட்டி அனுப்பிய புகைப்படத்தில் பல்லி வகையைச் சேர்ந்த ஒரு உயிர் காணப்படுவதாக ஜப்பான் நாட்டைச் சேர்ந்த நபரொருவர் படமொன்றினை வெளியிட்டு பரபரப்பினை ஏற்படுத்தியுள்ளார்.

நீண்டகாலமாகவே செவ்வாய் கிரகத்தில் உயிரனங்கள் வாழ முடியுமா? என பல்வேறு நாடுகளைச் சேர்ந்த விஞ்ஞானிகள் ஆராய்ச்சி செய்து வருகின்றனர்.

இதில் நாசா அனுப்பிய கியூரியோசிட்டி விண்கலத்தின் பங்கு முக்கியமாக அமைந்துள்ளது. ஏற்கனவே ஆறொன்று ஓடிமைக்கான ஆதாரங்களை அனுப்பி வைத்தது கியூரியோசிட்டி விண்கலம். இந்நிலையில் கடந்த மார்ச் மாதம் கியூரியோசிட்டி விண்கலம் அனுப்பிய புகைப்படங்களை அண்மையில் நாசா வெளியிட்டது.

இந்நிலையில் அப்படத்தில் முதலையை ஒத்த ஒரு பல்லி வகை  தென்படுவதாக ஜப்பானைச் சேர்ந்த பெயர் வெளியிடாத ஒருவர் தகவல் வெளியிட்டுள்ளார்.

ஆனால் இப்படத்தினை ஏற்கமுடியாது. இருப்பினும் உயிரினங்கள் செவ்வாயில் வாழ முடியுமா? என தொடர்ந்தும் ஆராய்ச்சிகள் நடைபெறும் என நாசா தெரிவித்துள்ளது.

ஏற்கனவே செவ்வாய் கிரகத்தில் எடுக்கப்பட்ட படத்தில் பெண் சிலை இருப்பதாக ஒரு போலியான படம் வெளியாகியிருந்தது குறிப்பிடத்தக்கது.

By AM.Rizath | Metronews

மேலும் வாசிக்க

இது சைவ முட்டை : அமெரிக்காவில் தாவரங்களிலிருந்து முட்டை தயாரிப்பு

அமெரிக்க உணவு நிறுவனம் கோழி முட்டைக்கு பதிலாக தாவரங்களிலிருந்து முட்டை தயாரித்து வருகிறது.

சைவ உணவு சாப்பிடுபவர்களுக்கு மகிழ்ச்சி அளிக்கும் வகையில், அமெரிக்காவின் சான் பிரான்சிஸ்கோ நகரில் உள்ள, "ஹாம்டன் க்ரீக் புட்ஸ்' நிறுவனம், பல்வேறு தாவரங்களிலிருந்து எடுக்கப்பட்ட பொருட்களின் உதவியுடன் முட்டை தயாரித்து வருகிறது.

இது குறித்து இந்நிறுவனத்தின் தலைவர்  கூறியதாவது: முட்டை மற்றும் இறைச்சிக்கு மாற்று பொருளை மக்கள் எதிர்பார்த்து காத்திருக்கின்றனர்.

எண்ணெய் மற்றும் தண்ணீர் கலப்பு பெற்ற பொருள் முட்டையில் உள்ளது. தாவரங்களில் இதே போன்ற பொருளை கண்டெடுத்து அதைப் பவுடராக்கி, அதிலிருந்து முட்டை தயாரிக்கும் முயற்சியில் ஈடுபட்டுள்ளோம்.

தூள் வடிவில் நாங்கள் தயாரித்துள்ள முட்டை சில பேக்கரிகளில் முட்டைக்கு பதிலாக பயன்படுத்தப்படுகிறது.

மேலும் வாசிக்க

வர்த்தக மயமாகியுள்ள கிரிக்கெட்டில் மலிந்து வரும் ஊழல்

22 வீரர்கள் குறித்த சில விதிகளுக்கு உட்பட்டு எல்லைக்கோடு, பந்து, விக்கெட், துடுப்பு மட்டை போன்றவற்றைக்கொண்டு  திறமைகளை வெளிப்படுத்தி  விளையாடி,11 பேர் வெற்றிபெற பல்லாயிரம் பேர் திருப்தியுடன் மகிழ்வுறும் கிரிக்கெட்,  சில காலத்திற்கு முன்பு வரையில் கனவான்களின் விளையாட்டாக விளையாடப்பட்டது.

சில காலத்திற்கு முன்பு வரையிலா, இப்போதும் கிரிக்கெட் எனும் விளையாட்டு விளையாடப்படுகிறதுதானே என்று கேட்டால்  ஏமாற்றம் மட்டுமே எமக்கு பதிலாய் அமையும்.

உண்மையில் கிரிக்கெட் என்ற விளையாட்டு, வர்த்தக மயமாக மாறி பல காலமாகிவிட்டது. ஆனால் அந்த கொடுமையை பேசி முடிப்பதற்குள் சூதாக மாறிவிட்டமையே கிரிக்கெட்டை விளையாட்டாகவும் புரிந்துகொண்ட ரசிகர்களுக்கு வருத்தத்தை அளிக்கிறது.

டெஸ்ட், ஒரு நாள் போட்டி, இருபதுக்கு20, ஐ. பி.எல் என அமைய வேண்டிய கிரிக்கெட்டின் தரம் அப்படியே தலை கீழாக இன்று மாறியுள்ளது. அத்தனைக்கும் காரணம் பணம் என்ற ஒரு விடயம் மட்டுமே.

உலகின் சனத்தொகை அதிகமான பகுதியான ஆசியாவிலேயே கிரிக்கெட் விளையாட்டு சொர்க்கமாகவும் அதில் பங்குபெறும் வீரர்கள் கடவுளாக மாற்றம் பெற்றனர்.

இதனை நன்கு உணர்ந்துகொண்ட வர்த்தக நிறுவனங்கள் மெதுவாக கிரிக்கெட்டினுள் நுழைந்தன. ரசிகர்களின் கிரிக்கெட்டின் கடவுள்களையும் நாயகர்களையும் கொண்டு விளம்பரங்களை த் தயாரித்தன.

மக்கள் அன்றாடம் விழித்தது முதல் உறங்கும் வரையில் பயன்படுத்தும் அனைத்துப் பொருட்களையும் கிரிக்கெட்டும் அது சார்ந்த வர்த்தக நிறுவனங்களுமே தீர்மானித்ததன.

இதற்காக ஏற்கனவே எம்முள் தூங்கியும் விழித்தும் இருக்கும் இனத் துவேசத்தையும் பிரதேச வாதத்தையும் தூண்டிவிட்டார்கள். விளைவு அரசியலிலும் தாக்கம் செலுத்தும் அளவிற்கு போனது நிலைமை. இந்தியா, பாகிஸ்தான் கிரிக்கெட் போட்டிகள் எல்லைகளில் நடைபெறும் போர்களாக பார்க்கப்பட்டது. அதன் வெற்றி போரின் வெற்றியாக ரசிகர்களிடத்தில் கொண்டாடப்பட்டது.

அதுபோலவே இலங்கை , இந்தியா இடையிலான கிரிக்கெட் போட்டிகளும் அரசியல் பழிவாங்கல்களாகவும் ஈழத்தமிழர்களுக்கான தீர்வாகவும் ரசிகர்கள் பார்க்கத் தொடங்கினர். உண்மையில் இவற்றில் வெற்றியும் பெற்றார்கள். அப்பாவி ரசிகர்கள் அல்ல அடங்காத ஆசை கொண்ட வர்த்தகர்களும் கிரிக்கெட் வீரர்களுமே.

இதனால் எந்த நாட்டு கிரிக்கெட் சபை இலாபமடைந்ததோ இல்லையோ இந்திய கிரிக்கெட் கட்டுப்பாட்டுச் சபை மேலும் பணம் கொழிக்கும் சபையாக மாறியது. கூடவே கிரிக்கெட்டும் வர்தகமாக மாற ஆரம்பித்தது. இதனால் இந்திய கிரிக்கெட் சபையின் செல்வாக்கு சர்வதேச கிரிக்கெட் கட்டுப்பாட்டுச் சபையிலும் அதிகரித்தது.

இதற்கெல்லாம் காணிக்கையாக இந்திய, இலங்கை, பாகிஸ்தான் மற்றும் பங்களதேஷ் உள்ளிட்ட நாடுகளிலுள்ள ரசிகர்களின் பொன்னான நேரமும் பணமும் பறிபோனது. இது தலையை தடவி கண்ணை பிடுங்கிய கதையானது.

இந்நிலையில் வெறிபிடித்த ரசிகர்களின் பணத்தை மேலும் கொள்ளையடிக்க வந்தது, இந்திய கிரிக்கெட் கட்டுப்பாட்டுச் சபையின் ஆதரவின்றி கபில்தேவினால் ஆரம்பிக்கப்பட்ட ஐ. சி.எல் (இன்டியன் கிரிக்கெட் லீக்) என்ற அமைப்பு. இதனை கிரிக்கெட் துரோமாக அறிவித்த இந்திய கிரிக்கெட் சபை, ஐ.சி.எல்.லைவிட பெரிய வியாபார யுக்தியுடன் ஆரம்பித்ததே இந்த ஐ.பி.எல்.

கொள்ளை இலாபம் ஈட்டுவதை மட்டும் இலக்காக கொண்டு இந்த அமைப்பை உருவாக்கிய லலித் மோடி, 2008ஆம் ஏப்ரல் மாதம் 18ஆம் திகதி போட்டிகளுடன் தனது திட்டங்களையும் செயற்படுத்த ஆரம்பித்தார்.

இதில் பிரதேச ரீதியான அணிகளை உருவாக்கியதில் ஒரே நாடென இணைந்திருந்த ரசிகர்கள் பிரதேச மற்றும் மொழி ரீதியாக மேலும் பிளவுபட்டதில் ஐ.பி.எல் என்ற வணிக சினிமா, இந்தியா தாண்டி தொடர்ச்சியாக வெற்றியை ருசித்தது.

விளைவு குறித்த செல்வந்தர்கள், தரகர்கள், மற்றும் வீரர்களால் கிரிக்கெட் ரசிகர்களின் பணங்களை அட்டையாக உறுஞ்சுவதற்கு வழிவகுக்கப்பட்டது.

போட்டியில் எவர் வெற்றி பெற்றாலும் தோல்வியடைந்தாலும் இவர்களுக்கு தோல்வியே இல்லை என்ற நிலைமை உருவானது.

இதனை மறைக்க கவர்ச்சிப்பெண்களின் ஆட்டம், பொலிவூட் நடிகர்கள் மற்றும் நடிகைகள், வெளிநாட்டு பாடகர்கள் மற்றும் பாடகிகள் என கிரிக்கெட் ரசிகர்களை மட்டுமன்றி பொதுவானவர்களையும் ஈர்க்கும் கழியாட்டங்கள் மூலம் ஐ.பி.எல் மேலும் பிரபலமடைந்தது.

ஒரு கட்டத்தில் இவற்றை எல்லாம் ஓரளவு உணர்த்தும் வகையில் ஐ.பி.எல் இல் ஸ்பொட் பிக்ஸிங், மெட்ச் பிக்ஸிங், பாலியல் சர்ச்சைகள் என வரிசையாக பிரச்சினைகள் வர ஐ.பி.எல்லில் இருக்கும் சூழ்ச்சிகளும் வெளியில் தெரியவந்தது. மக்களும் கதையை உணர ஆரம்பித்தனர்.

இதனையடுத்து அரசியல், கலாசாரம், விளையாட்டு துறைகளிலிருந்து ஐ.பி.எல் போட்டிகளுக்கு எதிர்ப்பு கிளம்ப ஆரம்பித்தன. இருப்பினும் பணம் பாதளம் வரையல்லவா பாயும்? ஐ.பி.எல் போட்டிகள் தொடர்ந்தும் நடைபெற்றன. ஆனாலும் சர்ச்சைகளுக்கு மட்டும் பஞ்சமில்லை.

இந்நிலையில் தற்போது நடைபெற்றுக் கொண்டிருக்கும் ஐ.பி.எல். தொடரில் ஸ்பொட் பிக்ஸிங்கில் இந்திய வீரர் ஸ்ரீசாந்த் உள்ளிட்ட மூவர் கைதாகினர்.

இதனால் ஐ.பி.எல் இனை முடிவுக்கு கொண்டு வரும் நேரம் இதுவென கருத்துக்கள் வலுத்தது. மக்களும் அதற்கு ஒத்துழைப்பு வழங்கும் வகையில் ஐ.பி.எல் தொடரினை தடை செய்ய வேண்டும் என்ற கோரிக்கைகளை இணையத்தளம், ஆர்ப்பாட்டம் மற்றும்  சுவரொட்டிகள் மூலம் வெளிப்படுத்த ஆரம்பித்துள்ளனர்.
ராஜஸ்தான் ரோயல்ஸ் அணிக்காக விளையாடிய, ஸ்ரீசாந்துடன், அன்கீட் சவான், அஜித் சாண்டிலா ஆகியோர்  சூதாட்ட முகவர்களுக்கு சாதகமாக ஸ்பொட் பிக்ஸிங்கில் ஈடுபட்ட குற்றச்சாட்டில் கைது செய்யப் பட்டுள்ளனர். இவர்களுடன் குறைந்தபட்சம் 11 சூதாட்ட முகவர்கள், பொலிவூட் நடிகர் வின்டு தாரா சிங் ஆகியோரும் கைது செய்யப்பட்டுள்ளனர்.

இந்நிலையில் பி.சி.சி.ஐ இன் தலைவரான என். ஸ்ரீனிவாசன் இது தொடர்பில் கூறுகையில், "இந்த ஊழல் விவகாரத்தில் இந்திய டெஸ்ட் அணி  வீரர் ஸ்ரீசாந்த் மாட்டியிருப்பதைப் பார்க்கிறபோது வேதனையாக இருக்கிறது. இருப்பினும் இந்த ஊழலால் ஐ.பி.எல். போட்டியை நிறுத்தி விட வாய்ப்பு இல்லை.

டெஸ்ட் கிரிக்கெட் போட்டியில் ஆடிய ஒரு வீரர் சூதாட்ட புகாரில் சிக்கி இருக்கிறார் என்பது என்னைப் போலவே, ஏனையவர்களுக்கும் வருத்தத்தை அளித்துள்ளது. இதற்காக ஒட்டு மொத்த போட்டியும் ஊழல் என்று அர்த்தமாகி விடாது. ஐ.பி.எல். போட்டியை நிறுத்த வேண்டும் என்று நான் கருதவில்லை" எனத் தெரிவித்துள்ளார்.

இதேவேளை ஐ.பி.எல் தொடர்பில் தற்போது சமூக வலைத்தளங்களில் அதிகளவில் ரசிகர்களால் முன்வைக்கப்படும் கேள்விகள் இவ்வாறு உள்ளன:

இந்திய மதிப்பில் 10 கோடி முதற் பரிசை தட்டிச் செல்ல ஒவ்வொரு அணியும் சுமார் 1500 கோடிவரை செலவு செய்வது எதற்காக?
கிரிக்கெட்டினை அழிக்கும் ஐ.பி.எல் இற்கு பி.சி.சி.ஐ இன் பலம்வாய்ந்த ஆதரவு எதற்காக?
ஐ.பி.எல். விளையாட்டில் பங்குபெறும் அணியின் முதலாளிகள் தங்களுக்குள் பேசி முடித்து "மேட்ச் பிக்ஸிங்' செய்வதே கிடையாதா? அது குற்றமில்லையா?
ஐ.பி.எல் இல் குற்றம் செய்தார் என தெரிவிக்கப்பட்ட உடனே முழுமையாக நிரூபிக்கப்படாமலேயே அவசரமாக தடை விதி க்கக்கோருவது எதற்காக?
என இன்னும் ஏராளமான கேள்விகளை எழுப்பி இணையத்தளங்களினூடாக ஐ.பி.எல் மீது மண்ணை வாரி இறைக்க ஆரம்பித்துள்ளனர் ரசிகர்கள்.

5 வருடத்திற்கு சுமார் 1.6 பில்லியன் அமெரிக்க டொலர்கள் இந்திய கிரிக்கெட் கட்டுப்பாட்டு சபைக்கு மட்டும் வருமானம் கிடைக்கும் எனத் தெரிவிக்கப்படுகின்றது. எனவே இவ்வாறு பணத்தை அள்ளித் தரும் தங்க முட்டையிடும் வாத்தான ஐ.பி.எல்இனை இப்போதைக்கு விட்டுத்தர சி.பி.பி.ஐயும் தயாராக இல்லை என்பதே உண்மை.

"முடிவு" என்ற விடயம் இறுதிவரை தெரியாமலிருப்பதே அதன் மீதான ஈர்ப்பு அதிகமாக இருக்கும். ஆனால் மெட்ச் பிக்ஸிங் மற்றும் ஸ்பொட் பிக்ஸிங் போன்றவற்றால், முடிவு தெரிந்த பரீட்சை போன்று அமைந்துள்ள போட்டிக ளில் இளைஞர்களும் சிறுவர்களும் நேரத்தையும் பணத்தையும் கரியாக்கும் செயற்பாடுகள் இனியும் வேண்டுமா? என்பது கிரிக்கெட் ரசிகர்கள் பலரின் கேள்வியாக உள்ளது.

அமானுல்லா எம். றிஷாத்

இக்கட்டுரை 23.05.2013ஆம் திகதியன்று மெட்ரோ நியூஸ் பத்திரிகையில் பிரசுரமாகியுள்ளது.

மேலும் வாசிக்க

எம்.ஜி.ஆர்க்கு அடுத்து அதிக ரசிகர்களைக் கொண்டவர் அஜித்தான் : சோ ராமசாமி

எம்.ஜி.ஆர்க்கு அடுத்து அதிகமான ரசிகர்களைக் கொண்டவர் நடிகர் அஜித்தான் என நடிகரும், விமர்சகரும், மூத்த பத்திரிக்கையாளருமான சோ ராமசாமி தெரிவித்துள்ளார்.

பத்திரிக்கையாளரும், நடிகருமாகிய சோ ராமசாமி பாராட்டுவதென்றால் அளவுக்கு அதிகமாகவே கஞ்சப்படுவார். இவர் வயாயால் ஒருவர் பாராட்டு பெறுவதென்றால் சாதரணமான விடயமல்ல.

விமர்சனமின்றி, குறைகளை சுட்டிக்காட்டாமல் அவர் எந்த ஒரு ஆளுமையையும் இதுவரை பாராட்டியது இல்லை என்று கூறலாம்.

இது குறித்து சோ ராமசாமி கூறுகையில், எம்.ஜி.ஆர். தான் பலராலும் இன்றும் போற்றப்படும் ரசிக்கப்படும் மிகப்பெரிய தலைவர், அவரால் மிகப்பெரிய அளவுக்கு ரசிகர் பட்டாளத்தை ஈர்க்க முடிந்தது. அவரை வழிபடவே செய்யத் தொடங்கிவிட்டனர் அவரது ரசிகர்கள்.

அப்பேர்பட்ட எம்.ஜி.ஆர். போன்று இன்று அஜித் உள்ளார். மிகப்பெரிய ரசிகர்களை தன் பக்கம் ஈர்ப்பதில் எம்.ஜி.ஆர்.க்கு அடுத்தது அஜித்தான். ஆனாலும் எம்.ஜி.ஆர்.க்கு ஈடு இணை இல்லை என தெரிவித்துள்ளார்.

எம்.ஜி.ஆர். மறைந்து சுமார் 25 வருடங்களான பின்னரும் அவர் மீது பற்றுக்கொண்ட ரசிகர்கள் இன்றுவரையில் அதிகமாகவே காணப்படுகின்றனர்.  தற்போது அந்தளவிற்கு அதிகமான ரசிகர்களை  கொண்ட நடிகர் 'தல' அஜித் என்கிறார் சோ.

உண்மையிலேயே சோ ஒருவரை புகழ்கிறார் என்றால், அது வசிஷ்டர் வாயால் கிடைத்த பிரம்ம ரிஷி பட்டம் போன்றுதான் என்கிறார்கள் கொலிவூட்காரர்கள்.

தகவலறிந்த ரசிகர்கள் 'தல' போல வருமா என்று மகிழ்ச்சியடைவது கேட்குதுங்களாண்ணா...

மேலும் வாசிக்க

மணிக்கு 263 கி.மீ வேகத்தில் ரொக்கெட் துவிச்சக்கரவண்டியை செலுத்தி சாதனை

பிரான்ஸ் நாட்டைச் சேர்ந்த இளைஞர் ஒருவர் மணிக்கு 263 கி.மீ வேகத்தில் துவிச்சக்கரவண்டியில் பயணித்து சாதனை படைத்துள்ளார்.


பிரான்கொய்ஸ் கிஸ்ஸி என்ற இளைஞனே இச்சாதனையை நிகழ்த்தியுள்ளார். இது சாதாணரமான துவிச்சக்கரவண்டி போன்றதுததான். ஆனால் இதில் ஹைட்ரஜன் பேரொக்சைடில் இயங்கும் ரொக்கட் சாதனத்தைப் பொருத்தி பிரான்கொய்ஸே இந்த துவிச்சக்கரவண்டியை உருவாக்கியுள்ளார்.


இந்த துவிச்சக்கரவண்டியைக்கொண்டு பிரானஸின் வடகிழக்கு பகுதிலுள்ள மன்ச்ஹொவுஸ் என்ற இடத்திலுள்ள பழைய ரன் வே ஒன்றிலே இச்சாதனை நிகழத்தப்பட்டுள்ளது. மின்னல் வேகத்தில் சென்ற இந்த துவிச்சக்கரவண்டிக்கு 'ரொக்கெட் துவிச்சக்கரவண்டி' என பிரான்கொய்ஸ் பெயரிடப்பட்டுள்ளது.


இது குறித்து பிரான்கொய்ஸ் கூறுகையில், ஹைட்ரஜன் பேரொக்சைட் நிரப்பப்பட்டிருக்கும் ரொக்கெட் மூலமே இந்த சைக்கிள் மிக வேகமாக ஓடுகிறது. இதனால் எதுவிதமான தீங்கும் இல்லை என தெரிவித்துள்ளார்.


ஏற்கனவே துவிச்சக்கரவண்டியில் மணிக்கு 242.6 கி.மீ வேகத்தில் சென்றமையே சாதனையாக இருந்தது. இச்சாதனை 2002ஆம் ஆண்டில் நிகழ்த்தப்பட்டிருந்தமை குறிப்பிடத்தக்கது.

மேலும் வாசிக்க

செயற்கை புற்கள் பதிக்கப்பட்ட செருப்புகள்

வெறுங்காலுடன் புற்களில் நடந்து செல்வதற்கு பலரும் விரும்புவதுண்டு.  இதை கருத்திற்கொண்ட பிரித்தானிய நிறுவன மொன்று, செயற்கை புல் பதித்த செருப்புகளை தயாரித்துள்ளது.


புற்களைப் போன்று மிருதுவானதாக இந்த செயற்கை புற்களும் உள்ளன. இதை அணிந்துகொண்டு நடக்கும்போது புற்கள் மீது நடக்கும் உணர்வு ஏற்படுமாம்.


ஆண்கள், பெண்களுக்காக வெவ்வேறு வகையான பாதணிகளை பயர்பொக்ஸ் எனும் நிறுவனம் தயாரித்துள்ளது.

மேலும் வாசிக்க

விண்வெளி குப்பைகளுடன் ஈக்குவடோர் செய்மதி மோதியது

ஈக்குவடோர் நாட்டின் ஒரேயொரு செய்மதியான 'பேகஸோ' விண்வெளிக் குப்பைகளுடன் மோதி விபத்துக்குள்ளாகியுள்ளது.

இதையடுத்து அச்செய்மதியிருந்து மீண்டும் சமிக்ஞைகள் கிடைப்பதை உறுதிப்படுத்துவதற்கான தீவிர முயற்சிகளில் ஈக்குவடோர் விண்வெளி முகவரகம் ஈடுபட்டுள்ளது.

இச்செய்மதி ஒரு மாதத்துக்கு முன்னர் சீனாவின் ஜியுகுவான் விண்வெளி ஏவுதளத்திலிருந்து விண்வெளிக்கு ஏவப்பட்டமை குறிப்பிடத்தக்கது.
இந்நிலையில் அச்செய்மதி நேற்று விண்வெளி சிதைவுடன் மோதியுள்ளது. பூமியிலிருந்து 650 கி.மீ. உயரத்தில் இச்செய்மதி பூமியை வலம்வந்துகொண்டிருந்தது.

1985ஆம் ஆண்டு சோவியத் யூனியனால் ஏவப்பட்ட ரொக்கெட் ஒன்றின் சிதைவுகளுடன் ஈக்குவடோரின் செய்மதி மோதியுள்ளதாக நிபுணர்கள் கணித்துள்ளனர்.

அச்செய்மதியிலிருந்து மீண்டும் சமிக்ஞைகளை பெற முடியுமா என்பதை 3 அல்லது 4 நாட்களின் பின்னரேஅறிய முடியும் என ஈக்குவடோர் விண்வெளி முகவரகத்தின் தலைவரான ரொனி நாடர் தெரிவித்துள்ளார்.

மேலும் வாசிக்க

சிறந்த உடற்கட்டு உலக சம்பியன்ஸ் போட்டியில் முதலிடம் பெற்று சாதனை படைத்த முதல் தம்பதி

இங்கிலாந்தைச் சேர்ந்த தம்பதி ஒன்று சிறந்த உடற்கட்டுக்கான உலக சம்பியன்ஸ் போட்டியில் வெற்றிபெற்றதன் மூலம் உலக உடற்கட்டு சம்பியன் பட்டம் வென்ற முதல் தம்பதி என்ற பெருமையைப் பெற்றுள்ளனர்.

43 வயதான டொன் அகிம் மற்றும் 33 வயதான ரோசன்னா பெக்கட் என்ற தம்பதியே இந்த பெருமைக்குரியவர்களாவர். இத்தம்பதிக்கு கார்மென் என்ற மகள் ஒருவர் இருக்கிறார்.

டொன் கப்பல் தொழிலாளியாகவும் அவரது மனைவி நடனக் கலைஞராகவும் பணி புரிகின்றனர். இத்தம்பதி சிறந்த உடற்கட்டுள்ளவர்களுக்கா செய்ன்ட் ஒல்பன்ஸ் நகரில் நடத்தப்பட்ட மியாமி சிறந்த உடற்கட்டு உலக சம்பியன்ஸ் போட்டியில் கலந்து கொண்டே இச்சாதனையை நிகழ்த்தியு;ளளனர்.

200க்கும் அதிகமானோர் கலந்துகொண்ட இப்போட்டியில் இத்தம்பதி 3 பிரிவுகளில் பரிசுகளை வெற்றிபெற்றுள்ளனர். இதன் மூலம் சிறந்த உடற்கட்டு உலக சம்பியன் பட்டம் வென்ற முதல் தம்பதியாக இவர்கள் தடம் பதித்துள்ளனர்.

இதில் ஆண்களுக்கான மிஸ்டர் மஸ்ஸல் மொடல் ஏ மற்றும் ஆண்களுக்கான உடற்கட்டு ஆகிய இருபிரிவுகளில் டொன் வெற்றி பெற ரோசன்னா மிஸ் பிகினி பி பிரிவுக்கான பட்டத்தை தனதாக்கினார்.

இது குறித்து ரோசன்னா கூறும்போது, இப்போட்டி குறித்த அறிவிப்பினை இணையதளத்தில் பார்த்தோம். பின்னர் இப்போட்டிக்காக கடந்த 4 மாதங்களாக நாங்கள் இருவரும் பயிற்சிகளை மேற்கொண்டோம். இதன்போது வாரத்திற்கு சுமார் 14 மணி நேரம் வரையில் நாங்கள் இருவரும் பயிற்சிகளை மேற்கோண்டோம்.

இதேவேளை வெற்றியின் பின்னர் டொன் கூறுகையில், நாங்கள் இருவரும் தம்பதிகள் என நாங்கள் கூறும் வரையில் நடுவர்களை அதனை அறிந்திருக்கவில்லை. முதலில் ரோசன்னாவே பரிசுக்குத் தெரிவானார். அப்போது நான் மகிழ்ச்சியடைந்தேன். இந்நிலையில் நானும் பட்டத்திற்கு தெரிவானேன் எனத் தெரிவித்துள்ளார்.

By : AM. Rizath / Metronews

மேலும் வாசிக்க