20ஆயிரம் இணையத்தளங்களை தடை செய்தது பாகிஸ்தான்

Innocence of Muslims படத்தினை நீக்குமாறு பல தடவைகள் கூகுள் நிறுவனத்திடம் வேண்டுகோள் வைத்து வந்தது பாகிஸ்தான். எனினும் கூகுள் நிறுவனம் அவற்றை எல்லாம் நிராகரித்து வந்த நிலையில் தற்போது யூடியூப் உட்பட 20 ஆயிரம் இணையத்தளங்களை தடைசெய்துள்ளது பாகிஸ்தான்.

இஸ்லாம் மதத்தினை அவமதிக்கும் மற்றும் சர்ச்சைக்குரிய விடயங்களைக் கொண்டிருந்த தளங்களே இவ்வாறு தடைசெய்யப்பட்டுள்ளதாகத் தெரிவிக்கப்படுகின்றது.

ஆனாலும் இவ்வாறு தடைசெய்யப்பட்டுள்ள இணையத்தளங்களில் பல விரைவில் தளர்த்தப்படலாம் இருப்பினும் யுடியூப் தளத்தின் மீதான தடை நீண்டகாலம் வரையில் அமுலில் இருக்கும் என எதிர்பார்க்கப்படுகிறது.

மேலும் வாசிக்க

Innocence of Muslims படத்தின் எதிரொலி : ஒஸ்காரை புறக்கணிக்கிறது ஈரான்

இஸ்லாம் மார்க்கத்தினையும் அதன் தூதர் முஹம்மது நபி (ஸல்) அவர்களையும் இழிவுபடுத்தும் வகையில் தயாரிக்கப்பட்டுள்ள இன்னசென்ஸ் ஒப் முஸ்லிம்ஸ் திரைப்படத்திற்கு தங்களது எதிர்ப்பை காட்டும் வகையில் ஒஸ்கார் விருது விழாவினை புறக்கணிப்பதாக ஈரான் அறிவித்துள்ளது.

உலகின் பல பாகங்களிலும் குறித்த அமெரிக்க திரைப்படத்திற்கு முஸ்லிம்கள் தங்களது கண்டனத்தை பல்வேறு வழிகளில் வெளியிட்டு வரும் இந்நிலையில் ஈரானும் குறித்த திரைப்படத்திற்கு கண்டனத்தை வெளியிடும் வகையில் அமெரிக்காவில் இடம்பெறவுள்ள ஒஸ்கார் விருது விழாவிற்கு தங்கள் நாட்டிலிருந்து படங்களை அனுப்பப்போவதில்லை என அந்நாட்டு கலாச்சாரத் துறை அமைச்சர் முஹம்மது ஹொஸ்னி தெரிவித்துள்ளார்.

இது குறித்து அவர் கூறுகையில்,

நபிகள் நாயகத்தை இழிவுபடுத்தியதைக் கண்டித்து இந்த ஆண்டு ஆஸ்கர் விருது விழாவை ஈரான் புறக்கணிக்கிறது என்பதை அதிகாரபூர்வமாக அறிவிக்கிறேன். இதே போன்று மற்ற முஸ்லிம் நாடுகளும் ஒஸ்கhர் விழாவை புறக்கணிக்க வேண்டும் என்று கேட்டுக்கொள்கிறோம்.

ஒஸ்காருக்கு அனுப்புவதாக இருந்த ஈரானிய படம் 'எ க்யூப் ஆப் ஷுகரை' நிறுத்தி வைப்பது என்று அதன் தயாரிப்பு நிறுவனத்துடன் கலந்து பேசி முடிவு செய்யப்பட்டுள்ளது என்றார்.

ஆனால் இது குறித்து ஈரானிடம் இருந்து அதிகாரபூர்வ தகவல்கள் எமக்கு கிடைக்கவில்லை என்று ஒஸ்கர் விருது விழா ஏற்பாட்டாளர்கள் தெரிவித்துள்ளனர்.

சிறந்த வெளிநாட்டு படங்களுக்கான ஒஸ்கார் விருதினை ஈரானிய படங்கள் பல தடவைகள் வெற்றிபெற்றுள்ளமை குறிப்பிடத்தக்கது.

மேலும் வாசிக்க

Innocence of Muslims பட இயக்குனர் மற்றும் கூகுள் மீது நடிகை வழக்கு

இஸ்லாம் மார்க்கத்தையும் முஹம்மது நபி (ஸல்) அவர்களையும் இழிபடுத்தி எடுக்கப்பட்டுள்ள Innocence of Muslims படத்தில் தன்னை ஏமாற்றி நடிக்க வைத்ததாக கூறி நடிகை சின்டி லீ கார்சியா அப்படத்தின் இயக்குனர் மற்றும் கூகுள் நிறுவனத்தின் மீது வழக்குத் தொடுத்துள்ளார்.

இது குறித்து அவர் நடிகை லீ கார்சியா தெரிவிக்கையில், இப்படத்தில் ஒப்பந்தம் செய்யப்பட்ட போது இது இஸ்லாத்தையும், முஹம்மது நபியையும் இழிவுபடுத்தும் படம் என்று எனக்குத் தெரியாது. இயக்குனர் உண்மையைச் சொல்லாமல் ஏமாற்றிவிட்டார். 

பாலைவன போர் வீரன் என்ற தலைப்பிலேயே என்னிடம் திரைக்கதையைக் சொன்னார்கள். மேலும் இது எகித்தில் 2,000 ஆண்டுகளுக்கு முன்பு நடந்தவற்றை அடிப்படையாகக் கொண்டு பின்னப்பட்ட கதை என்றும், மதத்திற்கும் இப்படத்திற்கு எதுவித சம்மந்தமும் இல்லை எனவும் தெரிவித்தனர்.

ஆனால் தற்போது படத்தின் பெயரை Innocence of Muslims என மாற்றியது மட்டுமல்லாது படத்தில் முஹம்மது நபி குறித்தும், கடவுள் குறித்தும் நான் பேசாத வசனங்களை எல்லாம் சேர்த்துள்ளனர். படத்தை எடுக்கையில் முஹம்மது என்ற பெயரே வரவில்லை இருப்பினும் இப்போது 'மாஸ்டர் ஜோர்ஜ்' எனற இடங்களிலெல்லாம் முஹம்மது என்று மாற்றம் செய்து வெளியிட்டுள்ளனர் என்றார்.

கடந்த புதன் கிழமை வழக்கை விரசாரணை செய்த நீதிமன்றம் யூ டியூப்பில் உள்ள படத்தின் பகுதிகளை நீக்குமாறு கூகுளுக்கு உத்தரவிட முடியாது என்று தெரிவித்துள்ளமை குறிப்பிடத்தக்கது.

மேலும் வாசிக்க